ممكن اكون رومانسى ومتدين ؟ وهل فى صداقه بين والولد والبنت ؟

يا جماعه دول جزيئين من برنامج الطريق الصح للمعز مسعود بيوضح فيهم بعض المفاهيم الخطاء
زى انى علشان اكون متدين مش حينفع اكون رومانسى وديه تفكير غلط خالص وكمان التعامل بين الولد والبنت خارج حدود الزماله واللى بيتقال عليها صداقه

ممكن اكون متدين و رومانسى ؟
الصداقه بين الولد والبنت

والله انا شايف ان التدين والرومانسية ملهمش علاقة ببعض
يعني ممكن ابقي متدين جدا ورومانسي جدا مع زوجتي ودة احلي حاجة
اما بالنسبة للصداقة فانا ليه وجهة نظر يمكن ناس كتير مش هتتقبلها
احنا اصلا في مجتمع بيرفض الصداقة بين البنت والولد
ولكن بالنسبة ليه انا انا بحط نفسي مكان ابوها واخوها واشوف انا ممكن ارضي لبنتي واختي لغاية فين وبتصرف علي اساس كدة
يبقي كدة انا كدة كسبت حاجتين
1-اني مشتغلتش اهلها وحتي لو عرفوا مفيش مشكلة
2-وبيقولوا اللي بيقدم السبت بيلاقي الاحد وانا بكدة هضمن ان اخواتي البنات مش هيحصل معاهم اكتر من اللي انا بعملة

[quote:1309="eng:mm"]والله انا شايف ان التدين والرومانسية ملهمش علاقة ببعض
يعني ممكن ابقي متدين جدا ورومانسي جدا مع زوجتي ودة احلي حاجة
اما بالنسبة للصداقة فانا ليه وجهة نظر يمكن ناس كتير مش هتتقبلها
احنا اصلا في مجتمع بيرفض الصداقة بين البنت والولد
ولكن بالنسبة ليه انا انا بحط نفسي مكان ابوها واخوها واشوف انا ممكن ارضي لبنتي واختي لغاية فين وبتصرف علي اساس كدة
يبقي كدة انا كدة كسبت حاجتين
1-اني مشتغلتش اهلها وحتي لو عرفوا مفيش مشكلة
2-وبيقولوا اللي بيقدم السبت بيلاقي الاحد وانا بكدة هضمن ان اخواتي البنات مش هيحصل معاهم اكتر من اللي انا بعملة[/quote]

فعلا
و أنا شخصيا مش مقتنعة نهائى بالصداقة بين الولد و البنت و الدين الإسلامى بينهى عنها متقولش دى زى أختى لأن أكيد هى مش زى أختك و لا حاجة و أى بنت تسأل نفسها لو هى ماشية مع ولد و قالتله إلحق هى دى أختك اللى ماشية مع ولد و شوفى رد فعله إيه ؟؟؟

الموضوع جامد يا سحس

بس ليه راى يمكن يحمل الخطا او الصواب وياريت تردوا عليه

انا اعتقد لو ماشى مع واحده او بتكلم واحده ده بيكون ليه اسباب كالاتى
اولا : لو على اساس انك عايزها تكون صحبتك او زميلتك ده انا مش معاه لان زى مقال محمد احنا فى مجتمع يرفض الصداقه بين الولد والبنت
ثانيا لو ماشى عشان انت بتاخد منها مصلحه ده يبقى عيب عليك جدا
ثالثا لو كنت مصاحبها وماشى معاها عشان الى يشوفك يقول ده ماشى مع بنات ومقطع السمكه وديلها ده عيب جدا ومش ده الرجوله فلو شايفين الشباب ان ده صح يبقى همه غلطانين
رابعا واخيرا هى النقطه التى ارها انها هى الوحيده المسموح بها وفى نطاق يكون غير ملفت فى حاله انك بتكلم واحده انت بتحبها وناوى على خير معاها وعندك استعداد فى اى وقت تروح تكلم والدها انا شايف ان ده الحاله الوحيده الى انا شايف يكون فى علاقه بين الولد والبنت

وياريت اشوف ردكم عليه
وبرضه راى يمكن ان يحمل الخطاا او الصواب

بص يا اسامه انا حقولك راى بصراحه لو حتكلم فى الدين بس يبقى اصلا الوقوف مع البنات حرام الا المحرمات بس
بس طبعا دلوقتى من صعب جدا ان ميحصلش اى تعامل بين الولد والبنت بس لو حتتعامل يا ريت تتعامل فى حدود زماله وحط تحت زماله الف خط علشان فى فرق بين صداقه وزماله
زماله بتبقى فى حدود العمل او الكليه بس يعنى مثلا شغالين مع بعض ومطلوب منكم تنفذوا حاجه لازم ساعتها حيكون فى تعامل بس ميزدش عن كده اما صداقه يعنى تحكيلى واحكلها وكده نخلص كليه او شغل وناكل مع بعض بقى والباقى انت عارفه وده بقى بجد اللى مينفعش خالص علشان افتكر ان اختك او بنتك ممكن يتحطم فى الموقف ده
وطبعا ده راى واكيد يحتمل الخطاء

زي ما حسين بيقول

ايه دا يا شباب يعني لو زمايل في الكلية وبتتبادلوا ورق مثلا او حاجة زى كدا حرام
؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟

يعنى مش معقول إن مفيش ولد واحد فى الكلية معاه الورق اللى معاها

rora tag كتب:يعنى مش معقول إن مفيش ولد واحد فى الكلية معاه الورق اللى معاها

هههههههههههههههههههههههههههههههههههه

الاجابة الوحيدة ان اساسا الدين مش المجتمع زى منتو قلتو بيحرم النظرة لاى امراة لا تحل لك يبقى من باب اولى ان مينفعشاتكلم مع ى بنت وردا على سمسم انت والله لو عايز البنت زى منتا بتقول فى الحلال يبقى متكلمهاش وربنا ياما حيجبهالك فى الحلال او احسن منها منتا متعرفش يمكن البت دى يحصل معاها اى ظروف وانت تيجى مثلا تجوز واحده تكون هى برده كان ماشية مع واد وعايزة تجوزه علشان هى الحكاية كلها كده كما تدين تدان وبعدين انت رزقك مكتوب ومكتبلك انت حتجوز مين مثلا يبقى مفيش داعى بقى تقول انى بكلمها علشان عايز ارتبطط بيه
قال رسول الله صلى الله عليه وسلم -فى جزء من حديث- (ثم يرسل اليه الملك فينفخ فيه الروح ويؤمر باربع كلمات بكتب رزقه واجله وعمله وشقى هو ام سعيد)
يعنى انت كل حاجة متظبتالك فمفيش داعى وبعدين والله لو طبقت كلام ربنا حترتاح

طيب يا محمد انا معاك بس انام قصد لو الى بكلمها ده وبحبها انا قلت فى اطار غير لافت يعنى انا مكنتش اقصد ان يشوفها يفضل ماشى معاها ويتكلم معاها طول اليوم وكده ده انا مقصدوش لكن اقصد ان ممكن تتعامل فى اطار احترام بمعنى السوال عليه وعلى الدراسه معاها نظامها ايه مش اكتر ولى اقلل

وبرضه فى حاجه انا عارف ان كل شى مكتوب ومحسوب عند ربنا وكل حاجه متظبطالى زى ما انت قلت لكن برضه معروف ان ازم
اسعى ياعبد فكيد لو مبذاكرش مثلا يبقى مش هدخل القسم الى عايزه وهاجى اقول ده مكتوب اه هو مكتوب لكن لازم كنت اعمل الى عليه

يا ريت لو غلطان حد يقولى

وتانى انا اقصد فى اطار غير لافت نهائيا

بص الى انا عارفه قلتهولك مقدرش احللك حاجة ربنا محرمها فى حاجة اسمها من باب اولى يعنى ربنا محرم النظرة يبقى من باب اولى الى بعده كل متحرم يعنى الكلام وكده
اما بالنسبة ان كل حاجة مكتبولك فطبعا ايوه انت لازم تاخد بالاسباب هو ده التوكل
والله اعلم

ايوه يا محمد انا معاك بس فلنفرض ان الضرورة فرضت انك تكلم بنت لسبب ما
انا معرفش بس لو الي انت بتقولوا دا صح يبقى حرام ان المراة تشتغل ماهو في اختلاط بين الرجل والمراة اثناء العمل وكتيــــــــــــــــــــر بيتكلموا مع بعض

احنا في كلية الهندسة
والبنت يوم لما دخلت الكلية كانت عارفة انو هيجي اليوم اللي تتعامل فيه مع ولد
ولو محصلش في الكلية هيحصل لما تتخرج
وجود التعامل بينهم ده امر هيحصل هيحصل
المهم شكل التعامل ده هيكون ازاي؟؟؟؟؟؟
يعني لو الكلام في حدود....لو باحترامومفيش ضحك وهزار و كلام فاضي
انا شايفة ان التعامل في الحالة دي اكيد مفيش فيه مشكلة
وكل واحد واللي اتربى عليه.......دي وجهة نظري المتواضعة جدا

تمام يا بوسي انا معاكي
وبعدين احنا يعتبر بنتعامل مع بعض علي المنتدي اه مبنشوفش بعض بس بنتكلم علي الاقل اة مش ميك بس بنكتب
المهم يا باش مهندسين ان انت لو لولد شوف تحب اختك لما حد يتعامل معاها يعاملها ازاي واتعامل علي اساس كدة
وانتي لو بنت طبعا شوفي اية الي يخلي والدك او اخوكي ميضايقوش وطبعا كرامتك واتصرفي علي اساسة

لان في النهاية لازم يحصل تعامل بين الولد والبنت

انا اسفة جدا على الكلام ده بس انا فعلا معترضة
اولا:اننى ارى انه لا مجال اطلاقا للتعامل بين البنت والولد داخل كليتنا
فمثلا اذا اراد محاضرة مثلا
هل لا يوجد لديه مثلا
احمد محمد مصطفى كريم اى شخص ليستعير منه هذه المحاضرة
هذه حجج واضحة جدا
ثانيا:عندما نتحدث عبر المنتدى فان كل منا لا يعرف الاخر اصلا ولكنها محادثة عن بعد وفى اطار محدود فكيف نشبهها بالذين يتحدثوا فى الكلية وجها لوجه
ثالثا:نعرف جيدا ان هناك معاملات اكيدة مستقبلا باذن الله بين البنت والولد ولكنه كما قلت فى اطار هندسى وهذا كما ارى ليس حرام اطلاقا والا فلن تعمل البنات ابدا
رابعا:لا يوجد مايسمى بتبادل الورق
(وبعدين متوجعوش دماغكم وروحوا صوروا من سمر)
هههههههههههههههههههههه
خامسا:الدين والرومانسية وجهان لعملة واحدة واذا اردتوا ان تتاكدوا انظروا فى حياة رسولكم الكريم وتعامله مع زوجاته بل ومع الاطفال ايضا ومع الناس كلهم

بصراحة وجهة نظر تحترم
اهم حاجة الاحترام المتبادل

انا برفض نهائيااااااااااااااااا تعامل البنت مع الولد
هي مش هتعوز منه حاجة لانها عندها صحابها
وهو مش هيعوز منها حاجة لانه عنده صحابه
واللي بيعمل عكس كده بيبقي بيتلكك /تتلكك

انا معاكي يا دعاء

بس عندى سؤال بالنسبة للصبيان هي سمر دي مش بنت







انا يهزر عارف انها مكتبة بس ورق المحاضرات افضل "مع العلم انى مش بذاكر منه"

هههههههههههههههههههه
لكن فعلا لست ارى اى وجه للتعامل بين البنت والولد
ومن المفترض ان الطلبة تدخل المحاضرة لكى تكتب كل ما يقال لا ان ياخذ الولد محاضرات البنت او العكس (كل واحد يخدم نفسه بنفسه)
لا احب ان ياخذ اى احد مجهود شخص اخر
ثم شىء اخر اى شخص يكتب المحاضرات بشكل جيد تعرض فى هذا المنتدى اى لا يوجد اى حجة فلماذا اذن هذا الكلام؟؟؟؟؟؟؟؟؟

و أنا مع دعاء

شكرا يا رورا

دعاء محمود عبد السلام كتب:
(كل واحد يخدم نفسه بنفسه)
لا احب ان ياخذ اى احد مجهود شخص اخر
ثم شىء اخر اى شخص يكتب المحاضرات بشكل جيد تعرض فى هذا المنتدى اى لا يوجد اى حجة فلماذا اذن هذا الكلام؟؟؟؟؟؟؟؟؟

طيب اذاي يعني احنا المفروض مش نحط المحاضرات اللي معانا دي على المنتدى علشان محدش ياخد مجهود حد ولا ايه


ده عمل خيري بنساعد بعض علشان احنا اخوات مش حد ياخد مجهود حد

لا ماهو يا كده يا كده
يا اما محدش ياخد مجهود حد (بين البنت والولد)
يا اما البنت اللى حتموت وعايزة تخدم الولاد ومش قادرة
ههههههههههههههههههههههههههه
تنزل المحاضرات فى المنتدى
(بهزر اوكى)

يعنى محبكتش ان الولد يكلم البنت ده اللى انا اقصده
اكيد هناك حلول اخرى

" مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ " النساء 25

وفي سورة المائدة بنفس النص .
الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ (5)

انا مش حفسر الايتين ..

. ومن يهده الله فهو المهتد ومن يضلل فلن تجد له وليا مرشدا