الغيرة مشكلة كبيرة مش كدة

الغيرة ده كلمة موجودة في المجتمعات الشرقية بالخصوص. كلمة غريبة شوية لكن بحكم التربية والعادات والتقاليد بقت حاجة موروثة وطبع دائم.بس بيني وبينكوا هي حاجة حلوة بردة بس لحدود معينة
المهم المعروف عندنا ان الغيرة موجودة عند النساء بس.بس انا مختلف تماما دة موجودة عند الرجالة اوي ويمكن اكتر شوية
نيجي بقي لانواع الغيرة
1-الغيرة ما بين الحبيبين
2-الغيرة عند الازواج
3-الغيرة عند الاطفال
4-الغيرة ما بين الناس عامة

1-بالنسبة للغيرة عند الاحبة فهي بتكون غيرة جميلة اوي. لانها في كتير من الاوقات بتبين اذا كان الشخص دة بيحبك ولا اية وكمان الفترة اللي بيبقي فيها الحب دة بتبقي من احسن فترات العمر وبيبقي شيئ جميل اوي انك تلاقي انسان بيغير عليك وبيحبك بجد يعني الخلاصة ان الفترة كلها بتبقي جميلة جدا.

2-اما بالنسبة للغيرة عند المتجوزين ففي منها بتبقي غيرة تقليدية يعني طبع مش اكتر .وفي منها بيبقي اكنها غيرة بين حبيبين وبتبقي زايدة شوية علشان الواحدة بتبقي حاسة ان حبيبها بقي في ايديها وان اللي كان في نفسها حصل وبتخاف علية لحسن يضيع منها.وهنا الغيرة بقي بتبقي حلوة ولكن لحدود معينة لو زادت بتبوظ الدنيا وممكن تقلب الحياة العكس تماما.

3-الغيرة عند الاطفال الطفل دايما بيبص لغيرة من الاطفال اللي في سنة وعلي فكرة دة نوع خطير جدا من الغيرة لانها لو استمرت ما بين الاطفال لغاية ما يكبروا مستحيل تقدر تسيطر عليها ابدا علشان كدة لازم الاب والام يحاولوا يخلصوا ابنهم من الحكاية دة ويعلموة ازاي يدي لغيرة مش ياخد بس وازاي ميبصش لحد ودايما يبقي راضي الكلام دة كلة حبر علي ورق وتنفيذة صعب وجدا كمان انا عارف بس اهم حاجة الاب والام يعملوا اللي عليهم.

4-اما بالنسبة للغيرة بين الناس عامة فهي ممكن تكون في العمل او في الدراسة ودة شيئ طبيعي جدا وطبعا مطلوب بس بحدود بردة بالحدود اللي تخليني اشتغل اكتر علشان اوصل للي انا بتمناة لكن غير كدة بتتقلب علي طول لحقد وكرة وعلي فكرة انا مريت بتجربة شخصية في الموضوع دة غيرت من ناس واتغار مني كتير بس اهم حاجة زي ما قلت انك ازاي توجة الغيرة دة صح
وتخليك دايما تحاول تتقدم وتبقي احسن.

حاول دايما وانت بتفكر او بتاخد قرار انك تحكم عقلك شوية مع القلب يعني ولا تبقي عقلاني خالص ولا تبقي قلباوي خالص تعمل مكس بينهم.

ارجو اني اكون وفقت
الموضوع وجهة نظر تقبل الخطا والصواب والخطا اكتر لاني مش دارس طبعا
بس هو مجهودي الخالص وغير منقول

ربنا يفتح عليك يا محمد

الغيرة " الزايدة" دي مشكلة كبيرة و موجودة فعلا بس زي ما نبينا صلى الله عليه و سلم قال خير الامور الوسط , اذن كل حاجة تمشى تمام بس نعرف فين الوسط الاول

عندك حق الغيرة بين الحبيبين احسن غيرة
بتبين الحب بجد
و الحبيب بيفرح اوى لما بيلاقى التانى بيغير علية