انا يا جماعة بكتب شعر وعايز اعرف رأيكم فيه وبكل صراحة

هذه القصيده الى من ملكت قلبى واسكنتنى هواها الى حبيبه قلبى .....
اول لما عنيها شفتها عنية قولت ده مش معقول ازاى عينين تشوفها عيون ومن سحرها تدوب
بحبك يا ........ حب السما للنجوم حب مالوش دوا ولاحتى فيه جروح , وكل لما انام اشوفك فى
الاحلام وافضل ماسك ايديكى وادوب فى سحر عنيكى ولما اصحى من النوم ألاقى نفسى بقول
لو نرجع بس يوم عشان اشوفك تانى ,ولما اروح الكلية احلم باللحظة ديه اللى اشوفك فيها و
تلمسى ايديه ,طول عمرى شايفك اجمل بنت بس مش اى بنت ,بنت رقيقة فى حركتها جميلة
فى مشيتها طيبة ودى طبيعتها وكفاية بتخاف عليه ,ولما بكون معاها قلبى بيطير من الفرحة
كأنه عمره ما فرح ولاحتى شاف فرحة, معرفش ليه بتوحشنى حتى وانا معاها ممكن عشان
قلبى خايف ماكنش انا هواها ,نفسى تحبنى زى مابحبها او حتى نص عشقى لقلبها او حتى
نبض جسمى لجسمها لأنى بجد بحبها , فلو كان الحب كلمات فأكيد هى كلمة حبيبتى ولو كان
الحب ارواح فأكيد هى روح حبيبتى ولو كان انظار فأكيد هى نظرة حبيبتى, فيا أرض احفيظها
وياسماء ظلليها ويا قلبى دفيها ويا عشقى وريها ازاى انا بحبها مووووت ومن نسمة الهوا
بخاف عليها ........
بحبك بحبك بحبك بحبك بحبك بحبك
بحبك بحبك بحبك بحبك
بحبك بحبك
بحبك

انا مقرتش الشعر الصراحة , بس دا المفروض مكانه فى قسم الشعر مش فى المنتدي الهندسي

هيتنقل اوك

انا عايز رأيكم مش تشوفوه وخلاص

مش عارف بس حاسس كانك بتكلمها مش بتقولها شعر

ده شعر ده
سبحان الله
مش دى قصة برده؟؟؟؟؟؟؟؟؟؟؟؟؟؟

دعاء محمود عبد السلام كتب:ده شعر ده
سبحان الله
مش دى قصة برده؟؟؟؟؟؟؟؟؟؟؟؟؟؟

لا ينبغي أن يرد على الشاعر إلا شاعر

thank you

...

بصراحة انا معا دعاء جدا انت هنا اكنك بتحكي لحد عليها ممكن نسميها قصة حلوة
لكن مش شعر طبعا
وبالنسبة للزميل جندي اللغة العربية
ازاي لا يرد علي شاعر الا شاعر
علي كدة بقي الشعراء بيكتبوا الشعر لبعضهم وعلشان لمل يسمعوا يسمعوا راي بعضهم بس
معلش بصراحة من حق اي حد يحكم طالما عندة عقل وقلب وبيحس وبيفهم

شكرا ليك جدا
جزاك الله خيرا
الحمد لله انا عندى عقل وبفهم
هههههههههههههههههههههه

المقصود....

انتا ممكن تقيم المفروض انها قصيدة دي كقارئ بس ملكش الحق انك توبخه او تتريق عليه الا لو كنت شاعر زيه..

اكيد طبعا بس الكلام دة ينطبق علي احمد شوقي مثلا
مش اي حد
ولكن يشكر علي المجهود

معلش اعتراض
اولا احنا لينا الحق اننا ننقد اى شعر حتى لو مكناش شعراء
ثانيا احنا متريقناش على حد واظن حضرتك ممكن تقرأ الردود تانى

ثالثا وده الاهم:
حتى كونك شاعر لا يعطى لك الحق فى السخرية من مشاعر الآخرين
او حتى فى شعرهم اذا كان ردىء
عشان حضرتك بتقول
(الا اذا كنت شاعر زيه)

على اساس ان اللى قلتيه مكانش فيه تريقه .. هه هه هه

أنا شايفة إن من حقنا إننا نقول رأينا مع احترام مشاعر اللى بنقولهم رأينا سواء كنا شعراء أو مكناش .........
أنا مش بتكلم عن شخص بعينه بس يعنى يا جماعة براحة عليه شوية
و مش معنى إننا مش شعراء إننا مش بنفهم أو مش عارفين الشعر من القصة من الرواية
أو مش عارفين الشعر الجيد من الممتاز

و يا بلال إذا كنت بتحب تكتب شعر فحاول و متستسلمش ........ و اقرأ شعر كتير و حاول فى البداية إنك تكتب زيه و بعدين هتلاقى نفسك بتتطور واحدة واحدة

انا مقدرش اتريق على حد
ولو كان بشمهندس بلال فهم كده
يبقى مع كل اعتذارى ليه
بجد انا آسفة جدا
ولكنى بجد برده مكنتش بتريق على حد انا كنت بنتقد شعره بس
على اساس ان الشعر ده (بس ) معجبنيش اما لو كتب قصيدة تانية ممكن تعجبنى باذن الله

انا آسفة جدا يا بشمهندس والله
ولا تتوقف عن الكتابة
لازم تقف قدامك عقبات فى البداية حاول ان تتخطاها ولا يهمك رأى الناس فيك او فى شعرك
المهم هو رأيك انت فى نفسك

فاذا توقفت عند آراء الناس فلن تفعل شيئا ابدا فى حياتك
ولا تنسى انك تحمل من المشاعر ما يفوق ذلك بكثير

مع تكرار اعتذارى

كنت عايز اوصلكم لنقطة .. ووصلتم ليها خلاص