كمننا

طبعا اى حد يسالك نفسك فى ايه ترد عليه بتهكم: كمننا
ياترى عندك كمننا.................؟
طب لو فعلا عندك ايه هيه.........؟
فى حاجات كتيييييييير مش عيب ولا حرام بس جرى العرف على انك ما ينفعش تعملها كولد او ماينفعش تعمليها

كبنت .الحق ده جه منين منعرفش وطبعا عشان الرضا درجه من درجات الايمان بنحمد ربنا وخلاص
يلا قول........................................

ايه الحاجه الى نفسك تعمليها وتلاقى نفسك بتقولى:اه بس لو كنت ولد...؟

وانت ايه الحاجه الى بيبقى نفسك تعملها وبتتعارض مع طبيعتك كولد؟(وده طبعا قليل بالنسبه للولاد لانهم بيعملو الى عايزينه)

موضوع جميل يا سندريلا وفعلا فى حاجات كتيره بتبقى نفسك تعمليها بس مينفعش لانك بنت بعكس الولاد بيعملوا اللى هما عايزينه فى الوقت اللى هما عايزينه انشالله يجروا فى الشارع ويلعبوا كوره فى الشارع دى حاجه عندهم عادى اساسا بس انتى عارفه انا الاول كنت بتخنق وبسال اللى حواليا اشمعنى مين اداهم الحق ده ومين حرمنا من الحق ده لقيت انه لاشرع ولادين قال كده بس العرف قال كده بس لما فكرت لقيت ان هما الى حد ما صح وان العرف ده فايده لينا مش ضرر يعنى مثلا ايه اللى بيميز البنت عن الولد الرقه والهدوء لما البنت تعمل نفس اللى الولد بيعمله وتبقى زيها زيه فى كل حاجه حتبقى فرقت ايه عنه مهى كده حتبقى راجل زياها زيه اينعم ساعات بتخنق وبقول اشمعنى بس خلاص اتعودت

بصى مبدايا يا سندريلا انا مش هقيم الموضوع بس فى حاجه ان كلمه (لو ) ده بتاعت الشيطان

الطبيعى ان الانسان بحمد ربنا على اى حاجه بس لو كل واحد بص للهو فيه هيلاقى نسه احسن من ناس كتير غير انا شايف الموضوع ده بيفتح مجال كبير للكلام

بس زى ممكن فيوم تحسى كبنت ان ك متقدريش تعملى ده برضه كولد فى حاجات مقدرش اعملها مش معنى الى انتى قلتيه ان الولد يقدر يعمل اى حاجه فى اى وقت انا مش معاكى فى كده
لان فى حاجه اتعلمناها كلنا واحنا صغيرين اسمها الاصول فمينفعش حد يتخطاها من لطرفين
بس حبيت اوضح نقطه ان مش كل حاجه الولد يعوزها هيعملها
بس سوال ليكى ايه دخل كلمه كمننا للموضوع

انا يتهيالى يا اسامه انك مفهمتش قصد سندريلا .سندريلا قصدها ان فى حاجات متخلفش الاصول ولا الدين ولا الادب وبردو البنت مينفعش تعملها وده اللى يخنق

لا انا فهمت بس الحاجات ده مصرحه ليها من ربنا فحقها تعملها لان ربنا مصرحلها بيها
انا كان كلامى عن الحاجات الى متنفعش انا فاهم قصدها والله

تمام يعنى ربنا مصرح لينا يعنى من حقنا نعملها بس الناس مش سمحلنا بس ممكن زى مقلت ممكن ده يبقى ليه فايده لينا

طيب انا دلوقتى اتلخبط حاجه مش مصرحلك بيها الناس لكن ربنا مصرحها يبقى تعملوها اما انه افضل لكم ان متعملوهاش ده حاجه ترجعلكم

محنا علشان الناس اخترنا منعملهاش وهو ده سوال سندريلا اذا(بلاش لو) اخترنا قرار انك تعملها ايه الحاجه اللى نفسك عملها

أنا شخصيا مش شايفة إن فى حاجة أنا نفسى أعملها و مش عارفة أعملها لأنى بنت و عمرى ما قلت اشمعنى الولاد يعرفوا يعملوا كذا و البنات لا لأن أى حاجة أنا شايفة إنها صح و يكون الشرع مش بيعارضها يبقى أكيد هعملها من غير خوف لأنى كده هكون على حق

مهو انتى اكيد حتكونى على الحق يعنى حقولك حاجه تافه مثلا وقفه البلكونه فيها حاجه
معتقدش بس فى ناس لسه بتشوف لحد دلوقتى وقفه البنت فى البلكونه عيب ووالله مش هزار ولا مبالغه هو الموضوع ده قل كتيييير عن زمان بس موجود وكذلك وقفه البنت فى الشارع(مستنيه صاحبتها مثلا)بردوا فى ناس شيفنها عيب وخصوصا كبار السن بيشوفوا ان البنت عيب تقف فى البلكونه عيب تقف فى الشارع عيب تنزل تتفسح كتير كفايه عليها مره فى الاسبوع والمشكله انها عيب بس عيب لانهم هما اللى خلوها كده وحاجات تانيه كتيييييييييييييييييييييييييييييير

وممكن اللى يقرا الكلام ده يستغرب ويقول مفيش حد دلوقتى كده بس يا جماعه فى ناس مش كتير وبردوا مش قليلين كده

بصى بصراحة أنا شخصيا شايفة إنه مينفعش بنت تقف فى البلكونة كتير و برده مينفعش بنت تقف فى الشارع كتير و لما بتحصل مثلا و أكون مضطرة ببقى متضايقة و حاسة إنى كده بعمل حاجة غلط أظن إنكوا كلكوا هتعارضونى و ممكن تقولوا عليا معقدة بس ده رأيى و مش شايفة إنه رأى معقد أما بالنسبة لحكاية الخروج فدى بقى اللى أنا معاكى فيها يعنى أنا شايفة إن البنت من حقها تخرج عادى بس متتأخرش و تكون أكيد رايحة مكان كويس و معاها صحابها أما حكاية اليوم الواحد دى فأنا ضدها تماما

انا مقلتش ان البنت تقف كتير فى البلكونه انا بقول ان فى ناس اساسا ممنوع عندهم فكره الوقوف فى البلكونه لا قليل ولا كتير

انا مش معاكى يارورفى النقطه التانيه لان انا ساعات بروح الكليه مع صحباتى بنتفق نستنى بعض فى مكان معين بنركب منه وساعات بروح الاقيهم لسه موصلوش فبستناهم وانا ساعات بتاخر شويه عليهم فبروح الاقيهم مستنينى ايه بقى فى كده يعنى ده مش حرام انتى ليه بقى شايفاه غلط

أنا مقلتش إنه حرام و أنا كمان ساعات بستنى صحابى بس كل اللى بقوله إنى شايفة إن وقفة البنت فى الشارع كتير مش فى مصلحتها
أما اللى بيمنعوا الوقوف فى البلكونة نهائى فمش عارفة بصراحة إيه هدفهم من كده

اى حاجه زياده عن الحد غلط مش ده بس واقولك الناس اللى رافضين بيتحججوا على ما اعتقد يعنى بيقولوا ان وقفه البنت ملهاش لزمه وان اساسا ملهاش فايده وانها قله ادب وانا طبعا مش شايفه ده صح وانه تشدد ملوش اى مبرر

ليه كل واحد.. نفسه يعمل حاجة مش بايده؟؟ ليه دايما بنبص فى حاجة غيرنا؟ منبص نشوف فى ايدينا اية و نحمد ربنا...

بالنسبة لوقفة البلكونة... فى ناس تافهة .. "طبعا مش اللى بيقولو كدا ولا اللى بيقفو فى البلكونة" بس فى ناس.. فاكرة ان الدنيا تتمحور حواليها بس .. يشوف البت واقفة فى البلكونة و طبعا البنت مش حتبص على مكان واحد بس , حتقلب فوق يمين شمال فوق تحت .. فممكن تشوفه .. فيقولك .. لا دي متعلقة بيا .. و تزيد العملية ... و يمكن تحصل الوكسة و البنت تكون مصدقة نفس الكلام .. و تبوظ الدنيا

سبب تانى .. البنت لما بتطلع البلكونة بتكون لابسة لبس البيت .. و طبعا كلنا عارفين ان لبس البيت مش اللى هوا.. فدا سبب تانى

انا لو مكان الحاكم ( المسئول عن البيت مثلا ) مش حمنع حاجة غير بسبب , او حاجة يمكن ان تحصل حاجات بسببها.. تراكمات يعنى

لا تعليق

افهم اية من لا تعليق دا؟

لا يا مايتى البنت المحجبة بتتطلع البلكونة بحجابها و اللى متعملش كده غلط
و أنا مش بحب الوقفة فى البلكونة بس واحدة غيرى عايزة تقف هى حرة مادام ده مش غلط
و معنى كلامك إنك تمنع التليفزيون و النت و كل ده لأن كلهم ممكن يكونوا مضرين
أو حل تانى إنك تربى اللى عندك فى البيت من الأول على الصح و الغلط

تمام يارورا وبعدين مش معنى ان البنت تطلع البلكونه انها طلعه تبص على الناس

انا بردوا محبش حد يرد على كلام كتبته بلا تعليق لانى مبفهمش راى اللى كاتب

rora tag كتب:لا يا مايتى البنت المحجبة بتتطلع البلكونة بحجابها و اللى متعملش كده غلط
و أنا مش بحب الوقفة فى البلكونة بس واحدة غيرى عايزة تقف هى حرة مادام ده مش غلط
و معنى كلامك إنك تمنع التليفزيون و النت و كل ده لأن كلهم ممكن يكونوا مضرين
أو حل تانى إنك تربى اللى عندك فى البيت من الأول على الصح و الغلط

ايوة البنت المحجبة بتطلع البلكونة بحجابها بس مش على طول , و مش على طول بتلبس اللبس الشرعى دا ولا اية؟؟؟؟ ثم تقريبا انا اتسرعت فى الرد, اللى بيطلعو البلكونة بيلبسو اسدال الصلاة فى الاغلب .. بس صدقينى فى كتير بيلبسه ... و تحتيه ( شخصيا يعنى ) شخص تانى خالص.. و دا اللى بيشجع ناس تانية تفكر الشيطان يلعب بدماغها "دماغ الناس مش البنت"
و الحل التانى دا اكيد.. اصلا المفروض الحل الاول..
بالنسبة للنت و التلفزيون ينفع يتعمل رقابة عليهم , و لو شايفة ان حل اى مشكلة بغلق بابها ؟ يبقى البنت متخرجش من بتها و متتعلمش اصلا و لا اية؟

may be كتب:تمام يارورا وبعدين مش معنى ان البنت تطلع البلكونه انها طلعه تبص على الناس

انا بردوا محبش حد يرد على كلام كتبته بلا تعليق لانى مبفهمش راى اللى كاتب

انا مقلتش ان البنت بتبص على الناس بس.. انا قلت مش حتبص فى حتة ثابتة , انا مثلا بطلع البلكونة بتاع مرة فى الاسبوع مع ان احنا عندنا تلات بلكونات كبار اوى :S المهم و يوم ما اطلع بعد ابص فى كل حتة تقريبا فساعات عينى بتيجى على ناس فى بلكوناتهم و اكيد بيحصل كدا مع البنات ...

بالنسبة ل .. لا تعليق ؟ فلو حبيتى تفهمى معناها.. اسالى زي ما انا سالت لو الصورة ما كانتش واضحة و الظاهر ... انك كنتى شايلاها عليا

منا سالت ومتردش عليا والصراحه اه كنت شايلاها

بص يا مايتى أنا بقالى سنة تقريبا مطلعتش البلكونة عشان متفتكرش إنى بدافع عن نفسى أما بالنسبة عن موضوع الطلوع للبلكونة فلو سمحت لو كنت تعرف حد بيعمل كده فالمفروض متجمعش و مش فاهمة موضوع اللى بتلبس الإسدال و تحتيه شخص تانى دى

يا ربى .. انا بقول فى ناس و يا جماعة مفيش حاجة بتتطبق 100% على كل الناس..
مش 100% من المصريين بيحبو مصر

مش 100% من المسلمين عارفين الاسلام .. مش 100% من اللى فى هندسة عباقرة!

انا بقول الناس اللى بتشوف .... فاكره كدا

ثانيا انا مش برمى كلام على حد والله انا بتناقش بس ... مش عارف ليه انتو فاكرين ان قلبى اسود للدرجا دي؟!! انا قلبى اسود اه بس مش كدا يعنى

ثالثا: بالنسبة للشخص اللى تحت الاسدال .. انا بقول فى ناس مش "كل" الناس.. عشان كدا .. اليومين دول الشباب المش محترمين مش عاتقين حد حتى المنقبات ...

لو اى حد حتناقش معاه حياخد الكلام على نفسه يا جماعة يقولى.. عشان متناقشش معاه و نبقى كويسين مع بعض



ماي بى ( شبه ماي تى )
المهم .. انا اسف والله بس قوليلى فى اى موضوع و انا ححاول افتكر او يمكن اكون مختش بالى

البنت لما تكون طالعه فى البلكونه بتكون طلعه تشم هوا شويه مش طلعه تبص على الناس فى بلكوناتهم وحتى لو زى مبتقول كده بصت على الناس بالصدفه حدور وشها مش حتعد تبحلق للناس لكن الولد حيطلع البلكونه ليه عايز يشم هوا حينزل يقابل صحابه يروح النادى علشان كده تلاقى الولاد بيطلعوا قليل اوى فى البلكونه

انا مش فاهم الموضوع واضح انه كله بقى على البلكونه وكان البلكونه هى المشكله الوحيده فى الحياه

بجد مش عارف