مع ولا ضد

ضد


الترفيه الزيادة عن اللزوم؟

ضد

هل أنت ( مع ) أو ( ضد ) العولمه ؟

متنسوش يا جماعه تقولوا سبب الرد

ضد
دور العولمه انها تخليك نعرف كل حاجه بتحصل فى العالم وبتزيد من الثقافه والخبره وتربط بين الدول بشرط انه ميحصلش تغير فى اساس الدوله وده مبيحصلش دلوقتى وبعدين العولمه تقريبا بتقوم على اساسين التجاره والاعلام وللاسف الاتنين فى ايد طرف واحد بس بيتحكموا فيهم يبقى ايه اللى يخلينى اوافق عليها ده راى يعنى



هل انت مع او ضد , تولي المرأة مناصب هامة في الدوله
؟؟

اوكى معلش قبل ما اجاوب عايزة اقولك حاجة
اللى انتى قولتيه ده كلام جميل جدا
بس بيوضح فى نفس الوقت ان العيب مش فى المبدأ نفسه الخطأ من الافراد والمؤسسات والدول فلولا العولمة لقبعت كل دولة فى ظلامها او على الاقل لا تستفيد اى دولة من علم صادر عن اخرى مثلا
تصورى ناس قاعدة فى بيت وميعرفوش بعض او بيكلموا بعض ولو حد مرض ميسألوش فيه!!!!!!


انا ضد تولى المرأة (اى منصب) فى الدولة
اولا مش شغلها وعشان كده البطالة ما شاء الله شىء يفرح
ثانيا مقتنعة ان المرأة خلقت للعلم والدراسة صحيح العمل هو تطبيق ولكن مش كل العمل
يعنى مثلا انا مقتنعة بالدكتورة فقط فاذا مرضت مثلا سأذهب للطبيبة
اما باقى المهن فلا اعتقد نجاح المرأة فيها
حتى الهندسة

ويا ريت متفهموش كلامى ان المرأة فاشلة مثلا
انا مش بقول كده بس مينفعش تشتغل وكثيرا ما يوجد نساء يفقن الرجال فى علمهن
وبعدين الجنس الرقيق ايه اللى بهدله!!!!!!!!!!!!!!
ههههههههههههههه

مع او ضد (الكمبيوتر)؟؟؟؟؟؟؟؟؟

اكيد مع الكمبيوتر والا مكنتش قعدت علية
بس انا ضد الاستخدام السيئ لية
اي حد هيسمعني هيقول اني ملاك
لا بس بحاول مستخدموش علي قد ما اقدر في الغلط

هل انت مع جعل الاقسام عندنا في الكلية بشروط نجاح في مواد ولا ضد

مع

لأن كل قسم بيتطلب إن اللى يدخله يكون شاطر فى مواد معينة ..... ربنا يستر

مع ولا ضد السفر بره مصر ؟؟؟

مع

السفر بره بيجيب خبرات و معلومات جديدة.. بس اهم حاجة ... ان اللى يسافر فى يوم من الايام يكون عارف ان وطنه هيا مصر مش المكان اللى راحله




انتا مع اللى بيقولو ان امتحانات الكلية بتاعتنا صعبة ولا لا؟ اتكلم بصراحة

انا مقولتش ان العولمه ملهاش فايده يعنى لو العولمه بمفهومها الصحيح بيطبق دلوقتى اكيد ده تبقى حاجه عظيمه لكن دلوقتى المنفعه مبقتش مشتركه لا المنفعه بقت لجانب واحد فقط الاقوى وده اساسا بيخل باسس العولمه الصحيحه واكيد العولمه خدمتنا كتير بس سببت اضرار ومصائب اكتر لان للاسف تم تطبيقها بشكل خاطىء لان من اهم اسس العولمه المحافظه على اساسيات البلدين وده طبعا محصلش فانا شايفه انا احنا خسرنا من العولمه اكتر مما كسبنا منها علشان كده انا بقول انى ضدها بمفهومها الحالى لحد ميحصل تغير واعتقد انه صعب يحصل فى الظروف الحاليه



ضد

انا الصراحه شايفه ان بقى فى استسلام تام ناحيه الموضوع ده يعنى تلاقى واحد لسه حتى مدخلش الكليه يعنى لسه متحددش طريقه ومقرر انه يسافر لما يتخرج طب ده على اساس ايه حيرد ويقول كل اللى حواليا اتخرجوا واقعدوا على القهاوى ومش لاقين شغل والبطاله الخ .........
بس معلش انا مش مقتنعه ان مثلا مهندس اتخرج بتقدير كويس وفاهم كويس مش حيلاقى شغل بالعكس ده حيكون ليه مستقبل كبير لانه مميز فى المجال بتاعه وكتير محتاجينه

بعكس واحد مثلا داخل كهرباء واقعد الاربع سنين يدح ويذاكر وفعلا نجح واتخرج بس طلع منها مش عارف حتى يركب لمبه ده اكيد عمره محيلاقى شغل بشهادته حتى لو كان امتياز

يعنى انا شايفه ان المفروض يكون فى طوله بال مش استسلام وياس

طولت عليكم معلش

مع ولا ضدشراء المنتجات الاجنبيه؟

انت لازم تفكرنا بالهم يا مايتى على العموم انا شايفه ان دى الامتحانات المتوقعه فى هندسه يعنى ده العادى وبعدين الصراحه بعد اللى شوفته فى الثانويه العامه مخلنيش بقيت اتاثر قوى بالموضوع ده

مع

ده يتوقف على:-

من اى دولة وما هو نوع المنتج المستورد بالتأكيد

مع ولا ضد

(تعيين المرأة مأذونة)؟؟؟؟؟!!!!!

مع
لية بقي
اقولك
المراة بقت تشتغل مهندسة ومحامية ونائبة برلمان
وكل الوظايف دة كانت مقتصرة علي الرجال فقط اذا في قبول من المجتمع بتعين المراة في هذة الوظائف
بالنسبة للماذون دة وظيفه ملهاش اساس ديني علي الاطلاق ولكن مع خراب الذمم بقي لازم ان احنا نسجل عقود الجواز وظهر الماذون
تعيين المراة يمكن يسهل سؤال المراة العروسة شخصيا عن رايها ودة ممكن يقلل موضوع الجواز بالاجبار
احنا في مصر عندنا ثقافة رفض اي حاجة جديدة مهما كانت من غير ما نعرف حتي اي حاجة عنها

هل انت مع من يقول انة لما دخل الهندسة ملقاش اللي هو عايزة او اللي بيتمناة في الدراسة
ام ضد

بتحلمى يا دعاء..

لو كنت بتكلم يا مايتي علي موضوع الماذون فهو حصل بالفعل وتعينت اول ماذونة شرعية السنة اللي فاتت

و مالو
بكرة يعملو امامة مسجد و بعدين الستات يجو يخطبو الرجالة.. و بعدين الستات يمسكو الحكم .. و بعدين نربى العيال احنا

يلا ماهى كوسة

طيب يا جماعه اكثر منرائع وشكرا يا مى بى على الموضوع ده


بس اسمحولى ليه بعض التعليقات فياريت يتسع صدركم ليه واعذرونى اذا اطلت عليكم

مبدايا دراسه البنت بالخارج انا ضدها بس ممكن تتعوض بسهوله جدا فى مصر وذلك عن طريق الانتر نت والجامعات المفتوحه اعتقد ان الموضوع ده كويس جدا حتى للولاد وياريت بعد الدراسه تهتموا بييه

بالنسبه للعولمه مش هقدر اتكلم كتير لانى مش متعمق اوى بمعرفت اشياء عنها لكن فى اعتقادى انها لاتطبق بشكل سليم وبالاخص فى الدول الناميه
ومش عارف بس اعرف ان دينا سبق ما وجدناه او الى هنوجده فى المستقبل بامر الله لكن الافضل اننا نبحث فى الدين اكتر جايز ميكنش فى علاقه
بس وما اوتيتم من العلم الا قليل

اما بالنسبه للكمبيوتر اعقد حسب استخدام كل انسان هو ده الى يدد اكون مع او ضد لانه مفيد اذا احسنا استخدامه واذا اسانا يبقى ملوش لزه ومضر جدا

الاقسام انا ضد انها تكون بالمجوع لان اعدادى لاتقيم الطالب جيدا انا شايف جدا يعنى بمعنى فى عندنا حاجات تتحتاج حفظ فى بعض الاشياء فى ناس تحب كده لكن فى ناس تعتمد ديما على التفكير والابتكار بس متقدرش تحفظ وبكده ميتمكنش من دخول القسم الى هو بيحبه وانه يقدر يعمل حاجه فيه وفى اقسام مش عاوزه مواد وتعتمد على المجموع زى الحاسبات مثلا لكن مع ان يكون مواد ينجح فيها عشان يدخل القسم
بس ليه راى جايز كتير يهاجمنى فيه ان الامتحانات تعتمد فى جزء كبير على الحفظ هدى مثال التكامل او التفاضل فيهم قوانين لازم تتحفظ عشان تحل المساله لو مش حافظها مش هتحل رغم انت عارف ازاى تمشى فى الحل فليه ميكنش فى الامتحان وانت داخل يكو ن القوانين موجود زى مثلا الثواب لان اكيد لو هعمل بالحاجات ده فى المستقبل اكيد مش هبقى فاكر القانون فهرجع له

السفر بره راى واضح يه على كرسى لاعتراف فى الاسبوع بتاع طيفا

الامتحانات مش صعبه لكن زى مشرحت فوق

المنتجات الاجنبيه سوال عام جدا محتاج تخصيص شويه لكن نفسى ان منجبش ومنتج اجنبى خالص ويكون فى سوق عربيه هى ده الى ممكن العرب والمسلمين يشتروها
اما اجنبيه بمعنى من اوروبا وامريكا مش مع كده لكن مجبرين لعدم وجود بديل مصرى او عربي

المؤذونه مش مع الموضوع ده خالص لازى مدعاء قالت فى حاجات متنفعش للمراه

لموضوع ان ملقاش الى عايزه فى هندسه ده حاجه ترجعله جايز يكون داخل لحاجه ملقهاش فلازم يحول عشان مستقبله


اهم تعليق تعليق دعاء على ان المراه تولى مناصب هامه فى الدوله
بجد اول مره اشوف بنت تتكلم كده عاجبنى ردك ووضوحك وبصراحه ده راى ان فى حاجات ووظائف تنفع للمرا وغيرها لا لكن الراى ده كتير من البنات او الاناث بيرفضوه ويقولوا حريتنا انت عايزين تتدفنونا

بجد معلش انى اطلت بس الاسئله كتيره وكنت حابب اعلق اوى

وموضوع جميل جدا يا مى بى


اسف للاطاله فعلا بس معلش ياريت تكونوا استحملتونى

ده واقع والله يا بشمهندس
انا لا اعترف بالمرأة فى اى عمل الا ممكن ان تكون طبيبة فقط
ومش كلهم كمان
يعنى كما قلت اذا مرضت سأذهب الى طبيية
ولكن اذا كانت اسنان فاعتقد انى ساذهب لطبيب
هههههههههه

اما السفر للخارج ده انا معترضة هلى رأى حضرتك
عشان انا بقول ان البنت مش تشتغل بس تتعلم
عشان مفيش امكانيات كويسة هنا
يبقى لازم ندور عليها بره والا (ندفن) علمنا وطموحنا معانا هنا

اعتقد برده ان الامتحانات مش صعبة وبالعكس
ده اللى المفروض يحصل (وجهة نظرى يعنى)
والا فما هى الهندسة؟!!

صراحة مبعترفش بالمأذونة نهائيا وبسيطة يا بشمهندس mm
ممكن المأذون يحصل على موافقة البنت بتوكيل من حد آخر زى الاب يعنى
ومعتقدش على كلام حضرتك ان فى حد دلوقتى بيتجوز غصب عنه
يمكن ده يحصل فى القرى مش عارفة صراحة
بس احنا فى المدن وخاصة الكبيرة اعتقد بقت الحرية(زيادة عن اللزوم)
وعشان كده محدش بيتجوز بالعافية (وجهة نظرى تحتمل الصواب والخطا طبعا)

انا برده شايفة ان الاقسام لازم يتعملها (انترفيو) عشان نفس اللى قلته فوق متبقاش كلها بالمجموع
وعلى رأى بشمهندس سمسم حتى التفاضل والتكامل له قوانين يلزم حفظها


مش عارفة انا اول بنت صراحة تتكلم على المرأة كده صراحة ولا لا
بس هى دى الحقيقة
انا شايفة ان الحرية للتعليم(والسفر) وليس فى العمل
والا فما فائدة الرجل؟!!!!

آسفة جدا للاطالة

مأذونة بنت !!!!!!!!!!!
إيه اللى بيحصل ده أكيد أنا ضد الفكرة دى

و أنا معاكوا فى موضوع إن المرأة متنفعش معاها كل الوظائف
بس أنا ضد دعاء فى نقطتين

* إن مش الطب بس اللى ينفع للمرأة
* إن أنا ضد سفر البنت للخارج سواء للعلم أو العمل و زى ما سمسم قال ده بيتعوض بالنت
و يا دعاء أنا ليا طموحى كبير بس ده مش معناه إنى أسافر بره و أظن إنى أقدر أحقق اللى أنا عايزاه هنا لأن اللى أنا عايزاه إنى أطور بلدى مش إنى أتطور بنفسى بس

أتمنى إنى أكون وضحت وجهة نظرى

هل انت مع من يقول ان الجيل الحالي جيل مجني عليه بنسبة 80 وليس هو الجاني
ام ضد

طيب ارد الاول على رورا
اولا:- انا قلت ان البنات مينفعوش فى اى حاجة (خالص) حتى فى الطب
ولكن اذا مرضت ساذهب لطبيبة شىء طبيعى
وللاسف ده حقيقى بس احنا بنكابر
قليل اوى اوى اللى تلاقيهم فاهمين هم بيعملوا ايه
بس للاسف السيئة تعم ومعظم البنات مش كويسين فى اى مجال
وان المشاكل الرئيسية من كل عمل بسبب(المرأة)
ماعلينا
ثانيا:-اتطور ازاى يا رورا فى بلد مفيهاش اى مجال للتطور
واذا كان على النت اهو عندك
عملتى بيه حاجة؟؟!!!!!!
انا مثلا عايزة اسافر واحتك بعقليات وامكانيات واحدد مجال دراستى وده صعب اوى على النت
انا مش بقول ان العقليات هنا مش حلوة بس للاسف مش بتتوظف صح!!
تصورى اذا كان عندك الامكانيات سنملك كام احمد زويل
واعرفى برده ان دكتور احمد زويل مثلا لو مطلعش بره مكانش حد سمع عنه لحد دلوقتى حتى وعقليته كويسة
يعنى وجهة نظر



اوكى نيجى بقى للسؤال بتاع بشمهندس mm
امممممممممم
ممكن اقول انه جانى ومجنى عليه فى نفس الوقت
يعنى بنسبة 50%
مجنى عليه: عشان اباءنا وسعوا الفجوة جدا جدا بيننا وبين الغرب
ومن المفترض ان نصلح احنا الخطأ ده ونحاول ليس اللحاق بهم فقط بل التغلب عليهم ايضا شوفوا فى كام مجال
طب هندسة صيدلة زراعة (صناعة) صيد (تعليم) تجارة (فن) ............... وهكذا
على رأى اللى قال ان احنا بيننا وبينهم آلاف السنون الضوئية
ةللاسف انا مقتنعة بكده جدا

جانى :- لانه لا يحاول ان يطور من نفسه
مستسلم تماما لظروفه ولا يحاول ان يكسرها
مكتفى اننا من احفاد صناع الحضارة وغير مقتنع بان الحضارة لا تصلح الا بالتقدم ايضا
يا ريت يعرفوا اننا مش حنفضل نكتب على ورق البردى بس!!! هههههههههههه
بجد استسلام استسلام استسلام
جيل يائس وبائس ومش عارفة ليه
انا برده مقتنعة ان العقليات كويسة جدا
بس احنا كل همنا على احدث الموديلات وصرخات الموضة
مش بنهتم بتوظيف امكانياتنا فى مجالها ولو وظفناها بنوظفها غلط
حتى لو اباءنا اخطأوا فى حقنا مينفعش احنا نتمادى فى الغلط ده ونزوده بدل ما نعدله
يا اما ولادنا واحفادنا بعد كده(هههههههه حلوة الكلمة دى) سيشيروا باصابع الاتهام الينا مثلما نفعل مع آبائنا

يعنى وجهة نظرى برده تحتمل الصواب والخطأ

مع او ضد جعل (الثانوية العامة) 3 سنين؟!!!

انا مش هقدر اقولك مع ولا ضد بصراحة
لاني مش هقدر احكم علي نظام هو في الاساس فاشل جدا
يعني بالتقريب كدا لما عمارة بتقع وتتهدم اول حاجة بيعملها المهندس لما يجي علشان يطلع العمارة دة تاني
بيشيل الهدم ويحفر من جديد ويحط اساس لقاعدة قوية ويبدا يطلع من تاني
وبالمثل لما نحب نغير او نطور في حاجة مينفعش نطور في نظام اساسة فاشل
انا مش فاكر اي فايدة عدت علي من الثانوية
لكن فاكر الاضرار كويس اوي
اعصابي تعبت اوي لدرجة اني بقيت خلاص عندي برود من ناحية التعليم
دماغي باظت بجد دلوقتي مش طايق ازاكر خلاص
معرفش يمكن اكون كدا انا لوحدي
بس انا بالنسبة لية الثانوية العامة والتعليم عامة يحتاج وضع سياسات محترمة وبناءة من اول حضانة ونبدا نطلع بيها لغاية الكليات
الموضوع هياخد وقت بس هو دة الحل الوحيد
التعليم في مصر كارثة
معلش اطلت عليكوا

ههههههههههههههههههههههههه
اكيد دى مش مشكلة حضرتك لوحدك
بس والله انا حسة ان احنا كمان علينا غلط
مع حضرتك ان نظام التعليم اصلا فاشل
بس احنا ممكن نتغلب على كده
يعنى انا مثلا عجبانى جدا الكلية............جدا جدا
واهى حكومية مثلا
بس فى عقليات كويسة وفى ناس بتفكر
حضرتك بص بقى على اطفال المدراس دلوقتى
يا نهار ابيض
هههههههههههههههههههههه
تشرد وبؤس وشقاء وحاجة شنيعة
والله بيصعبوا على
اللى عايز يطور نفسه مش بيهمه الظروف ولا يهمه اى حاجة
احنا بناخد منهج ولا لا
بناخد يبقى الدولة ملهاش دعوة
الفرق هنا فى الناس اللى بتحفظ والناس اللى بتفهم
يبقى العيب عيب مين؟؟؟؟؟؟؟؟

دى وجهة نظر ليس الا
ولكن مع ذلك اكرر نظام التعليم فاشل والمناهج كده كمان


طيب
مع او ضد التعلم عن بعد
زى النت مثلا؟؟

اولا انا مع eng..mm فى ان الثانوية العامه جت علينا باضرار كتير اوى
انا كمان حسا ان من يوم ما خلصت امتحنات الثانوى و انا مش بفهم و طبعا مش عندى تئطان للمذكره و دا من طريقة التعليم اللى غلط من الاساس اللي الدوله عملاها


مع التعليم عن بعد

لانه يتيح التواصل بين الناس فى كل العالم و تبادل الافكار

برضة انت مش لوحدك يا بشمهندس اللى الثانوية العامة ماثرة عليك
يعنى مثلا دلوقتى بخاف من كلمة امتحان نفسها
حتى تانية ثانوى انا ما كنتش بخاف وبعدى الامتحان عادى
بس دلوقتى الوضع اختلف
وحسبنا اللة ونعم الوكيل

وبالنسبة لدعاء اذاى الواحد يطور نفسة وهو اصلا ما عندوش امكانيات التطوير دى
يعنى لو حد فكر فى فكرة وعايز ينفذها مش هيلاقى حد يساعدة الا من رحم ربى
وحتى لو لقى ممكن اللى عايزة ما يوصلش

انت مع ولا ضد الجامعات الخاصة ؟

اللى مش عارف يطور نفسه ده يبقى الخطأ خطأه هو اكيد
مفيش حاجة اسمها ظروف
فى حد حاول وفى حد محاولش
نجح بقى ولا منجحش دى بتاعت ربنا
وفى حد فشل واستسلم وفى حد لا وبيفضل يكافح
توماس اديسون عمل المصباح
9999 مرة
تصورى
مين يقدر يصمم بالطريقة دى
دى قدرات
ممكن تشوفى الفيديو ده يمكن تقتنعى
للدكتور الرائع ابراهيم الفقى
https://www.youtube.com/watch?v=ElzC6Xgszwc

اوكى
بالنسبة للجامعات الخاصة
انا طبعا ضدها
انا اصلا عايزة اقول حاجة
كنت بتفرج مرة على التليفزيزن وجه فى برنامج مش فاكرة اسمه دكتور مش عارفاه وقال ان:-
مصر هى الدولة الوحيدة التى ادخلت والتى بها مفهوم الجامعات الخاصة
فهذه الجامعات قللت من شأن التعليم
فهى اتاحت للجميع الفرصة فى الحصول على التعليم (بالمقابل المادى)د
فاضخم جامعة نريد ان نسير على خطاها وبالتالى لا نعرف
هى جامعة هارفرد
بس فى ناس بتتلخبط بين المفهوم ده والمفهوم ده
جامعة هارفرد دى جامعة اهلية وليست جامعة خاصة
ولذلك تروا طبعا الفرق الشاسع بين جامعة هارفرد وبين الجامعات الخاصة
جامعة القاهرة فى بدايتها كانت جامعة اهلية ولكنها اصبحت حكومية حتى يتاح للجميع الحصول على فرص التعليم
مبدا تكافؤ الفرص يعنى
يعنى ،،،،، وجهة نظرى


مع او ضد
الموبايل؟؟؟؟؟؟؟