باقى شهر

بص يا باشمهندس انت ممكن تعمل الخطوات دى وتلتزم بيها و ان شاء ربنا يوفقك و يوفقنا

أولا و أهم حاجه فى الأيام الجايه انك لما تنزل الكليه تنزل بس تحضر اللى عليك و دغرى عالبيت و متحاولش تضيع وقتك

ثانيا حاول كل يوم أول ماتبقى فى البيت خلاص تمسك ورقه وقلم وتشوف ايه أكتر المواد اللى انت واقع فيها و تبدأ بيها و تحددلك كام درس حلوين كده و تفرمهم

خد بالك العبره فى انك اللى تزاكره تكون مزاكره كويس جدا مش العبره فى انك تزاكر دروس كتير فى يوم واحد

و متستعجلش على الدروس اللى مزاكرتهاش لو مشيت على الخطه دى صدقنى ان شاء الله حتبقى تمام

و طبعا حاول متضيع صلاه

الف الف شكر على المساعده الجميله دى وانا هحاول معاها وربنا يوفقنا ويوفقك

بس كان فيه سؤال تانى معلش انا مش عايز احضر المحاضرات اللى جايه وانزلها من على الموقع فهل فيه مشكله اصل انا مش من اسكندريه والسفر متعب وبياخد وقت كتير

شكرا

كده انت للاسف مش هتفهم الى اتقال فى المحاضره ويبقى خسرت كل حاجه احضر ونزل من على المنتدى

بالظبط كده زى ما قالك أسامه
عشان تفهم المحاضرات اللى فى الموقع لازم تكون حضرت المحاضره
انت ممكن تشوف مثلا اليوم اللى عندك فيه محاضره واحده أو اتنين و تنقلهم يوم تانى وبكده تبقى سهلت شويه على نفسك العمليه

و العفو يا عم أنا معملتش حاجه تستاهل الشكر

انا متشكر جدا على مسهمتكم معايا

لكن كان فيه مشكله ان انا مجتش الكليه لمده اسبوعين ونص لاسباب مرضيه ومن سعتها وانا بحمل المحاضرات

عشان كده كان عندى نقص

وباذن الله انا بحاول المهم واحضر المحاضرات اللى جايه

وربنا معانا و معاكم

الف سلامه عليك يا باشا يا رب دلوقتى تكون بخير

الله يسلمك ياغالى
وبعدين ايه السرعه دى فى الرد عليا

ربنا يكرمك

احنا فى عصر السرعه يا معلم