هزيمة للمنتخب بطعم الفوز

هزم منتخبنا اليوم على يد نظيره البرازيلى بنتيجة 4-3 ولكنها هزيمة بطعم الفوز باالنسبة للمنتخب وللجماهير المصرية كلها
كان اداء المنتخب فى الشوط الاول الى حد ما مقبول رغم خروجه مهزوما بفارق هدفين 3-1 ثم ظهر المنتخب باداء رائع فى الشوط الثانى حيث ادرك التعادل بهدفين فى دقيقة واحدة تقريبا لكل من محمد شوقى ومحمد زيدان واستطاع منتخبنا ان يحرج المنتخب البرازيلى ويضعه فى موقف صعب وتبادلت الهجمات فى الشوط الثانى حتى احتسب حكم المباراة ضربة جزاء للمنتخب البرازيلى فى الدقيقة 90 نجح اللاعب كاكا فى تسجيلها وتنتهى المباراة بفوز المنتخب البرازيلى

المنتخب النهاردة كان اداؤه اكتر من رائع يا جماعة والماتش كان جامد جدا الفرقتين صراحة امتعونا بلعبهم وانا مكنتش مصدق ان منتخبنا بيؤدى كده وقادر يجارى البرازيل ويحرجهم كمان ويكسبونا بالعافية فى اخر دقيقة كده المنتخب عمل الى عليه النهاردة ومحدش يقدر يتكلم

مش متفقة فى حاجة صغيرة شويةصراحة
منتخبنا تقريبا كان ماسك الكورة فى الشوط التانى كله
مكنش فيه بس الا ضربة ركنية فى النصف كده وعدت بسلام الحمد لله
كان بجد اكتر من رااااااااااااااائع
وانا فرحانة بيهم عشان هم شرفونا
والصراحة فوز غير مستحق للبرازيل
اعتقد ان لعبنا كان افضل منهم بكتيييييييييييير
واحنا اللى اجبرناهم انهم يلعبوا بطريقتنا
يعنى الماتش كان الطابع بتاعه مصرى
صحيح كان الشوط الاول 3-1 وكان لعبهم رائع جدا فيه
الا اننا برده لعبنا كويس جدا بس احنا كنا خايفين
كفاية جدا الكور اللى ضيعناها
جميلة جدا جدا
وكمان الحضرى لو كان مستواه كويس كان زمانه صد كور من اللى دخلت
متفهمونيش ان الكور اللى اتشاطت عليه اصعب من بتاعت دروجبا اللى فى امم افريقيا اللى كان بينه وبين الحضرى شبر فيها اصلا
المهم
المستوى العام رائع رائع رائع
يمكن لو مكنوش عملوا الاداء الجميل ده مكنتش حبقى زعلانة كده على الاقل يبقوا كانوا يستاهلوا الهزيمة
الا انى شايفاهم عملوا اللى عليهم ولو استمروا على نهجهم ده ممكن يكسبوا ايطاليا
قولوا آمين

امين

بجد احنا كنا متحاملين على المنتخب وقولنا انه هيتهزم اقل حاجه 10 _0 بس بجد المنتخب عمل مباراة اكتر من رائعة بجد انا زعلت على مباراة الجزائر بس بعد الاداء الرائع امس ان شاء الله استنو مصر في كاس العالم2010

سبحان الله هما هما لاعيبة ال لعبوا متش الجزائر بس سبحان الله لاعيبة امبارح شكل تانى بلعب تانى

انا مكنتش متخيله بجد النتيجه دي يعني كنت متوقعه هزيمه ساحقه يعني بعد اللي حصل في الجزائر
بس سبحان الله من اول لحظه في الماتش لقيت لاعيبه تانيه
احنا المصريين كدا عشان تظهر امكانيتنا لازم نتحط تحت ضغط
بس يا رب يكملو على كده

هههههههههههههههههههه
يا رب نبقى تحت ضغط دايما والله

طب احسبى بقى الضغط ده بوحدة التوووووووووووور