ممكن حد يفيدنى

انا بصراحة لحد دلوقتى ماكتبتش الرغبات حسه انى عايزة مدنى بس فى ناس بيقولولى بلاش عشان هو قسم بهدله للبنات عشان فيه مواقع وكده ايه رايكم يا جماعه طب اكتب ايه طب وايه اللى مناسب للبنات مع انى حسه ان هندسه مش للبنات اصلا ما علينا يا ريت حديفدنى وكمان ايه رايكم فى كيميا هل فعلاشغلها قليل

بصى انتى لو حابه جدا مدنى

اكتبيها اول رغبه سورى فى الكلمه غصب عن اى حد
اما لو مش حباه لاوم تشوفى القسم الى انتى حباه

ثانيا انا شايف ان مفيش مهندس مبيشتغلش

مش عارف ردى يكون فادك ولى لا

بس انت بردة ما قولتش ايه الاقسام المناسبه للبنات
انت بتقول ان مفيش مهندس مبيشتغلش انا بنت خالتى متخرجه من سنتين وهى كيميا ومش لاقيه لحد دلوقتى شغل

اممم انك يكون هدفك واضح احسن , بس بما انك بتحبى مدنى

مش كل شغل مدنى فى مواقع , سمعت ان فى Designers او مصممين هما اللى بيعدوا فى المكاتب و بيرسمو و شغلهم مريح , حتى اظن ( اظن ) ينفع فى البيت

و لو حتى المجال صعب, خليكى عبرة بالنسبة لغيرك او بمعنى اصح اكسرى القاعدة .. مفيش حد اتولد بيكسر كل القواعد من ساعة ما اتولد .. معايا؟ *طالما* دا مش حيضر بشخصيتك و احترامك بين الناس .. لان مفيش حاجة تقدر ترجعها

يا ريت تكونى فهمتى نظريتى

اوكى يا دودى
انا اختى مدنى
واشتغلت من قبل ما تطلع شهادتها حتى
اللى حابب قسم لازم يدخله
اكيد انتى لو حابه مدنى ممكن تتفوقى فيه او تطلعى معيدة
ولو ده محصلش _لا قدر الله_ فده ميمنعش انك متشتغليش
يمكن بنت خالتك مثلا مش شاطرة اوى مثلا
مين قالك؟
يمكن هى مكنتش حابة هندسة اصلا
مين قالك؟
يعنى كل واحد ليه ظروفه
قسم كيميا كويس للبنات على ما اعتقد وشغله كويس جدا متقلقيش
ده انتى ممكن تشتغلى فيه فى شركات كتير اوى وشركات بترول وحاجات كويسه جدا
انا اقاربى فى كيميا وبيحكولى يعنى
المهم
اللى انتى عايزاه لازم تعملى ولكن

اولا واخيرا مش احنا اللى حنقلك تعملى ايه ومش انتى اللى بتحددى مستقبلك

لاااااااااااااااااااااااازم تعملى استخارة
لازم لازم
محدش عارف الخير حيكون فين
ارجو ان اكون افادتك

بصي انتى طالما دخلتي هندسه يبقى مفيش قسم للبنات وقسم للولاد
بس هوا في اقسام الى حد ما مافيهاش تعب اوي للبنات اللي هيا كميا وعماره
اهم حاجه تدخلي قسم تحسي انك هتقدري تشتغلي فيه كويس وتكوني حباه مهما كان
ومفيش حاجه اسمها قسم ليه شغل او مالوش
لان في ناس كهربا وكومبيوتر ومش بيلاقو شغل مالهاش مقاييس
شوفي ايه اكتر قسم مستريحاله واكتبيه
وان شاء الله اللي فيه الخير ليكي ربنا هيسهلهولك

شكرا جدا على الرد يا جماعة وانا فهمت نظريتك يا مايتى وشكرا يا دعاء ويا ميرو
خلاص انا هتكل على الله ومدنى ان شاء الله انا حسة فعلا انى عايزاه وربنا يوفق الجميع

ربنا معاكى يا دودى
ويوفقك واحنا كمان
ان شاء الله

ان شاء الله يا دعاء