بتقرأ قران ؟؟؟؟؟؟؟

بسم الله الرحمن الرحيم


الموضوع ده انا عامله عشان حاسس ان احنا مش قريبين اوى من القران الكريم

احنا يا جماعه عايزين كل يوم نقرأ فى القران ولو حزب او حتى صفحتين ده كويس لينا جدا

اولا هيبقى فى ميزان حسناتنا

ثانيا هيقربنا اكتر من ربنا

ثالثا هنعرف دينا اكتر وده واجب علينا

عايزين كل يوم نقرا قران يا جماعه ياريت نواظب على كده ويا ريت كل واحد يقرا يقول كل يوم قرأ اد ايه من القران وحس بايه

بجد عايزين نفوق شويه

احنا فى دنيا اختبار وعاوزين ننجح ان شاء الله

ولكم جزيل الشكر وفائق الاحترام

ويا رب اكون نفعتكم بحاجه

بجد جدع والله
م عفيفي

شكرا جدا يا سمسم علي الموضوع ده وانت فعلا عندك حق لازم نفوق شوية و نحاول نقرب من ربنا اكتر لانه واجب علينا ولانه فعلا احساس جميل جدا, لكن للاسف انا مش بقدر اقرا كتير يعني ممكن 3او4 مرات في الاسبوع لضيق الوقت بس هحاول اكتر.

هو انتي بتذكري يا بشمهندسه هدير؟؟؟؟؟؟؟
ربنا يوفقك

سمسم انتا منزلتش ورق الستيل ل د/اللقاني ليه؟
محمد عفيفي

تسلم بجد والله وربنا ينفعك

بجد الف شكر
احنا لازم كل يوم نواظب على قراءة القرآن
وطبعا مش محتاجين نعدد فوائد ده زي انك تكون قريب من ربنا
ويسهلك كل عسير بإذنه
غير تقوية الذاكرة لو واظبنا على حفظ القرآن ولو آيتين في اليوم
يعني أهم حاجة الواحد يصدق النية مع ربنا
ويواظب على كده وياريت كل واحد يكون حد معاه يساعده ويشجعه

وربنا يجازيكم كل خييييييييييييييير

shadoo كتب:سمسم انتا منزلتش ورق الستيل ل د/اللقاني ليه؟
محمد عفيفي

الورق ان شاء الله هنزله قريب واسف على التاخير

يا ريت ان شاء الله نواظب واكيد فى فوائد كتير للقران لا تعد ولى تحصى

eng.hadeer كتب:شكرا جدا يا سمسم علي الموضوع ده وانت فعلا عندك حق لازم نفوق شوية و نحاول نقرب من ربنا اكتر لانه واجب علينا ولانه فعلا احساس جميل جدا, لكن للاسف انا مش بقدر اقرا كتير يعني ممكن 3او4 مرات في الاسبوع لضيق الوقت بس هحاول اكتر.

ممكن ولو نص ساعه قبل ما تنامى

و ممكن كمان - أقل واجب - فى المواصلات الصبح
و جزاك الله خيرا على الموضوع

انا كنت بحفظ في القران وانا في الثانوي بس من ساعة ما دخلت الكليه محفظتش ولا كلمه ولما بجي اقرا او اسمع فاللي انا كنت حفظاه بس. ان شاء الله حبداء احفظ تاني وشكر علي تذكيرك لينا.
ليا نصيحه للي بيحفظ القران انه يحفظ كل خمس ايات بخمس ايات ودي سنه عن النبي وعشان مينساش اللي حفظه يصلي بيه. ودي احسن طريقه عشان يفضل فاكره.

جزاك الله خيرا عنا يا اسامه

جزاك الله خيرااااااااا

جزءاك الله كل خير وبجد احنا لازم نواظب فى قراءة القرءان وماينفعش ان احنا نقرء القرءان فى اوقات معينة زى شهر رمضان المفروض نقراه ع طول

اكيد انا معاكى

يا جماعه عملتوا ايه اليومين الى فاتوا

يا ريت تكونوا قريتوا بجد ويا ريت الى قرأ يقول حس بايه

انا لسه شايفه الموضوع و بجد جميل جدا وفعلا لازم نقرأ القران دايما وشكرا انك فكرتنا وبجد انا نفسي اروح احفظ قرآن بس هشوف صحباتي ييجوا معايا عشان نشجع بعض ان شاء الله
وشكرا ليك مره تانيه

يا ريت كلنا دائما نشجع بعض

ويا ريت نفكر بعض بكل حاجه كويسه لان الدنيا احيانا تلاهى

ايه يا جماعه ياريت تكونوا محافظين على العاده الكويسه ده

جزاك الله كل خير فعلا
انا سعيدة ان لسه في ناس كدة

بجد موضوع جميل جزاك الله خير وبجد الواحد نفسه يحافظ على قراءه القرءان يوميا بس زى ما هدير قالت

لا لا ده مش مبرر

والله عن تجربه بجد كلام ربنا لما الانسان يقراه وهو مهزوم والدنيا تعباه بيبقي بلسم علي القلب لان كلنا محتاجين ربنا ولازم يكون هو اول اولوياتنا قبل نفسك ودة اهم المهم
لان ما فيش غيرة اللي بيرحم