حين يخفق القلب لشخص في المنتدى

من طرف **sams0m** السبت يونيو 20, 2009 4:03 pm

أهلا وسهلا

كل شخص يقول الصراحه ويجاوب على الاسئله

عندما نتابع موضوع لشخص ما ويعجبنا طرحه وفكره

عندما نرى فكره واتجاهه من خلال كتابته ..عندما تتبين لنا اخلاقه من مواضيعه وردوده ...

اشخاص لانعرفهم ..

لم نراهم ..

ولم نسمع اصواتهم ..

لم نحاورهم الا امام الملأ..

لم نشاكسهم

قرأنا حروفهم ..فلامست فينا حقيقه لم نكن ندركها ..
ننتظر اقلامهم بشغف كي نرد عليها بشفافيه
لسنا ضعفاء ولكن قلوبنا لامست قلما فأنجذب له
حينها فقط يصبح القلم سلاح يغزو حياه الطرف الاخر
حين يخفق القلب لقلم شخص ....
حين ينبض القلب بحب قلم

هل ممكن ان نميل للقلم ؟؟

وهل من الممكن نميل للشخص بسبب قلمه ؟؟

هل من الممكن أن نصل إلى درجة الافتتان بالفكر او الأسلوب ؟؟

وهل يتحول الاحترام والاعجاب الى انجذاب؟؟

متى تخرج المشاعر عن السيطرة ؟؟

ما السبب في ذلك ؟؟

وهل هذا خطأ ؟؟ ومن يتحمل الخطأ إن وجد

من طرف **Mytee** الأحد يونيو 21, 2009 4:34 am

الكلام جميل جدا يا سمسوم .. بس يمكن ميكونش عبارة عن علاقة وطيدة .. يمكن حاجة تعتبر عادة و الشخص يفضلها و دا فى الاغلب اللى بيحصل فى الجرانين .. يمكن انتا بتقول انا بحب اقرا مثلا للصحفى فلان او الصحفية فلان و هكذا بس مش معناها علاقة تتعدى الحدود دي

من طرف eng:mm الأحد يونيو 21, 2009 6:37 am

فعلا مايتي معاة حق انا متفق معاه جدا

من طرف eman الأحد يونيو 21, 2009 11:54 am

sams0m كتب:

..عندما تتبين لنا اخلاقه من مواضيعه وردوده ...
على فكرة انا مختلفة معاك في النقطة دي ....
لان انا من رد في موضوع ممكن احسسك اني ملاك برئي ومن رد تاني احسسك انوا ايه ده اعوذ بالله
انا اللي بختار ازاي ابين نفسي ادامك ... انا قبل ما ارد عليك بفكر بدل المرة اكتر من مرة يعني بختار الكلام كوبس ..
يعني مش انت اللي بتحدد .. انا اللي بحدد
هل ممكن ان نميل للقلم ؟؟

اكيد ممكن تميل للقلم .. وتستناه كمان

وهل من الممكن نميل للشخص بسبب قلمه ؟؟

علاقة اعجاب اكيد اه .. علاقة زايدة عن الاعجاب اكيد لا .. لانك متعرفوش مشفتوش متكلمتش معاه
في حجات كتيرة تانية بتتاخد في الاعتبار علشان نقول ان الموضوع زاد عن الاعجاب
هل من الممكن أن نصل إلى درجة الافتتان بالفكر او الأسلوب ؟؟

اكيييد ..

وهل يتحول الاحترام والاعجاب الى انجذاب؟؟

ممكن تنجذب انك تعرفوا .. تكتشف هوا مين بس

متى تخرج المشاعر عن السيطرة ؟؟

مش المفرود
وهل هذا خطأ ؟؟ ومن يتحمل الخطأ إن وجد

مفيش خطأ ..

ده رائي ..

من طرف **sams0m** الأحد يونيو 21, 2009 10:39 pm

يا شباتب التوبيك دا مش وجهة نظري بس انا بختلط بناس كتير في منتديات كتير بتناقش معاهم في حاجات كتير فحبيت اخد رايكم في الموضوع دا

من طرف eman الأحد يونيو 21, 2009 10:46 pm

بس مقتنع بيه يا سمسوم صح ؟؟
واحنا قولنا رائينا في الموضوع ...

من طرف **sams0m** الإثنين يونيو 22, 2009 7:22 am

لا مش مقتنع بس حبيت اخد وجهات نظر
انا اساسا مش ببقى مقتنع باي موضوع 100% الا اذا اتناقشت فيه تقريبا مع كل الناس اللي اعرفها

اي حاجه في الدني "في حياتي" بحب اسال واتاكد قبل ما كون مقتنع

من طرف mermaid الإثنين يونيو 22, 2009 6:13 pm

انا شايفة ان الموضوع مش المفروض ياخد اتجاة اكبر من ان شخص يعجب باسلوب حد بس دة لا يدل على شخصية صاحب هذا الاسلوب واللى يهتم بحد فى حد ذاتة مش باسلوبة مثلا يبقى مش بيحكم عقلة لان اى حد ممكن يكون مبين شخصيتة على انة ملاك وهو مش كدة خالص وممكن حد يظهر نفسة بصورة مش كويسة وهو يكون انسان كويس فخداع اى حد فى الانقطة دى سهل جدا ولازم نحكم عقلنا الاول

من طرف Dodda Dwidar الإثنين يونيو 22, 2009 6:40 pm

بص يا سمسوم انا حاسه الموضوع عادي ف لو في شخصيه في منتدى ما بتحط مواضيع كويسه وبتكتب كويس واسلوبها كويس انا اكيد هنظر للشخصيه دي نظرة احترم بس مش لدرجة ان قلبي يخفق لهذه الشخصيه لاني مقدرش احكم على شخص لمجرد اني قريت كلام ليه او اي موضوع يعني لان احنا ممكن نتخدع في الناس بالطريقه دي وده طبعا شيء مش مرغوب فيه وده رايي و انا بوضح وجهة نظري و ياريت ماتفكرش اني بهاجمك
و طريقة كلامك في الموضوع ده خليتني عايزه اطير هههههههههههههه فانا حاسه ان الموضوع مأفور شويه وشكرا

من طرف **sams0m** الإثنين يونيو 22, 2009 8:54 pm

وجهة نظر جميلة جدا يا دعاء وجديرة بالاحترام وانا اتفق معاكي

بس لو سمحتي ايه الجمله دي انا م فاهمها
طريقة كلامك في الموضوع ده خليتني عايزه اطير هههههههههههههه فانا حاسه ان الموضوع مأفور شويه وشكرا

من طرف **Mytee** الإثنين يونيو 22, 2009 9:34 pm

زى ما mermaid قالت انا من الصنف الثاني Wink

من طرف Dodda Dwidar الأربعاء يونيو 24, 2009 6:03 pm

بس لو سمحتي ايه الجمله دي انا م فاهمها
طريقة كلامك في الموضوع ده خليتني عايزه اطير هههههههههههههه فانا حاسه ان الموضوع مأفور شويه وشكرا

قرأنا حروفهم ..فلامست فينا حقيقه لم نكن ندركها ..
ننتظر اقلامهم بشغف كي نرد عليها بشفافيه
لسنا ضعفاء ولكن قلوبنا لامست قلما فأنجذب له
حينها فقط يصبح القلم سلاح يغزو حياه الطرف الاخر
حين يخفق القلب لقلم شخص ....
حين ينبض القلب بحب قلم

هل ممكن ان نميل للقلم ؟؟

وهل من الممكن نميل للشخص بسبب قلمه ؟؟

هل من الممكن أن نصل إلى درجة الافتتان بالفكر او الأسلوب ؟؟

وهل يتحول الاحترام والاعجاب الى انجذاب؟؟

متى تخرج المشاعر عن السيطرة ؟؟

أنا كل قصدي ان كلامك جامد و والالفاظ اللي انت كتبت بيها الموضوع جامده اوي وخاصة (وهل يتحول الاحترام والاعجاب الى انجذاب؟؟

متى تخرج المشاعر عن السيطرة ؟؟)

فأنا حاسه الموضوع عادي و لا يتخطى حدود الاعجاب و انا في الاول وفي الاخر حبيت اوضح رايي بس وشكرا

من طرف **sams0m** الخميس يونيو 25, 2009 4:32 am

شكرا يا دووددا رايك على راسي

من طرف Dodda Dwidar الخميس يونيو 25, 2009 6:01 am

لا لا العفو
وشكرا ليك

من طرف eng_bosy الخميس يونيو 25, 2009 6:39 am

اسلوووووووووووووب رااااااااااااااااااائع يا سمسوم
بس انا اتفق مع ايمان في نقطة
ان اللي بيرد بيفكر 100 مرة قبل الرد فالردود مش مقياس ابداا
بس اكيد بتوضح حاجات بسيطة من ملامح الشخصية
يعني مثلا محتزم....مؤدب......متدين كدة يعني
بس عمرها ابدا ابدا ما هتكون اكتر من اعجاب بالاسلوب
يعني مثلا الموضوع دة عجبني فيه اسلوبك جدااااااااااااااا
هل دة يدل ع اي شئ.........اطلاقا غير انك عندك ليابقة في الكلام
و شاطر في العربي
ههههههههههههههههههههههههههه
ومحترم جدا ما شاء الله

من طرف **sams0m** الخميس يونيو 25, 2009 7:52 pm

ماشي يا بوسي انا كل اللي انا كنت عاوزه انى اسمع وجهات نظر مش اكثر ولا اقل

من طرف eng_bosy الخميس يونيو 25, 2009 8:28 pm

و الله يا سمسوم اسلوبك راااااااااائع جدا
اوعى تزعل مني

من طرف **sams0m** الخميس يونيو 25, 2009 8:47 pm

لا انا مش بزعل من اصدقائي واخواتي يا بوسي انتي ذي ندي بالظبط

من طرف eng.dody الخميس يوليو 02, 2009 7:41 am

اعتقد ان ممكن تتعرف على شخصيه اى عضو فى منتدى من خلال
نوعيه المواضيع اللى بيقدمها لكنها مش بتوضح اسلوبه بردو لانه مش شرط طبعا يكون هو اللى كاتبها
اما بالنسبه لرد اى عضو بردو بيكون محدود وفى نطاق بس الموضوع المعروض يعنى اقصد انه بردو مش مقياس للشخصيه من وجهة نظرى
فى النهايه موضوع الانجذاب ده اعتقد بيكون احترام بس مش اكتر
وكويس بردو يا سمسوم انك بتحب تاخد وجهة نظر اللى حواليك

من طرف **sams0m** السبت يوليو 04, 2009 8:09 pm

شكرا يا دودي على مرورك مرورك وردك ومناقشتك

شكـــــــــــــــــــــــــــــــــــــــــــــــــــرا

من طرف eng.dody السبت يوليو 04, 2009 11:02 pm

لا شكر على واجب يا سمسوم

من طرف alex الجمعة يوليو 10, 2009 7:44 am

هى فكره الموضوع غريبه شويه
ممكن الواحد يتشد لقلم حد بس مش لدرجه يخفق قلبه يعنى لانك متعرفش مين الشخص ده اصلاااااااااااااااااااااااااا

الواحد مهما كان ميقدرش يحكم على شخصيه حد الا بالتعامل معاه مش من خلال كلام رد اوحتى مواضيع وان كان ممكن بعض المواضيع توضح جزء بسيط من طريقه التفكير بس مش هيه كل حاجه

وبردو الفكره جديده ومختلفه وفى ردود قبل كده كويسه وانا مع بعض منها زى دودى ودودا دويدار

وفعلا الانجذاب بيبقى احترام او حب الاسلوب نفسه مش الشخصيه اعتقد

حين يخفق القلب لشخص في المنتدى

حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى

رد: حين يخفق القلب لشخص في المنتدى