ما هو موقفك من تعدد الزوجات؟؟

انا معتقدش انى ممكن اتجوز اكتر من واحدة طالما هى مريحانى وواخدة بالها منى ومن بيتها وبتؤدى واجباتها كويس ايه الى يخلينى افكر فى غيرها وبعدين هى لو مدوخانى اسيبها واشوف غيرها انما مش اتجوز عليها لانه هيبقى صعب اعدل بين الاتنين والمشاكل هتزيد عليا فبالتالى زوجة واحدة افضل

طيب انا حتكلم بوجهة نظر الشباب
انا لو كنت ولد:فلن اتزوج اكثر من واحدة بالتاكيد ولكن هناك بعض الظروف
مثلا بافتراض ان زوجتى لن تنجب مثلا اذا كنت استطيع ان اتقبل ذلك وهذه المشكلة لا تؤثر معى فيمكننى تقبل الوضع وعدم الزواج
لذلك فتعدد الزوجات متاح امامى ومباح فى هذه الحالة ولكن لظروف خاصة ليست من ضمنها اننى رايت فتاة اعجبتنى مثلا فاردت ان اتزوجها
هذا غير مقبول اطلاقا
فالزواج اصلا قائم على المودة والاحترام وتقارب الحالة الثقافية والاجتماعية وغيرها للزوجين
(ولكن الجمال مهم ايضا بالتأكيد)

من وجهة نظر الفتيات
بما اننى فتاة:فاننى اقول اننى لن اقبل ان اكون زوجة اولى وتدخل عليها زوجة اخرى او اقبل ان اكون زوجة ثانية او ثالثة بالتاكيد
الا فى الحالات المشار اليها
ولكن اذا تقابلت مع انسان محترم وظروفه مثلا اضطرته لان يتزوج وفشلت هذه الزيجة واضطر للانفصال فلا امانع اطلاقا ان اكون زوجة لهذا الشخص ولكن (مع الانفصال )اى عدم الاحتفاظ بالزوجة الاولى وذلك لظروف (قهرية) اؤكد عليها

فانا من وجهة نظرى ان تعدد الزوجات مهم فى بعض الحالات ومنها مثلا مرض الزوجة والذى يجعل من الصعب ان يعيش الزوج بدون زوجة ترعاه

ولكننى فى النهاية من وجهة نظرى ك(دعاء ):- احبذ الاتى:-
الا يتخلى الزوج عن زوجته تحت اى ظروف والا كانت انانية مفرطة منه وانه تزوجها لمصلحته
الا تتخلى الزوجة عن الزوج تحت اى ظروف حتى فى حالة عدم الانجاب والتى ارى انه يمكن للزوجات تفهم هذه النقطة اما الازواج فلا

ولكن تعتبر هذه فى النهاية علامة من علامات الاحترام والرومانسية بين الزوج وزوجته والتى كانت فى عهد رسول الله صلى الله عليه وسلم


هذه وجهة نظرى والتى تحتمل الصواب والخطأ

انا معتقدش انى ممكن اتجوز اكتر من واحدة طالما هى مريحانى وواخدة بالها منى ومن بيتها وبتؤدى واجباتها كويس ايه الى يخلينى افكر فى غيرها وبعدين هى لو مدوخانى اسيبها واشوف غيرها انما مش اتجوز عليها لانه هيبقى صعب اعدل بين الاتنين والمشاكل هتزيد عليا فبالتالى زوجة واحدة افضل


انا متفق معاك جدا وكل اللي انت قلتة هو وجهة نظري

..... انا الموضوع مش فى بالى بس .. خطر على بالى من كام يوم .. تلاقى الناس ( او بمعنى اصح ) النساء تقولك حقوقنا حقوقنا .. و يوم ما نطبق حق لينا الدنيا تقوم ... بس طبعا مش كلهم

نرجع للموضوع الاساسى
تعدد الزوجات
ليه الستات فاكرين ان الراجل ليه طلبات و لو واحدة بس كفاية عليه مش من حقه يتجوز عليها؟ على فكرة انا شايف كلمة يتجوز عليها مسيئة لتعدد الزوجات .. حتى تعدد الزوجات غلط .. لانها اصلا كانت عادة ..
تعدد الزوجات يا جماعة دي حاجة "كانت" اساسية زمان يا جماعة .. اللى يزعلنى دلوقتى ان .. يا ريت الستات بس اللى يزعلو من كدا .. لا يدخل الاهل و المشكلة تبقى عويصة و يقولك طلقها و مش عارف طلعو مسمى اسمه دره باين و ليه دا كله يا جماعة ؟؟

لو عايزين الحق .. انا عن نفسى شايف ان دا شئ من حق اى رجل , " خلى بالك ان رجل دي معناها رجل مستور ماديا و قادر على الانفاق على اسرته القديمة و الجديدة .. و غير كدا يكون عادل بين الاتنين او التلاتة او الاربعة" من حقه انه يتجوز زي ما هوا عايز ..

و انا عن نفسى اصلا بفكر فى كدا .. مش عشان مستحليها او شايف انها حاجة حلوة , بس يا جماعة دا حلال.. و انا اصلا بفكر اكون قدوة علما و اخلاق و سلوكا باذن الله فى المستقبل .. فيوم ما الناس تشاور عليا تقول دا كان متجوز اكتر من واحدة و "يارب" ناجح

لو الموضوع استمر مقنن كدا , حيفضل كل شوية ينزل قانون جديد يقنن الموضوع , لحد ما خلاص لازم تبقى حالة نادرة عشان تتجوز تانى

دا غير ان الناس تفتكر الواحد لما يتجوز تانى يبقى خلاص نسى الاولى .. تخلف..

ما علينا و دا رأيي و قابل للنقاش فيه

عمر الرجل ما هيكون عادل بين زوجاتة الاتنين او التلاتة او الاربعة زى ما بتقول
عشان دى حاجة مذكورة فى القران انك عمرك ما هتعدل
والرسول صلى اللة علية وسلم كان يتزوج لاسباب
واظن ان الواحد لو تزوج لمجرد تطبيق حقة فقط مش عارفة دة اسمية اية
بس انما لو لة اسباب يكون لة الحق دة انما لو مفيش سبب يبقى اية لزمتة

موضوع تعدد الزوجات فكره فاشله
اولا علشان مش ختعدل بينهم مهما حاولت
ثانيا حتسبب مشاكل لاولادك
ثالثا وده الاهم انت المفروض بتتجوز واحده بتبفى شريكة حياتك انت اختارتها بارادتك علشان شايف انها تناسبك وعايز تكمل معاها طب اتجوزنتها ليه من الاول
وبعدين الجواز ده رباط كل حب ومشاعر مقتصر على 2 مش اكتر

GLIDATOR2050 كتب:موضوع تعدد الزوجات فكره فاشله
اولا علشان مش ختعدل بينهم مهما حاولت
ثانيا حتسبب مشاكل لاولادك
ثالثا وده الاهم انت المفروض بتتجوز واحده بتبفى شريكة حياتك انت اختارتها بارادتك علشان شايف انها تناسبك وعايز تكمل معاها طب اتجوزنتها ليه من الاول
وبعدين الجواز ده رباط كل حب ومشاعر مقتصر على 2 مش اكتر

لا انا مختلف معاك التعدد مش فكره فاشله لان لو كان كده مكنش ربنا حللها

وبعدين ابسط مثال الرسول صلى الله عليه وسلم وتزوجة اكثر من مره

لا انا مختلف معاك التعدد مش فكره فاشله لان لو كان كده مكنش ربنا حللها

وبعدين ابسط مثال الرسول صلى الله عليه وسلم وتزوجة اكثر من مره[/quote]

بس الرسول صلى اللة علية وسلم كان يتزوج لاسباب
فبالتالى الواحد ما يتزوجش لمجرد حقة فقط يعنى مثلا واحد متزوج من 20 سنة وعندة اولادة كبار وزوجتة كويسة جدا يتزوج تانى لية
ولا اية رايك؟

انا مكنتش اقصد كده لكن انا تعليقى كان على كلمه فكره فاشله

اما راى ان بدال مفيش مشاكل ومفيش حاجه تدعوا لذلك يبقى اكيد لا انا شيف فى الحاه ده التعدد مش مستحب من وجه نظرى المتواضعه

اولا فى حاجه مهمه جداا لازم تعرفها الرسول كان عنده زوجات كتير مش علشان هو عايز يتجوز كتير بس علشان الدعوه الاسلاميه وعدين الرسول مش زى او زيك ربنا مفضله علينا وربنا محللها انا معاك بس كمان قال ولن تعدلوا فبلاش تقول الروسل كان متجوز كتيرر وبعدين اه فكره فاشله ديه فى راى لما انت متجوز واحده صالحه وربنا كرمك بتتجوز تانى ليه يبقى اكيد من حتعدل بينهم ولا ايه ما انت لو بتحبها مكنتش اتجوزت عليها ؟ وفى الاول او فى الاخر ده راى وطبعا مش صح اوى

معلش بقي يا جماعة في حاجة انتوا مش واخدين بالكم منها
ربنا سبحانه وتعالي عمرة ما حلل حاجة للناس وفيها ضرر
ابدا يعني ربنا سبحانة وتعالي لو كان الموضوع دة في ضرر كان ربنا حرمة
طبعا ربنا قال ولن تستطيعوا ان تعدلوا
انا معاكم طبعا مفيش جدال في كلام ربنابس في حاجة العدل التام دة بتاع ربك بس
يعني مفيش حد فينا مهما وصل هيوصل للعدل التام
اذا ربنا كان عارف ان مستحيل حد يوصل للعدل التام وبعدين انا مسمعتش ان ربنا حط عقوبة معينة للي ميعدلش انا طبعا مش بشجع الظلم
بس عايزكم توصلوا لحاجة طالما ربنا حلل الموضوع وموضعش عقوبة للي يخالفة
يبقي انت هنا مطالب انك توصل لاقصي درجات العدل علي قد ما تقدر واكيد مش هتقدر توصل للكمال بس تعمل اللي عليك
وبعدين انتوا مش شايفين نسبة العنوسة عاملة ازاي في البلد
واحد يقولي بس الظروف الاقتصادية انا عارف بس مش السبب الوحيد
البنات مش لاقين يتجوزوا لازم نلاقي حل نسهل الجواز نرضي باكثر من زوجة
دة رايي المتواضع ويقبل الخطا والخطا لاني مش عالم

يعنى انت شايف ان اللى بيتجوز مرة واتنين وتلاتة بيبقى حاطط فى دماغة ان هو هيحل مشكلة العنوسة فى البلد
ومحدش قال ان التعدد حرام بس مثلا هيبقى احساس الزوجة اية لو زوجها تزوج حتى لو برضاها
ومش اى حد يفبل على نفسة كدة وانا شخصيا بيقل احترامى للرجل المتزوج اكثر من زوجة ودى وجهة نظرى

اولا حسين
.. حاسب على كلامك .. قصدك اية ان تعدد الزوجات فكرة فاشلة؟؟؟

ثانيا انتا قلت الرسول كان بيتجوز لاسباب.. يعنى الاسباب دي كانت نازلة على الرسول بس؟ و لا لينا كلنا ؟؟ , انا زي ما قلت انا مش حتجوز من حلاوتها بس دي يا جماعة شئ محلل و انا الصراحة مش بفكر فى نفسى .. و لافى رغباتى و انا بتكلم فى الموضوع دا

ثالثا .. بتقول الجواز رباط حب و مشاعر مقتصر على 2 بس مش اكتر ؟؟
ماشى متفق معاك ان الجواز رباط حب .. بس مقتصر على 2 بس مش اكتر؟ انا مقلتش لمراتى التانية تحب مراتى الاولى ولا قلت للاولى تحب التانية , حتبقى بينهم علاقة .. خلينا نقول اخوة صداقة , سميها زي ما تسميها بس انا مش حقعدهم فى بيت و احد و اوضة واحدة
حتقولى حتحصل مشاكل .. حقولك فى كام حالة طلاق بين 2 بس؟ بدون ما يتجوز عليها حتى ؟؟؟

ميرمايد
مفيش حد بيعدل 100% بس انتا مطالب تعدل على قد ما تقدر , بحسب المعطيات اللى قدامك .. محدش بيقدر يعدل بين اولاده عشان كده بتحصل الغيرة .. معنى كدا انى اخلف ولد واحد بس؟
غير كدا العدل دا حاجة نسبية .. يمكن متديش واحد حقه و يكون راضى و يمكن تديه اكتر من حقه و ميرضاش .. دي حاجة راجعة للقناعة .. المتولدة من التربية

ثانيا بالنسبة للحق , انا مش فرحان بيه الصراحة لانه حيوجعلى دماغى بس لو "اللى زيي" محدش عمله ؟ لو فى يوم من الايام واحد نقول عادل " اعدل البشر فى زمانه مثلا" بعد 100 سنة قال اتجوز واحدة تانية... كل الناس حتقوله دا مفيش حد متجوز 2 .. تتجوز ليه انتا؟؟

Eng MM
والله انتا بتفهم يا ابنى , كانك رديت مكانى

بس انا حابب اضيف حاجة .. انا يوم ما حقول حتجوز واحدة تانية.. حكلم مراتى هيا اللى تختارها ..

و دمتم

اولا:من المفترض اذا تزوج رجل من امرأة ان يكون ذلك عن حب ومودة واحترام
فغير منطقى ابدا ان يتزوج غيرها لانه فى هذه الحالة سيراها اجمل من فى الارض او انه لن يرضى عنها بديلا

ثانيا: الرسول صلى الله عليه وسلم تزوج لاسباب ومش كلنا تطبق علينا هذه الاسباب
تصور مثلا عدد السنين التى عاشتها امنا عائشة لتروى احاديثه عليه الصلاة والسلام
وبالتاكيد هذه الاسباب لا تطبق على كل منا كما تقولوا

ثالثا:ردا على البشمهندس ام ام
هل تحب ان يحدث الطلاق بين الرجل وزوجته؟؟؟؟؟؟؟؟؟
بالتاكيد لا
ولكنه ابغض الحلال عند الله
ولكن هل يعاقب كل من يقوم به؟؟؟؟؟؟؟؟
نفس الحكاية على العدل

رابعا:ردا على بشمهندس ماى تى
هل تستطيع ان يكون لك قلبين وان تعيش بروحين وان يخفق قلبك لروحين
اذن فانت انسان خارق
اذن لا تعرف معنى الحب والاحترام بين الازواج

والاهم اذن لم تقابل بعد (اللى حتدوخك باذن الله)
هههههههههههههههههههههههه

دعاء محمود عبد السلام كتب:اولا:من المفترض اذا تزوج رجل من امرأة ان يكون ذلك عن حب ومودة واحترام
فغير منطقى ابدا ان يتزوج غيرها لانه فى هذه الحالة سيراها اجمل من فى الارض او انه لن يرضى عنها بديلا

ثانيا: الرسول صلى الله عليه وسلم تزوج لاسباب ومش كلنا تطبق علينا هذه الاسباب
تصور مثلا عدد السنين التى عاشتها امنا عائشة لتروى احاديثه عليه الصلاة والسلام
وبالتاكيد هذه الاسباب لا تطبق على كل منا كما تقولوا

ثالثا:ردا على البشمهندس ام ام
هل تحب ان يحدث الطلاق بين الرجل وزوجته؟؟؟؟؟؟؟؟؟
بالتاكيد لا
ولكنه ابغض الحلال عند الله
ولكن هل يعاقب كل من يقوم به؟؟؟؟؟؟؟؟
نفس الحكاية على العدل

رابعا:ردا على بشمهندس ماى تى
هل تستطيع ان يكون لك قلبين وان تعيش بروحين وان يخفق قلبك لروحين
اذن فانت انسان خارق
اذن لا تعرف معنى الحب والاحترام بين الازواج

والاهم اذن لم تقابل بعد (اللى حتدوخك باذن الله)
هههههههههههههههههههههههه

اولا : موافقك لحد السطر الاول
بالنسبة بقا انه يشوفها احلى واحدة فى الدنيا .. دي حاجة انا مش حاططها فى دماغى , لانها هدف ... روجته الثقافة الغربية بطريقة غير مباشرة لينا .. محسيسنا انه لكل واحد فى واحدة بس يحبها , حديكى مثال ... زي الابناء , تقدرى تجيبى ولدين او تلاتة او اكتر ؟ حيبقى نفسك تشوف ابنك احسن واحد فى الدنيا ؟؟ بس يا ترى اى واحد فيهم ؟ و لا اخليهم واحد و كدا موجعش دماغى ؟

ثانيا: فكرك ان الرسولصلى الله عليه و سلم تزوج السيدة عائشة عشان تروى الاحاديث بس من بعده ؟ اية ؟ طب ما كان يكلم حد من الصحابة يحفظ احاديثه و خلاص؟
حتى لو كان الرسول صلى الله عليه و سلم كان عايز حد معاه فى البيت .. طب ليه متزوجش غيرها ؟ دي حتى كانت حتبقى قاعدة معاه اكتر و تعرفنا على سنن اكتر؟؟

ثالثا مبتحبيش ان الطلاق يحصل صح؟ فى ناس كتير مش عاقلة و ناس لسه عقلها مكتملش و اتجوزت و طلقت .. ذنبها اية المطلقة دي ؟ و بالله عليكي لو كنتى راجل و عايزة تتجوزى فكرك انك حتتجوزى مطلقة ولا ارملة ولا بكر؟

رابعا : و دي كانت ليا
انا مش شخص خارق , و ربنا مكنش عايزنا نبقى خارقين و الا كان امرنا اننا نكون معصومين من الاخطاء.. و كل شئ له حكمة .. يبقى ليه حلل لينا تعدد الزوجات؟
من ردودك باينلى انك فى الاغلب ملتزمة او تودين ذلك بس انا حقولك حاجة ... الكلام الفاضى بتاع قلبين و روحين و مش عارف اية تانى اللى بنسمعه فى الافلام دا ملوش مكان بيننا كمسلمين ... و لو الناس صدقته .. يبقى هما كدا ماشيين فى سكة غلط

بالنسبة بقا للجزئية الاخيرة .. انا دماغى ناشفة جدا .. و انا مش حكدب عليكى انا وقعت مرتين بس عدوا بسلام و بدون اخطاء تذكر .. و متغيرتش برضه

انا عارف ان اللى بتكلم فيه مستحيل .. بس فى يوم من الايام ان شاء الله يكون واقع و يتحقق

متنسوش انى بتكلم فى حاجة حلال..

طبعا تعدد الزوجات حاجه ربنا حللها يعنى مفيش نقاش فى النقطه دى بس فى انهى حاله
؟
يعنى لازم يكون فى سبب علشان يجوز تانى والا كنا حنشوف كل واحد ماشى ومعاه زوجاته الاربعه؟ !!!!!!!!!!!!!!!يعنى مثلا زى دعاء مقالت لما يكون لاقدر الله مفيش انجاب او الزوجه مريضه
يبقى فى الحاله دى من حقه انه يجوز تانى
اما فى حاله انه ميكنش فى سبب انا شايفه انه يبقى ظلم ليها يعنى انت اختارتها لتكون شريكه حياته يبقى اكيد لازم بتحترمها وبتقدرها ولما بتحترمها اكيد مش حتحب تأذيها او تجرحها

(بس انا حابب اضيف حاجة .. انا يوم ما حقول حتجوز واحدة تانية.. حكلم مراتى هيا اللى تختارها)

حرام عليك انت كده يا اما حتجبلها سكته قلبيه يا اما حدخلها مستشفى المجانين بجد فهمنى يعنى انت حتروح تقولها انا قررت اجوز واحده غيرك وعايزك تنقيلى واحده !!!!!!!1

انا مش عارف ازاي انتوا مش متخيلين المصيبة اللي احنا فيها
انا اسمع عن بنات كتير مخلصين كليات قمة طب وهندسة وصيدلو ومعيدين
وبيشتغلوا ومش لاقيين جواز
دة مصيبة.طب نعمل اية حتي لو سهلوا الجواز برضو العدد مش متوازن
اظن الحل ان اللي يقدر يتجوز اكتر من واحدة يتوكل علي الله
انا بصراحة مش هقدر اتجوز اكتر من واحدة رغم كل اللي بقولة دة
انا عارف اني هبوظ الدنيا
رحم الله امرئ عرف قدر نفسة

لا أقبل أن أكون الزوجة الثانية أو الثالثة أو الرابعة أو حتى أن أكون الأولى و هناك غيرى

معلش يا جماعه الموضوع سيتم اغلاقه لان انا شايف انه اخد اتجاه تانى وهو ان كل واحد يفتى شويه وده دين له قواعد فعشان محدش ياخد ذنوب ويغلط هنقفله وده بعد اخذ موافقه صاحبه