موسوعة النكت البايخة أوي

واحد بيحب يجرى ويجرى مابيحبهوش

==================================

واحدة وقفت تاكسي تقوله اروح المعادي
قالها روحي بس متتأخريش

==================================

مرة واحد نط م الخامس مات !! حرم يعيدها

==================================

مره واحد راح لواحد بقو اتنين

==================================

مره واحد ساب عربيته دايره ........... رجع لقها مثلث

==================================

انا مره رحت عزيت رجعت عالسمن

==================================

مرة واحد شرب قهوة الكراسى وقفت فى زوره

==================================

مره واحد وقف تاكسى قالو نادى الشمس ......... قاله ناديها انت !!

==================================








كفايا احسن انا اللى اتخنقت !!









ولا استنوا


واحد راح للفكهاني لقاه مش موجود

سال طيب مفيش فكهانى تانى ؟

قالوله لا !

قالهم ولا فكتامر ؟؟

==================================

واحد مسطول دماغه لفت قابلها من الناحية التانية

==================================

واحد بلدياتنا حب يشرب سيجارة حطها ف كباية

==================================

واحد كريم اتحرق بيته، لما جت المطافي حلف عليهم ما يعملوا حاجه لحد ما يشربوا الشاي

==================================

تلميذ لزميله: هيَّ الهند بعيدة؟
الزميل : لا .. لا مأظنش أبداً .. أصل معانا ف الفصل تلميذ هندي بييجي المدرسة كل يوم الصبح مشي!

==================================

مرة واحد انجليزى و واحد فرنساوى و واحد صينى

راحو يجربو صدى الصوت الانجليزى قال هاللو

فرد عليه صدى الصوت و قال هالوووو

الفرنساوى قال بنجور

رد عليه صدى الصوت و قال بنجوووور

الصينى قال شونجا كونجا هونجاهى

فرد عليه صدى الصوت و قال بتقول ايييييييه؟؟؟؟؟؟؟؟؟؟

==================================

واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ،

والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ،

هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ،

راحت المكنة قالت له الاستاذ شلبى فضل يستهبل لحد ما القطر فاتة

==================================

واحد شد حيله اتقطع

==================================

مرة واحد اتنين تلاتة

==================================

واحد بيقول للتاني : بتحب النكت؟
الثاني : قاله طبعا
الاول : طيب ايه هيا ابوخ نكته
الثاني : مره واحد صحي من النوم وفطر

==================================

مره واحد كان باله مشغول
راح حط السماعه

==================================

مره واحد كسلان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر

==================================

فريق نمل بيلعب ومن ضمنهم صرصار لية...؟ لاعب اجنبى

==================================

مرة ترزى ماشى فى حتة مقطوعة خيطها

==================================

كلها نكت قديمة و متضحكش

وهو المطلوووووووووووووووووووب !!

==================================

مره اتنين كانوا متأخرين اووووووووى وكانوا رايحين يركبوا القطر

المهم هما دخلوا المحطه من هنا وراح القطر ماشى من هنا .... اعدوا يجروا وراه وابل ما يمشى من ع الرصيف بحته راح واحد فيهم نط جواه والتانى كان اعد ع الرصيف يضحك اووووووووى

الناس قالتله بتضحك ع ايه الهم اصل الى نط كان جى يوصلنى

==================================

واحد مسطول قابل واحد فى الشارع قالة ازيك يا محمد عامل اية دانت اتغيرت و شكلك اتغير قالة انا ماسميش محمد قالة وكمان غيرت اسمك

==================================

طب بصوا دي بقي

عيل كل يوم يروح السوبر ماركت و يسال البياع عندك حلاوه يقولو اه يقولو طب اديني بجنيه جبنه تاني يوم يجيله يقولو عندك زيتون يقولو اه يقولو طب هات كيلو رز تاني يوم جاله قاله عندك زيت يقولو اه يقوله طب هات علبه سمنه الراجل اتنرفز اوي فراح لوالد الطفل و حكاله علي الي ابنه بيعمله فبابا الولد قالو ده واد قليل الادب اوي انا لما يجي هاضربه قاله طب قلقولك عندك عصايه قالو اه قالو طب اديلو بلقلم

==================================

مرة اتنين صعيدة اتخانقوا علي اللي يقف في النصف


منقوووول

يالهوي ايه دة
بس حلوين و الله ضحكت

اية يا رورا

بس ضحكت انا كمان

هههههههههههههههه...............لا مش قادر يا رورا .....حرام على قد مهيا قديمة ....بس كولكشن هايل

تصدقى حلوين يا رورا
مع انى سمعت كل واحده 100 مره قبل كده
بس ضحكت

ههههههههه انا ضحكت جامد والله يارورا

مشكورين على المرور و الرد

موضوع جميل جدا يا رورا مع انى سمعتهم قبل كدا كتيـــــــــــــــــــــــــــــــــــــــــــــــر


وبمناسبة النكت الرخمة اللي بتضحك من كتر رخامتها خدي دي بقى
مره واحد ساب عربيته معدوله رجع لاقاها مع رمزي

هههههههههههههههههههههههههههههههههههههههههههه

مشكور على المرور و الرد

على ايه يا رورا انتي اللي شكرا على مشاركاتك ويا رب نشوف المشاركات الفعاله دي على المنتدى الجديد

ههههههههههههههه
حلوين اوي
شكرا يارورا

بصراحة كولكشن جامد جدا بجد ضحكونى اوى شكرا يا رورا