محمود بكر يفجر القنبلة ويؤكد عدم جاهزية استاد المكس لاستقبال المبارة الفاصلة

محمود بكر يفجر القنبلة ويقر عدم جاهزية استاد المكس لاستقبال المبارة الفاصلة مع مدحت شلبى وانا اثق جدا فى كلام بكر وياريت اى حد راح هناك من عشاق الدراويش يقول رايه خصوصا

ان بكر هو اللى اتصل بمدحت شلبى ليقول له اسباب عدم جاهزية استاد المكس لاستقبال المبارة الفاصلة وان عنده حلول لذلك وهى

الحل الاول وترشيحه استاد برج العرب وانا شايفه حل عبقرى جدا واستاد عالمى ومناسب جدا لاستقباله
مثل هذه المباريات وهو جديد وفرصة لتجربته قبل افتتاح كاس العالم للشباب وخصوصا اذا علمنا ان سعته الرسمية 80الف كرسى منفصل مشجع يعنى فى حالة اقتسامه يكون نصيب الاسماعيلى 40الف

متفرج يعنى اكثر من سعة استاد اسماعيلية وفرصة جيدة لينا لحضور كل من يرغب فى حضور الماتش وتعويض ما فاته فى هذا الموسموهذا احدى حلول محمود بكر وانا شايفه منطقى جدا بس يرب مايكون

اتحاد الكرة فى وادى تانى هما والمسؤلين عن الرياضة ومنسمعش مبررات فاضية ان احنا خايفين على الاستاد والكلام الفاضى ده





الحل الثانى للرياضى الكبير الكابتن محمود بكر هو

هونقل المبارة الى استاد الكلية الحربية بعد استاذان المسؤلين فى الاسماعيلية مستندا الى ان استاد الكلية الحربية هو اقرب استاد خارجى لمدينة الاسماعيلية وتوفير ما لايقل عن ساعتين فى حالة لعبه بالاسكندرية

وزيادة عدد الحضور الى 30الف مشجع يعنى 15الف لكل نادى يعنى اكثر من السعة التى حددها الامن لاستاد المكس ثانى شئ عدم تقابل الجماهير من الناديين فى السكة وحصول مالانتمناه خصوصا للعصبية

الواضحة بين الجمهورين وتوفير المشقة خصوصا على جمهور الاسماعيلية الغالبنة خصوصا ان مشجعى الاهلى وربطته بالاسكندرية تتعدى 20الف متفرج وارجوك ياكابتن مدحت انتا واستاذ حسن المستكاوى

واستاذ محمود معروف بعرض الموضوع سريعا على الكابتن زاهر ومناشدة الامن فى الصحافة بالنظر مرة اخرى

هذا تقريبا ماقاله الكابتن الشهير المعروف صاحب الفكر العالى صاحب النظرة العملية بعيد عن العواطف الذى من المفترض ان يكون فى موضع المسؤلية وانا اوافقه فيه حرصا على جمهور الاسماعيلى وجمهور

الاهلى وحرصا منه مثل ماقال على ارواح هؤلاء الشبان الجمال من كلا النادين وتأيده من كل الاستديو حتى مدير التصوير بالاستديو استأذن وقال انه راى صحيح لمعرفته بالاستاد والذهاب له مسبقا


اسباب رفض استاد المكس هى



اولا وفعلا عدم وجود ممرات كافية لدخول الجمهورين ووجود ممر واحد فقط يعنى حدوث ازمة يعنى حدوث ازمة سواء قبل بداية الماتش او بعد الماتش وهذا مؤكد

ثانيا قلة السعة الجماهيرية للاستاد وتخفيضها الى 6الاف متفرج لكل نادى ومن المتوقع حضور اكثر بكثير من ذلك مما يسبب ازمة للامن خصوصا انها منطقة متشابكة ومليئة بالمصانع والهيئات هذا بجانب

قلة ارتفاع صور النادى مميسمح بدخول جماهير بدون تذاكر الى الاستاد نظرا للاقبال المتوقع على المبارة

ثالثا عدم وجود اماكن تتسع لاتوبيسات الفريقين المنتظرة باكثر من كل فريق واعلان رئيس منطقة الاسكندرية قال بتخصيصمكان فقط لعدد3 أتوبيسات لكل فريق وعدد ثلاث سيارات لكل فريق خاصة

بالاعضاء والاعبين وتخصيص عدد 2سيارة لاعضاء اتحاد الكرة يعنى رايحين فرح مش ماتش فاصل ويوجد عصبية معروفة للجميع بين الفريقين بالتحديد يعنى حاجة تضحك بجد جدا جدا

خصوصا ان لونظرنا سنجد ان أمن وسيلة لعدم تقابل جمهور النادين والحافظ عليهم هى ان يسلك كل فريق طريق مختلف مثل طريق دمياط الدولى لجمهور الدراويش وطريق مصر اسكندلرية الصحراوى لجمهور

الاهلى وامن وسيلة لنقل الجماهير هو الاتوبيس وسنفرض انه سيتم تخصيص اتوبيسات جيدة التى تسع الى 50كرسى فالاجمالى هو 120اتوبيس لكل فريق وليس ثلاث ياريس المنطة بتهيئلى التعليمية وجلال

علام فاكره ماتش فاصل على دورى المدارس وليس الدورى العام هذا غير الزيادة المتوقعة من جمهور الفريقين عن هذا العدد وخصوصا الاهلى لوجد عدد كبير من مشجعيه فى الاسكندرية يعنى كارثة حقيقية

والبهوات اعضاء اتحاد الكرة نايمين والحمد لله ان واحد بخبرة بكر وحساسيته للقاء اعطانا هذه الفكرة يكن نلحق نعمل حاجة لانقاذ الجماهير من موقف للاسف سيكون احنا اللى دبرنا للشاجربينهم

فىأخر المقال اود ان اشكر القدير محمود بكر لتوضيح الصورة وحرصه على سلامة الجماهير واحب اضم صوتى لصوته فى ضرورة نقل المبارة لاستاد برج العرب تحديدا او ناخذ رأى جماهير الاسماعيلية بنقله الى استاد الكلية الحربية واشكركم انا عارف ان الوقت متاخر بس حب انزل المانة هذه اللى سمعتها ولقيت ان من واجبى انى اعلنها وياريت من يقدر على توصيلها الى اعلى المستويات ان لايدخر جهد فى هذا حفاظا على جمهور النادين اللى افتخر انى واحد منهم وهو الاسماعيلى وخوفا على حياتى لانى ناوى احضر اللقاء الفاصل عفوا للاطالة

اولا:شكرا جدا على طريقة العرض الرائعة (المتوقعة من اسمعلاوى طبعا)ربنا يخليك

ثانيا: اتفق معك بشدة على ضرورة نقل المباراة الى ستاد برج العرب
ولكنى اعترض على نقله الى ستاد الكلية الحربية من ناحية لانها بيت النادى الاهلى مما يجعل افضلية لفريق على الآخر ومن ناحية اخرى حتى لا يتحجج اى من الفريقين وخاصة الاسماعيلى ان المباراة على ارض النادى الاهلى لذلك فاننا نريد ارض محايدة

ثالثا:تعجبت من حبك للمعلق محمود بكر على الرغم من انه اهلاوى(غالبا هناك حقد الاسمعلاوية)فهذا شىء غريب بالفعل

رابعا:تتحدث على اعضاء اتحاد الكرة
اذن المباراة ستنتهى وهو لا يدرون عن مما تقول شيئا الا بعد المباراة
ربنا معاهم

خامسا:اذا حدث واقيمت المباراة فى ستاد المكس فان المساوىء ستعم على كلا الفريقين بالرغم من توقع حدوث كارثو ومصيبة حقيقية الا انه هناك تكافؤ الفرص

سادسا:حضرتك تنوى ان تحضر هذه المباراة
حقيقة لست ادرى هل ساحضرها ام لا فهذا سيتوقف على بابا ولكن هناك احتمال ولو ضئيل ان احضر فارجو الا نتقابل فى ميدان المعركة
هههههههههههههههههههههههههه

ملحوظة :
الاهلى + الاسماعيلى= مباراة رائعة
حتشوفوا

شكرا جزيلا

بص يا اتش انا نفسى الماتش يتنقل برج العرب الاستاد جامد جدا وعالمى فعلا
بس لا حياه لمن تنادى والماتش بكره
بص يا اتش انت حبيبى وصاحبى بلاش تروح عايزينك سلم حتى لو بالطريقه الى قلتلى عليها


ويا رب الاهلى يكسب عشان انت عارف انى اهلاوى

متزعلش منى حق مشروع ليه زى ممشروع ليك

ان شاء الرحمن الاهلي دايما كسبان

واما عن الاستاد فرفعت الاقلام وجفت الصحف ولا حياة لمن تنادي

واما عن المشاكل والكوارث فان غدا لناظره قريب

ههههههههههههههههههه
خلاص اللاعبين ذهبوا الى الاستاد
والماتش فاضله اقل من ساعة
و

بدأ العد التنازلى

ربنا يرحمنا