مش الاسبانش طلع حجاب يهودى ..... اللى مش مصدق يدخل

السلام عليكم ,

طبعا عندكم نت .. صح ؟؟
طبعا , أمال انتوا دخلتوا هنا إزاي ؟؟
طيب معلش كل واحد يفتح جوجل أو ياهوو على " بحث الصور " و يكتب الكلمة دي :
Jewish scarf

و قول لي على اللي شفته ..

إيه ده بقى ؟؟
هو البحث ( خرّف ) و لا إيه ؟؟
هو مش دي الطُرَح الـspanish اللي بيقولوا عليها ؟؟
و ده الي بيقولوا عليه حجاب ( إسلامي ) ؟؟
أمال إزاي يطلع في البحث عن حجاب ( يهودي ) ؟؟
و الجواب بكل بساطة إن ده مش حجاب إسلامي و لا دياولو !!
ده حجاب يهودي ( صِرف ) !!
و جناب ( المحجبات ) المسلمات بياخدوا أي موضة بدون تفكير !!
حاسس إن فيه ناس لسه شاكه في الأمر ,
إزاي يعني الحجاب ده بتاع اليهود ؟؟
و هم اليهود بيتحجبوا أصلا ؟؟
طيب ادخلوا على الموقع ده يا زعيم :
http://www.tznius.com/cgi-bin/tying.pl
بيبين أنواع و طرق ربط ( الحجاب ) المزعوم ,
بس ادخلوا ( برجلكم الشمال )
و خلوا بالكم من الإعلان اللي فوق

و من الإعلان اللي تحت

- يا عيني عليهم , الدمعة هـ( تفط ) من عيني

أظنكم اتأكدتم إنه موقع يهودي , و إن اليهود بيلبسوا الحجاب ده ,
و في الموقع نفسه طريقة ربط ( البتاع ) !! :
http://www.tznius.com/cgi-bin/rapunzel.pl

وأنا ( بدعبس ) عن الموضوع لقيت مدونة فيها موديلات تانية :
http://veiledglory.wordpress.com/200...-worn-scarves/

و خلوم بالكم برضه من الجملة المكتوبة في آخر السطر الثالث :
The company sells Jewish modest clothing

علشان برضه تتأكدوا إنه يهودي

أظن أكيد بقى اتأكدتم إنه حجاب يهودي ,


و إن نساء المسلمين ( واخدين بمبة ) جامدة قوي,و اللي يغيظ إن فيه نساء في قنوات تُسمى ( إسلامية ) بيطلعوا لابسينه !!
المهم اللي عاوز أقوله إن : الحجاب ليس ( غطاء الشعر ) و لا حتى ( غطاء البدن ) بل أكثر من ذلك , كما يقول الدكتور محمد إسماعيل في كتاب" عودة الحجاب ":

ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ،
والتي شرعها الله سبحانه وتعالى لتكون الحصن الحصين الذي يحمي المرأة ،
والسياج الواقي الذي يعصم المجتمع من الافتتان بها ،
والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ."

خلاص مش هطول عليكم ,
بس زوروا المواقع دي :
http://www.al-hejab.com/
http://www.saaid.net/female/h43.htm
و ده فلاش جامد جدا :
http://www.saaid.net/flash/Thabaat.htm

خلاص بقى ,جزاكم الله خيرا ,

و لا تنسوا كاتب الموضوع الأصلي من دعوة صالحة إن ربنا يتوب علينا و يهدينا و يوفقنا لما يحب ويرضى ..و يدخلنا الجنة و يجيرنا من النار ,
و طبعا .. حقوق النشر للجميع.. لو رأيت إنه يستحق النشر


منقول

تمام برافو عليكي الحجاب الاسلامي له مواصفات مش موجودة نهائيا في البتاع ده

الحمد لله انا عمري ماعملت الطرحه سبانش.
وجزاك الله خير علي الموضوع

سبحان الله .. نفسى اعرف مين اللى جاب الموضة دي و سماها سبانش كمان؟؟

شكرا يا رورا على الموضوع الممتاز دا , و ربنا يستر فى اللى جاي

الف شكر يا رورو وربنا يهدى شباب وشابات الامه الاسلاميه

جزاكم الله خيرا على الردود يا جماعة
أنا فعلا مكنتش متوقعة التأييد الجامد ده
كنت متوقعة إن الكل إما هيستنكر أو هيدافع عن الاسبانش
فعلا إنتوا أثبتوا إن الدنيا لسه بخير

بجد افادة جامدة حتي لو مش حقيقي نتقي الشبهات ويا ريت مواضيع اكتر