سؤال في الرغبات

السلام عليكم و رحمة الله و بركاته
كان عندي سؤال لكل مين سلم ورقة الرغبات و استلم الايصال
في مكان مخصص لختم الشؤون التعليمية في الوصل اللي بتستلمو
هو لازم هما يختمولك عشان انا متختمليش في المكان دا هما بس قطعو الورقة و ادوهالي
فياريت حد يفدني في الموضوع دا
و شكرا
بتمنى للكل التوفيق
سلام عليكم

وانا برضو عندى سؤال هو احنا ازااى بنملى الرغبات واحنا منعرفش درجاتنا على اساس يعنى حنكتبها؟؟

M.7amdy كتب:السلام عليكم و رحمة الله و بركاته
كان عندي سؤال لكل مين سلم ورقة الرغبات و استلم الايصال
في مكان مخصص لختم الشؤون التعليمية في الوصل اللي بتستلمو
هو لازم هما يختمولك عشان انا متختمليش في المكان دا هما بس قطعو الورقة و ادوهالي
فياريت حد يفدني في الموضوع دا
و شكرا
بتمنى للكل التوفيق
سلام عليكم

بص يا باشا

انا لسه مسلمتش الاستماره لكن هسلمها بكره ان شاء الله هقولك المفيد

sarah22 كتب:وانا برضو عندى سؤال هو احنا ازااى بنملى الرغبات واحنا منعرفش درجاتنا على اساس يعنى حنكتبها؟؟

بصى يا ستى ان شاء انتى بتملى العشره اقسام بتكتبيهم

كونك انتى مش عارفه تكتبى ايه ده مشكله مش عشان الدرجات ولكن عشان انتى مش عارفه انتى عايزه ايه

انا شايف انك لازم تكتبى الحاجه الى بتحبيها الاول والحاجه الى بتميلى انك تعمل حاجه فيها تمام بس متحطيش فى دماغك اصحاب عايزين يدخلوا ايه وبرضه متحطيش فى دمغك انك مثلا مش هتتشتغلى لان انا شايف ان مفيش مهندس مبيشتغلش


واى اساله تانى انا موجود

طب ايه استماره 6 جند دى ؟
هو لازم أجيبها من القسم اللى أنا تبعه ؟( القسم اللى أنا مطلع البطاقه بتاعتى تبعه)

بص يا علاء الاستماره ده عشان موقفك من التجنيد ولازم تجيبها من القسم اى قسم او من المدريه فى سموحه

ميرسى اوى

semsem كتب:بص يا علاء الاستماره ده عشان موقفك من التجنيد ولازم تجيبها من القسم اى قسم او من المدريه فى سموحه

مانا عارف بس هل أوديها فاضيه زى لما كنا بنقدم الملف وللا ايه؟

اه وديها فاضيه ولو طلبوا تملى حاجه ابقى املاها

طيب بالنسبه للقدرات بتاعة عماره احنا المفروض بناخد فيها كورس محدش يعرف حيبتدى امتى

انا سمعت اساسا ان مش هيكون فى امتحان فى العمارة

الدكاترة لغوا الامتحان دة السنة ادى ....... دكتور احمد الشريف قال كدة فى محاضرة من محاضراته عمتا اتاكدى

بس اللى عرفته ان الامتحان بتاع القدرات دة اتلغى

الامتحان اتلغى بس الكورس لا د / أحمد الشريف هو اللى قاللى كده بس عموما هبقى أتأكد إن شاء الله و أقولكم

طب مادام الامتحان اتلغى ايه لزمة الكورس بقى؟

الدكتور قاللى عشان الطلبة يدخلوا القسم و هم عندهم فكرة عن اللى هيدرسوه

طب الكورس ده حيبتدى امتى وفين؟

انا كمان كنت عايزه اسال عن الكورس حيبتدى امتى

ياريت اللى عارف اى حاجه يقولنا؟

أنا سألت إنهاردة المسئولة عن شئون الطلبة مش فاكرة اسمها بصراحة المهم قالتلى إن مفيش امتحان قدرات بس فى كورس إن شاء الله سألتها إمتى قالتى شوفى فى الإعلانات اللى متعلقة بره دورت ملقتش حاجة فسألت فى الأودة اللى جنبها قالولى لسه متحددش

بس ياريت اللى يروح و يلاقى أى أخبار جديدة يقول

شكرا يارورا بس معنى كده ان احنا حنخش القسم من غير اختبارات ولا حاجه صح كده ولا ايه

آه بالمجموع بس و هياخدوا 120 طالب و طالبة بس على حد علمى

يا جماعه مكتوب ف شروط عماره الاولويه ياترى اولوية التقديم ؟ولا اولوية المجموع ؟ احسن اما لسه اخده بالى ومتلخبطه

بالنسبة لامتحان القدرات للعمارة انا سالت واتاكدت ان الامتحان اتلغى *اما بالنسبة للاولوية فهى اكيد للمجموع بس مش متاكدة اناهسال وهبقى ارد عليكم لما اتاكد

لا مش لازم يختمو على الوصل انا كمان متختمليش اصلا محدش اتختملة وانا سالت قالولى مبيتختمش على الوصل

ايوة يا جماعه
صح مبيتختمش على الوصل
مفيش حد اتختمله اساسا

ياجماعه انتوا خوفتونى خالص
حيخدوا فى عمارة120 طالب بس
اده ربنا يستر ولو حد عرف حاجه عن الكورس يقلى
PLEASE

انا سالت فى الكليه يوم السبت اول امبارح
وقالولى فى شئون الطلبه ان مفيش لا امتحان ولا كورس

بس اللى عاوز يخده مفيش مشكله