مين الاول فينا؟؟؟؟؟؟؟؟

السلام عليكم ورحمة الله وبركاته
انا جايب انهارده موضوع جميل وهناخد ثواب كتييير باذن الله
عبارة عن مسابقة لحفظ سور القران ونبدأان شاء الله بسورة الرحمن (عروس القران)
والمهلة عشر ايام ومحدش يرد الا لما يكون حفظها بجد وامام ربنا واللى حفظها يراجع ويكون مستعد يسمعها وده قدام ربنا
واول عشرة دول همه اللى كاسبانين عشان يكون قران ودين ومذاكرة ماشى وبعدها باذن الله نختار سور مع بعض ماشى نيدا وانا برده ان شاء الله لما احفظها هرد وكلنا نشارك فى الموضوع ده وكله حسنات ان شاء الله.

انا معاك طبعا يا كايرو وان شاء الله هبدأفى سورة الرحمن من انهارده واتمنى اكون من الاوائل فيها وجزاك الله كل خير
واول ما اخلصها هابعتلك عالطول ان شاء الله .

الموضوع ده هايخلينى افتح المصحف باستمرار كل يوم وان شاء الله معاك وهاحفظها قبل المهلة ان شاء الله وهرد اول ماحفظ باذن الله

جزاك الله خيرا
أنا حفظاها بس هراجع عليها

بجد الفكره حلوه اوي
وانا ان شاء الله هبدأ
وجزاك الله كل خير

الفكره جميله جزاك الله خيرا وان شاء الله انا معاكم وحبتدى الحفظ

ربنا معانا كلنا ونشوف مين اللى هايحفظ الاسرع

معاك باذن الله

انا ابتديت احفظ فعلا وحفظت حوالي 45 ايه .وفعلا جزاك الله خيرا .

جزاكوا الله خيرا انا كمان ابتديت ووصلت لحد ايه خمسين عقبال مانخلصها كلنا ان شاء الله

السلام عليكم انا بفضل الله انتهيت انهاردة من حفظ السورة وانا متحمسة اوى للموضوع ومستنية السورة اللى هنحفظها المرة الجايةيا كايرو ان شاء الله

انا كمان الحمد لله حفظتها مع انى بعد الميعاد بس معلش بقه
ها ايه السورة اللى جاية ان شاء الله

موضوع جميل فعلا انا الحمد لله حفظاها بس حثبت عليها