يا ترى هو مكتوب علينا ان امريكا تكسب دايما وفي كل حاجة

للاسف الفراعنة انهزمو من امريكا بعد مقدمو مباراة ضعيفة جدا في رايي
خالفو كل التوقعات واحبطو كل امال الشعب المصري في التاهل للدور الثاني
مش هما دول اللعيبة اللي لعبو ماتش ايطاليا والبرازيل
في رايي ان حسن شحاتة بدا بتشكيل خطأ من بداية المباراة
المحمدي مكانش لازم ينزل المباراة اصلا واحمد عيد كمان خسرنا تغيير
اما احمد عبد الغني فاصلا ممسكش كورة
كان لازم يبدأ بالمدافع اللي نزلو بدال احمد فتحي ويلعب احمد فتحي باك رايت
للاسف المنتخب خرج من البطولة ومستنينه في التصفيات

كلامك صح يا نور والله
وانا زعلانة وفرحانة
زعلانة عشان المنتخب طلعوفرحانة عشان لو هم فضلوا بالمستوى ده حيفضحونا قدام العالم كله فاحسنلهم انهم ميصعدوش ولونهم والله فضحونا خلاص
بس انا متغاظة من حسن شحاتة ده غيظ
يعنى........
والله...............
مش عارفة اقول ايه احسن حاجة تتقال
no comment
اما عن اللاعبين فخلاصنفسهم راح من ماتشين
اكتر حاجة ضحكتنى كان فى واحد بيمرر لحد تانى الكورة قام وقف يتفرج عليها لحد ما طلعت اوت والله ضحكت ضحك كانت ضعيييييييييييييييييييييييييييفةوملحقهاش ووقف يتفرج عليها

احسن حاجة تتقال
منهم لله
مع انى متقبلة الهزيمة عادى جدا بس لازم ننظر للاسباب
وللاسف حنلاقيها مش مطمئنة بالمرة
ربنا يستر

نتكلم براحه شويه انا فرحان بالمنتخب رغم الهزيمه الثقيله
بس حابب اوضح كام نقطه الفريق ده الاعبيين الى فيه دول 19 واحد من الدورى المصرى والاربعه المحترفين مش فى انديه كبيره اوى احنا رايحين البطوله عشان تكون اعداد لينا مش عاملين حسابنا ان نتاهل او نكسب ايطاليا ونلعب كده قدام البرازيل انا شايف ان الانسان بطبعه طماع انا معاكم ان كنا قريبين جدا من التاهل بعد المستوى الرائع لكن مش عيزين ننسى ان معظم الاعبين دول او كله محدش اخد يوم راحه ده حرام
وبعدين لعبين فى 4 ايام متشين يهدوا اى فريق فى العالم اكيد التالته مش هتكون بنفس المستوى غير كده ان كل ماتش للعيبه ده كان فى بلد وما ادراك ما جنوب افريقيا بلد ميتمشاش فيها بعد الساعه 6 مساء
انا شايف ان اللعيبه عملت كل الى عليها انا بحبهم وهفضل احبهم لان مش معقول مبباراه يفرحونا بيها نطلع بيهم لسابع سماء وخساره مباراه ننزلهم بيها لسابع ارض ده حاجه غير طبيعيه


اجى اتكلم فى حاجه انا زعلان منها جدا وحرام تتقال على العيبه ده ان على كتير من السيتات والصحف الجنوب افريقيه اتقال ان المنتخب اتسرق عن طريق ان اللعيبه بعد مباراه ايطاليا جابوا بنات ليل يحتفلوا معاهم والله ده حرام ازاى منتخب الساجدين كما سمى على مستوا العالم هيعمل كده وازاى فى الفريق يكون موجود واحد اسمه ابوتريكه ومن ضمن الناس الى اتسرقوا ويتقال كده ده لو فى صور لكده والله مش هصدقها يا جماعه حرام تخوضوا فى عرض وشرف الناس ده الناس ده لو همه كده مكنش ربنا وفقهم فى 5 سنين فاتوا حرام والله و ازاى يكون فى رئيس الاتحاد وجهاز محترم ورئيس بعثه وهيحصل كده ده ظلم بين وخوض فى شرف ناس فرحت اكتر من شعب مصر يا جماعه الناس الىقلت عليهم الى همه الجهاز والرئيس الاتحاد مش طراطير اسف فى الكلمه ده ناس بتفهم عارفه ده ايه ومعناه ايه

لكن الى يغيظك اكتر ان يتطلع السيد المحترم عمرو اديب ويثير الدنيا اكتر بدل ما يطلع ويقول لا يمكن يكون ده حصل ويكذب الناس الى قالت الكلام ده لا ده بيطلع يستفز الكابتن احمد حسن وابوتريكه وزيدان والكابتن حسن شحاته ده مش معقول يا راجل ده انت مصرى قبل اى حاجه اى هزيمه بتتكلم فيها وتعلقها على ده

انا استشفيت من كده ان بصراحه لو كنا اتغلبنا 3/1 وصعدنا ولى واحد كان هيجيب الخبر انا مش عارف ليه كده انا بحترم عمرو اديب لكن شايف انه كان غلطان لان انت تعلم مين العيبه ده وهمه مين وبعدين لما تكلم ابوتريكه وتقوله مش هرد عليك انا مقدرش ارد عليك يا تريكه هل ده معنا انك بتبرا ابو تريكه وتتهم لاعبين اخرين بجد عايز افهم ازاى ده يحصل من اعلامى محترم مشهور يا ريت نتبين الاول ياريت منتكلمش فى اعراض ناس بالشكل ده

حاجه اخيره للى ميعرفش المنتخب البرازيل تعرض لسرقه وهتلاقوا ده على موقع مصراوى هل ده برضه البرازيل هيطلع يتقال عليهم زى مصر

ملحوظه اخيره انا عارف انى طولت ولكن ده من حبى لبلدى ولابيتها واحترامى ليهم ولاخلاقهم
ابوتريكه اعلنها على الهواء مباشره مع الكابتن شوبير وقال بالنص يا كبتن شوبير انا اعلن اعتزالى دوليا لو الاعيبه ده ماخدتش حقها وقرار لا رجعه فيه

بحب يا تريكه بحب ال 23 لاعبي بالجهز الفنى والادارى والطبى بحبك ثيا شعب مصر بحب اللعيبه الى دخلت فى يوم واحد المنتخب ومكملتش لاى اسباب


اسف للاطاله لكن من مشجع مصرى ومواطن بسيط كلمه كانت لازم تتوجه

الف شكر ليكم

انا معاك طبعا يا سمسم انا شفت الحلقة ومكانش لازم عمر اديب يقول كدا وفعلا هو يستاهل الرد اللي قالهولو كابتن احمد حسن وكابتن ابو تريكة وحسن شحاتة ظبتو
بس هو بيستهبل ازاي يقول الكلام دا على اللاعيبة دي
طب انت عارف لو كنا كسبنا الماتش مكانش قدر يفتح بقه بكلمة حتى لو حصلت فعلا انا كمان لو شفت الصور مش هصدق وهفضل اشجع منتخب بلدي لاخر العمر حتى لو خسرو كل المباريات
وبجد حلقة زي الزفت

الانسان فعلا طماع بس احنا كان لينا حق نطمع بعد الاداء الجميل فى الشوط التانى من متش البرازيل ومتش ايطاليا لكن للاسف ان اتصدمت من اللى شوفته فى متش امريكا دول اساسا ملعبوش ودى اساسا مكنتش كوره واساسا الفريق اللى قدمنا ضعيف ومعندوش اى فن فى اللعب معندهمش غير لياقه بدنيه ده احنا حتى مكناش عارفين نحافظ على الكوره ولا عارفين نمشى بيها و3 جوال مش مسئوليه عصام الحضرى خالص الصراحه هو عمل اللى عليه وزياده الدفاع عندنا كان مدمر اساسا كانه مش موجود نقول ايه اللى حصل حصل بس المهم اننا نستفاد من اخطانا