هل توافق على عودة عمرو زكى للزمالك؟؟!!!!!!!!

لقد انتهت مدة اعارة عمرو زكى المعار من الزمالك الى ويجان النجليزى وعاد الى الزمالك مرة اخرى
وبعد العودة قال لم احدد الى اين اتجه وقال
من الممكن اللعب للزمالك مرة اخرى ولكن افضل الدورى الانجليزى او الاسبانى
ونحن نعلم ان الزمالك يبحث عن مهاجمين مثل عمرو زكى
فهل توافق على بقاء عمرو مع الزمالك ام يحترف للخارج ويتركه مسؤلي الزمالك؟؟؟؟
مع الخذ فى الاعتبار مصلحة
1_اللاعب 2_والزمالك 3_والمنتخب

انا زملكاوى ولكن افضل احتراف عمرو زكى والكل سوف يستفاد
عمرو نفسه من الراتب العالى وكمان المنتخب وكذلك الزمالك من ثمن البيع
واصبح الكل استفاد

انا مع حضرتك تماما
ولكن مش اوى عشان انا اهلاوية مش زملكاوية
ههههههههههههههههههه

طيب انا اهلاوى هتكلم بصراحه وبحب عمرو

مبدايا انه يرجع الزماك لا لان الزمالك مش هيقف ابدا على مهاجم او اى لاعب وهيجى الزمالك غيره احسن
يحترف عشان المنتخب مش شايف انه عمل حاجه الاحتراف للمنتخب بالنسبه لكل الى احترفوا ماعدا احمد حسن
عشان الاعب اعقد انه بيفكر ان افضله الاحتراف من الناحيه المديه جايز يكون فى نواحى اخرى معرفهاش

معلش جايز تكونوا حسيتوا بتناقد شويه فى كلامى بس مش عارف هو ده الى انا شايفه

و أنا كمان شايف انه يكمل مشواره الاحترافى دى حاجه مشرفه لمصر كلها
بس يا رب ميعملش زى الحج ميدو و تكون أخرته فى نادى مكنش حد يسمع عنه ولا حتى فى طبق اليوم

عمرو زكي مثال للاعب المصري الفاشل في الاحتراف لانة ميعرفش يعني اية احتراف اصلا
لو قدر يتغلب علي النقطة دة يكمل
ولو مقدرش يرجع بكرامتة احسن

لا ميرجعش احسن
مفيش حاجة اسمها فشل
الانسان هو اللى يقدر يساعد نفسه على نجاحه او فشله
وانا شايفة ان عمرو زكى عنده كل مقومات النجاح


كفاية ضخامته ما شاء الله
جبل
هههههههههههههههههههههههه
انا خايفة اقابله فى الشارع مرة

من قال ان عمرو ذكى فشل فى الاحتراف دة عقدة انتهى وسايب بصمة فى ويجان وفى الدورى كلة شوف جاب كام هدف لوحدة وفين مش فى الدورى المصرى دة الدورى الانجليزى يا ريت بس بلاش تقول فشل

وياريت ما يرجعش عشان يفيد المنتخب وما يقلش بمستواة والزمالك مش محتاجة وهيطلع زى عمرو زكى كتر من ناشئية ان شاء اللة

انا زملكاوى

بس انا مش حكدب عليكم انا عمرى ما حبيت عمرو زكي , مش حاسس انه لعيب .. و الصراحة اتصدمت لما لقيت ميدو راح ويجان هوا كمان.. يعنى ساب الاندية كلها و ملقاش غير النادى اللى بيلعب فيه زكى ويلعب فيه؟ لا و اية بيلعب فى نفس المكان

اللى شفته فى الدور الاول ان زكى كان بيلعب كويس .. بس بعدين لسبب لا اعلمه الناس بدات تقلب عليه , و انا لو مكانه .. لو فى نادى متوسط مش كبير قدملى عرض حروح فيه بكدا افدت النادى الجديد و الزمالك بالفلوس اللى حيشتروا اللاعب بيها و يكسب خبرة كمان

بس لو نادى كبير.. دى خطوة صعبة .. و خطيرة يمكن يقلب شبه ميدو بعدين .. و تبقى وكسة عشان كدا قلت نادى متوسط

بالنسبة بقا اذا كان يرجع للزمالك ولا لا ... معرفش الصراحة

و فى الاخر الاختيار راجع لعمرو

انا اهلاوي جدا .. بس ياريت عمرو يكمل احتراف ونشوفه في احسن الاندية هو وميدو ومحمد زيدان بجد اتمنى اننا نلاقي محترفين يامة ده شيء يشرف

اكيد طبعا بس انا معاكى يا ميرميد
انا مش موافقة على حكاية فشل دى خالص
عندكو ميدو مثلا بقاله قد ايه بيلعب فى الدورى الانجليزى عمره كان الهداف
طبعا ميدو لم يفشل اطلاقا ولكن اللاعبين المصريين لهم قلة حظ بجد
على فكرة يا بشمهندس ماى تى(انا كمان مبحبش عمرو زكى يمكن بحب لعبه شوية بس انا مش بطيقه بجد)

عمرو زكى لم يكمل فى مصر
واكيد هيروح انجلتر