اللى مش هيضحك يدفع خمسه جنيه

من طرف mirage السبت يونيو 27, 2009 4:39 pm

مره استاذ تربيه فنيه حب يختبر التلاميذ
فقال لهم انا عيزكم ترسموا حمار غيبا فوقف تلميذ وقال طيب لو سمحت يا استاذ اخرج بره علشان محدش يغش
.................................................. .................................................. ...............

مرة واحد ماشى فى الشارع فسأل واحد بلديتنا
قاله ماتعرفشى شارع سته اكتوبر فين فرد عليه بلديتنا وقاله
ماتعرفشى بالظبط بالظبط سنه كام
.................................................. ................................................

مرة حمار لابس نظارة حمرا
فصاحبة قاله انت لابس نظارة حمرا لية الحمار قاله علشان اشوف الى قدامى احمر منى
.................................................. .......................................
مرة واحد عجلاتى
قعد على قهوة طلب ( كاوتشينو )
.................................................. .................................................. .............
اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟
قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفادع البشريه!
.................................................. .................................................. ..

واحد بيقول لصديقه قررت أنا وزوجتي اننا نخرج إلى نزهة في الغابات.. في عشر دقائق لبست زوجتي ملابسها وروحنا الغابة وشوفنا اسد وكانت معايا عصايا فهجمت على الأسد وضربته ضربة مات على طول لكن ايه اللى بيضحكك يا صديقى انتى مش مصدقنى ولا ايه؟
صديقه قاله مصدقك لكن مش مصدق ان مراتك تلبس ملابسها فى عشر دقائق بس
.................................................. .................................................. ....
سواق تاكسي قعدت جنبه بنت حلوة قوي قالها : تعرفي تسوقي؟
قالتله : لأ
قالها : أنا تسوقي
.................................................. .................................................. .................
واحد باشا الزمن دار عليه وافتقر حب يشتغل اشتغل بتاع فجل وجرجير

وقف فى السوق وهو لابس الطربوش وبيقول فجل يا حوش جرجير يا كلاب
.................................................. .................................................. ............

واحد ندل
النار مسكت في بيته ... فهرب بسرعه .. شاف الناس اتلمو ... افتكر ان عائلته لسه في البيت ... دخل علشان ينقذهم ..
اول مرة طلع ومعاه ابنه ....
تاني مرة دخل وطلع ومعاه بنته ...
تالت مرة دخل وطلع ومعاه مراته ...
دخل المرة الرابعه وطلع فاضي ...
دخل تاني وطلع فاضي ...
وبعد كده دخل وطلع برده فاضى ... وعلي هذا الحال ...
الناس فكرته اتجنن ... سألوه الناس مالك ياعم داخل طالع ومفيش حد
رد عليهم قالهم اصل حماتى جوا ... وقاعد اقلب فيها
.................................................. .................................................. ..............
مسطول إتصل بشركه الاتصالات للتليفونات وسألهم : عندكم مفتاح امريكا
ردوا عليه ايوه عندنا ...... المسطول قالهم طب اعملولى منه نسخه
.................................................. .................................................. ..........
مسطول ماشى ورا بنت جميله بيعاكسها بيقولها الحلوه وراها مشوار؟
ردت عليه قالتله لا الحلوه وراها حمار
.................................................. .................................................. ...
عملوا مسابقة سباق السيارات فاشترك فيها واحد صعيدى و يوم السباق جه بعربية صغيرة موديل قديم قوى فالمسؤولين
عن السباق قالوا هتخش السبق ازاى بالعربية المهكعة دية قالهم الحكم بعد السباق
المهم الصعيدى كسب السباق فالناس استغربوا قوى قالوله ازاى العربية المهكعة ديه كسبت السباق انت لازم حاطت فيها موتور طيارة فبيفتحوا الكبوت لقوا سته صعايدة عمالين بينهجو
.................................................. .............................................
الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح
.................................................. ...........................
ليه مدرس الانجليزى بيخش الفصل بقلمين؟؟؟؟ علشان واحد يكتب بيه و التانى يكتب سى
.................................................. ...........................................

اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟
.................................................. .....................................
واحد حرامي قرر يتوب سرق شريطين لعمرو خالد
.................................................. .................................................. ................
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
Laughing