فضيحه نكراء للمنتخب المصرى أمام نظيره الأمريكى , مين كان يصدق ان أمريكا تتأهل و احنا نروح ؟؟؟؟

استهتر حسن شحاتة المدير الفني للمنتخب المصري بالمنتخب الأمريكي ليهدي الأخير بطاقة التأهل للدور نصف النهائي بكأس القارات بعد ان تلقى منه خسارة مذلة بثلاثية نظيفة ودع بها البطولة بعد ان نامت الجماهير المصرية والعربية على أحلام الوصول للأدوار النهائية.

وتفوق المنتخب الأمريكي الذي حصد أول ثلاث نقاط بفارق الأهداف عن منتخبي مصر وإيطاليا التي خسرت بثلاثية أيضا امام المنتخب البرازيلي الذي حصد تسع نقاط كاملة.

ويلاقي المنتخب الأمريكي نظيره الأسباني في الدور نصف النهائي، فيما يواجه المنتخب البرازيلي جنوب إفريقيا في نفس الدور.

سجل أهداف أمريكا كلاً من تشارلي دافيز ومايكل برادلي وكلينت ديمبسي في الدقائق 22 و63 و71.

البداية كانت ساخنة من المنتخب المصري، وكانت الفرصة الأولى من نصيب أحمد عبد الغني الذي استلم تمريرة من أحمد عيد وصوب بقوى بقدمه اليسرى لكن كرته خرجت ضربة مرمى في الدقيقة 3.

بعدها بدقيقتين، ومن كرة ثابتة من على حدود 40 ياردة أطلق ديمبسي تصويبة قوية تصدى لها بثبات عصام الحضري.

ولم يستغل المنتخب المصري دربكة الدفاع الأمريكي داخل منطقة جزاءه في الدقيقة 13 وضاع هدف مؤكد للفراعنة، وارتدت الكرة للمنتخب الأمريكي وسدد برادلي تصويبة قوية أنقذها الحضري ببراعة.

وكاد المنتخب الأمريكي ان يسجل أول اهدافه بخطأ دفاعي فادح للمنتخب المصري بعد ان تخطى دونوفان هاني سعيد واصبح منفرد بالمرمى لكنأ اخطأ في تمرير الكرة لالنبدور خرجت ضربة مرمى في الدقيقة 16.

واخطأ محمد شوقي في استقبال عرضية أبوتريكة في الدقيقة 18 وخرجت كرته ضربة مرمى.

وسجل تشارلي دافيز أول أهداف المنتخب الأمريكي بغلطة ثنائية من عصام الحضري وهاني سعيد في الدقيقة 22، وتوقف اللعب ثلاث دقائق لعلاج الحارس المصري.

وكاد ابوتريكة ان يعدل النتيجة للمنتخب المصري في الدقيقة 30 بعد ان استلم تمريرة داخل منطقة الجزاء من احمد عيد وصوب الكرة بقدمه اليمنى لكن الحارس الأمريكي براد جوزان أمن الكرة.

وأطلق حسني عبد ربه قذيفة صاروخية في الدقيقة 39 مرت من فوق عارضة الحارس الأمريكي جوزان بقليل.

وكاد دافيز ان يضيف الهدف الثاني للمنتخب الأمريكي في الدقيقة 46 لكن عصام الحضري ابعد تصويبته القوية بمهارة.

في الشوط الثاني، بدأ المنتخب هزيلاً بشكل كبير هجومياً ودفاعياً، واجري حسن شحاتة تبديلاً بإشراك أحمد حسن في الدقيقة 50 بدلاً من أحمد عيد عبد الملك.

وكاد جوزي النبدور ان يضيف الهدف الثاني للمنتخب الأمريكي لكن هاني سعيد أبعد الكرة من على خط المرمى الخالي من حارسه في الدقيقة 51.

وسدد مايكل برادلي كرة قوية من على حدود منقطة الجزاء تكفل بها الحضري وأبعدها عن مرماه في الدقيقة 56، ثم أجرى حسن شحاتة تبديلاً اضطراريا بإشراك أحمد سعيد (أوكا) بدلاً من أحمد فتحي المصاب.

وأضاف مايكل برادلي الهدف الثاني للمنتخب الأمريكي في الدقيقة 63 بعد كرة ثنائية داخل منطقة الجزاء مع دونوفان في غيبة تامة من دفاع المنتخب المصري الضعيف.

واستمر الأداء الهزيل غير المفهوم للمنتخب المصري، ليضيف كلينت ديمبسي الهدف الثالث للمنتخب الأمريكي برأسية مميزة في الدقيقة 71.

وأضاع وائل جمعة أفضل فرص مصر في الشوط الثاني بعد ان وضع عرضية شوقي برأسه فوق عارضة الحارس الأمريكي.





وداعا جنوب أفريقيا ..........!!!

عندك حق في كل دا بس المهم ان احنا قدمنا كورة بجد في الماتشين الاوال
والتشكيلة من اول المباراة مش مفهومة
بس بردو هنشجع مصر لحد متتأهل لكاس العالم

يا ساتر استر..

يا علاء متتحملش انت عارف الموسم كان شكله ازاى على اللعيبه وبعدين احنا لاعبين ماتشين يهدوا اى فريق فى العالم فى 4 ايام يعنى كان لازم نهبط فى اللياقه مش عايزين نتحامل عليه يا علاء واقرا ردى فى موضوع هو مكتوب علينا نتغغلب ديما من امريكا

مع احترامي للجميع فضيحة اية
متنسوش ان احنا منتخب مصر
ومش معني ان ربنا وفقنا في المطشين بقينا ابطال العالم
دة ايطاليا معملوش كدة
كل الناس قايمة علي حسن شحاتة واللاعيبة
وهما كانو من يو مين هاين عليهم يشيلوهم علي الاكتاف
افيقوا
واحمدوا ربنا علي الاداء الذي ابهر الجميع
يعني اجادوا في مرتين وبقوا وحشين في مرة خلاص هنعلق المشانق

ابهرو العالم با دائهم
بس ادائهم بقى وحش بعد كدة
بس دة منتخبنا
من غير ما يحس بيستقل بالمنتخبات اللى اقل منة
ودة مش عارفة اية سببة
هو ادام الفرق القوية بيبقى متماسك وبيلعب بطريقة جميلة جدا
بس دة ما يخليناش ننسى ادائة فى ماتش ايطاليا وماتش البرازيل
ربنا يستر على التصفيات

نصيبنا في الخير ان شاء الله ,,,, و نوصل كاس العالم

قولوا يا رب

يارب

الصراحه كويس ان احنا خسرنا بدرى عشان الناس اهتمت بالمباريات بتاعت المنتخب زيادة عن اللزوم وبقوا يسيبوا الصلاة ساعة المتش
انا يوم متش امريكا مالقتش حد فى المسجد فى صلاة العشاء ألا ناس بسيطة والباقى بيتفرج على المتش والقهاوى مليانه على اخرها

الصراحه كويس ان احنا خسرنا بدرى عشان الناس اهتمت بالمباريات بتاعت المنتخب زيادة عن اللزوم وبقوا يسيبوا الصلاة ساعة المتش

مش للدرجة دي ..

أنا من رأيى ان سبب الخساره هو كثره الاصابات قبل و خلال المبارة
و كمان التشكيله اللى نزل بيها حسن شحاته
مش عارف ليه منزلش حمص من أول الماتش
ماهو جربه فى ماتش ايطاليا و أثبتت التجربه نجاحها الباهر
عموما قدر الله ماشاء فعل و ان شاء لعيبتنا تفوق لكاس العالم و ربنا يوفقنا