ايه توقعاتكم عن مباراة بكرة

ياترى الفراعنة هيكملو انجازاتهم ويبهرو العالم اكثر بجمال الكرة المصرية ويغلبو امريكا
يكفينا فخرا ان احنا عملنا المباريات الجامدة دي اكيد الافارقة مرعوبين من الفراعنة
العالم كله عرف قيمة الابطال المصريين يا ترى هيكملو بنفس المستوى الرائع

بصى انا حقولك حاجة
انا خايفة من ايه
اولا امريكا دلوقتى عرفت احنا ايه وعرفت اننا جامدين مش زى ما العالم كله كان فاكر

ثانيا: حتنزل بكل قوتها عشان هى خلاص معندهاش حاجة تبكى عليها

ثالثا:ممكن جدا الحكاية تتلعب بين البرازيل وايطاليا ،،عشان كده كده البرازيل ضامنة التأهل
وده البرازيل عملته قبل كده مع المغرب وممكن تعمله فينا
ربنا يستر

ايه ده اول مره اعرف ان البنات بتفهم فى الكوره

والله بنفهم بس انتو اللى مش واخدين بالكم

لما البنات تفهم فى الكوره مين الى هيطبخ بعد كده

اية ياسمسم ههه
معلش مش قادر اضحك كتير بس انتا ضحكتنى بجد

ها
محدش حيطبخ
ممكن حضرتك تطبخ لنفسك
ههههههههههههههههههههههههههههههههههه

احنا ما بنفهمش فى الكورة ؟
واللة ضحكتنى جدا انا كمان
حضرتك الظاهر مش متابع اللى بيحصل
واية جاب الطبيخ للكورة دلوقتى

شكل الموضوع دا حيبقى تحفة ههه بس انا حابب اقول حاجة اسامة حاليا بيتكلم جد

تعليقا على دعاء غى اول رد

انا شايف البرازيل مش هتفوت لايطاليا 3 اسباب
الاول ان اطاليا طلعت البرازل قبل كده ففى طار بايت
التانى ان البرازل معجبه جدا باداء مصر
التالت ان البرازل هتهاجم هجوم عنيف جدا فى حاله خسارتها لان مشكله كبيره ليهم

انا ما قلتش توقعى
ان شاء اللة هنكسب والمنتخب اكيد هيحاول يسيطر على المنتخب الامريكى
بس الامريكان هيضغطو جدا
بس فىعيب فى منتخبنا
انة مهما حاول بيسيطر علية الاستقلال بالمنتخب الاقل منة حتى لو قالو انهم مش مستقليين بيهم بس دة بيبان
بس المنتخب اكيد مش هيخلص الماتش من اول شوط

ربنا يسهل
وبالتوفيق ان شاء اللة

ان غدا لناظره قريب .

وان شاء الله نوصل ونحتفل كلنا بالانتصار .

والله يا بشمهندس مش عارفة ليه حسة العكس
حتى لو فيه ثار بايت بس دى بطل العالم وكده مش فى صالحهم هم الاتنين
وكمان العالم كله معجب باداء مصر مش البرازيل بس وده ميمنعش ان ده بيحصل انها تتلعب بينهم هم الاتنين صراحة انا مش عارفة انها طلعت البرازيل قبل كده
انا عارفة ان فى كاس العالم بس اللى فات البرازيل طلعت من المانيا
وبعدين البرازيل معندهاش مشكلة ولا حاجة
لانها كده كده ضامنة التأهل فى حالة عدم خسارتها
وكمان لازم ايطاليا تعمل فيها سكور وده انا معتقدهوش
متبقاش البرازيل يعنى!!!!!

ان شاء حنكسب
بس يا رب فعلا البرازيل متلعبهاش مع ايطاليا

ربنااااااااااااااااااااااا يستر
والله امريكا مش سهلة
وبعدين لعلمكو البنات بتفهم في الكورة اكتر من الولاد
ههههههههههههههههههههه قصدي (المهندسات) مش عارفة باقي البنات ايه نظامهم