كلمتين الي مصر

............................

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ) بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير بشاير

زهرة الصبار يا سلمى

يا نسيم الشوق يا طاير يا طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين[b]

جميلة اوى اخر حتة يا احمد ....... ومصر امان متخافش

يا عيني يا عيني يا مصر
بس بجد جميييييييييييييييل

شكرا يا جماعة اخجلتم تواضعنا وانا عارف ان مصر لسه بخير

لا بجد جامدة مووووووووووووووووووووووووووووووووووووت

شكرا كتيييييير

جاااااااااااااااامده جداااااااااااااااااااااا

عندك حق محدش ضامن يمشي آمن

شكرا يا شباب
انا احمد سامي بس ده اكونت تاني لاني تم ايقافي عن المنتدي ودي اخر مرة هرد
الف شكر ليكو وعايزين قصائد كتييييييير
لا انا هتابع معاكو كزائر