أوراقك القديمة بدل ما ترميها......عالج مريض بيها

من طرف eman الإثنين يونيو 29, 2009 4:11 am

مســـاء الخـيـــر عليكوا

اخبار الاجازة معاكوا ايه ؟؟!! ... خلصنا مزاكرة خلاص وعايزين نرمي الورق اللي عامل كركبة في الاوضة ؟؟
طيب ممكن نعمــــــــــل حاجة حلووة اوي لموا الورق اللي انتوا مش عايزنوااا كلوا وحطوووه في كياااس وودوه لمركز ايادي المستقبل
همــــا عايزيين الورق ده علشان يساعدوا بيه المرضى

هنقلكم كلامهم علشان نفهموا اكتر ...

فكرة الموضوع
تتلخص في التالي.... تتبرع بالورق اللي مش محتاجه .. ورقة المذاكرة والكتب والورق القديم اللي مركون في البيت ... حناخد الورق نبيعه للشركات والفلوس تستخدم في علاج مرضى الاورام في مركز ايادي المستقبل لعلاج الاورام بالمجان لغير القادرين

بس كده !!! كمان لو تعرف اي شركات او صيدليات او محلات ... بيكون عندها اوراق كتيرة جدا بترميها .. جمعها منهم وفهمها فكرة المشروع واتبرع بالورق

بس كده!!! كمان تقدر تروح للسوبرماركت وتجمع منه الكراتين الفاضية
وكمان تكلم اصحابك عن المشروع وتجمع اكبر كمية من الورق وكانك في سباق خير

يعني مشروعنا هو تدوير الورق من أجل الخير يعني أوراقك القديمه بدل ما ترميها ...هتعالج مريض محتاج بيها
Paper recycling for charity

طيب هاتجيب لنا الورق ازاي...؟
-----------------------------------
- طبعا يشرفنا انك تزورنا فى المركز
العنوان: شارع اكاسيا - خلف الحديقة الدولية - الاسكندرية

وكمان دي محلات بتستقبل تبرعك من الورق
--------------------------------------------------
محل القائد - للايشاربات و الاكسسوارات
ش جمال عبد الناصر - ميامى

محل القائد - للايشاربات و الاكسسوارات
مول الوطنية - ش شعراوى - لوران

محل القائد - للايشاربات و الاكسسوارات
ش مصطفى كامل - سموحة

محل البركة للمشويات
ش 45 - ميامى

وكل الورق يـــنفع سواء الجرايد او الكراتين او الورق العادي ... بس ياريت تنظمهوهم

وده اللينك بتاعهم على الفيس بوك
https://www.facebook.com/photo.php?pid=2319942&id=635322469&comments=#/event.php?eid=215490555505&ref=mf

يلا نســــــــــــــــــــــــــــاعدهم ... وننشـــــر الفكرة دي علشان نساعد المرضى