نكت عالماشى

كان يا ما كان فى قديم الزمان حفره فى الصعيد,الجاى يقع فيها والرايح يقع فيها,فاجتمع اذكياء الصعيد وقرروا يلاقوا حل للمشكله دي.
فقام الذكى الاول وقال:
إحنا نحفر الصعيد كله على مستوى الحفره دى فمحدش حيقع فيها تانى!
فقام الذكى التانى وقال:
لا إحنا لازم نبنى مستشفى جنب الحفره دى عشان نعالج اللى بيقعوا
فقام الذكى الكبير وقال:
انتم كلكم اغبياء إحنا نردم الحفره دى ونفتح واحده تانيه جنب المستشفى القديم!
------------------------------------------

واحده تخينه غطست فى المعموره الانفوشى غرقت.
واحد اتزنق فى قرشين ماعرفش يخرج.
واحد صعيدىاشترى راديو حط فيه حجرين الذيع اتسطل.
بلدينا جت له طوبه فى صدره بص وراه.
لاعب كوره شاط رحته طلعت.
نجار نفسه انكسرت غراها وسمرها.
صعيدى راح ينشر خبر ملقاش حبل.
صعيدى راح يسوي معاشه لقى الفرن قافل.
نجار مراته بتغسل وهو بينشر الغسيل.
اقرع حب واحده ماعرفش يعبر عن شعوره!.
سواق تاكسى داس بنزين موته!.
سواق تاكسى فرامل عملت له محضر.
صعيدى مشى على كوبرى الليمون فعصه.
صعيدى لقى الدنيا حر فخرج من البيت ونام بره قدام شباك اوضته,
الدنيا بردت قفل الشباك ونام.
بلدينا شاف واحده لبسه جزمه بيضه حب يعاكسها قال لها: نهارك زى الجزمه!.
كهربائى الكهرباء مسكته قال لها مش انا.
كهربائى خايف على ابنه من الحسد حفر فى الحيطه وحطه.
كمسارى كتب كتابه على ضهر تذكره.
بيسألوا صحفى:بتحب مين من المطربين؟قال لهم:محرر فؤاد.
لاعب كره قابل مراته خدها على صدره وشاطها.
عربجى دخل مراته سينما كارو بالاس.
واحد منجد هاجر لكنبه.
كمساري حيدخل ابنه الروضه وبعدين المنيل.
واحد حلو اتجوز واحده حلوه خلفوا ولد ملزق.
واحد وحش اتجوز واحده وحشه خلفوا ولد - رموه.
عربيه 126 عطلت صاحبها نزل يشوفها لقاها لازقه في لبانه.
واحد بخيل اتجوز واحده بخيله خلفوا ولد حطوه فى البنك.
واحد راكب موتوسيكل حود يمين ماشفناش بقيه النكته.
واحد ماشى اتكعبل وقع بره النكته.
حانوتى شاط كوره جت فى الخشبه.
ترزى شاط كوره جت فى المقص.
صياد شاط كوره جت فى الشبكه.
فلاح ماعرفش يقفل التليفزيون راح مواربه.
فلاح قفل التليفزيون على صباعه.
واحد طلع على المعاش ماعرغش ينزل.
واجد حب يركب اتوبيس 800 لقاه زحمه ركب 400 رايح جاى.
واحد صعيدى بعت لقرايبه فى البلد دستة جاتوه ردوا عليه وقالو له: الصابون اللى انت باعته بوظ الغسيل!.
بتاع كاوتش جات له فرده نايمه صعب عليه يصحيها
الصعايده جمعو النكت الى اتقالت عليهم ورموها فى البحر طلع السمك يضحك عليهم.
---------------------------------------------
•
ولد صعيدى سأل ابوه:
هو ايش غايدة الودان يا بوي؟
عشان يشيلو العمه يا ولدى!.
محامى صعيدى رفع قضيه وقعت عليه!.
صعيدى شاف ساعته واقفه جاب لها كرسى!.
--------------------------------------------
البوليس كبس على غرزه راحوا الحشاشين وقفين صف واحد وعملوا نفسهم بيصلوا
الضابط سألهم:
اما انتم بتصلوا,النار دي لازمتها ايه؟
واحد منهم رد:
علشان اللى مابيصليش يا باشا!.
--------------------------------------------
صعيدى ماشى فى الصحراء وقعت عليه بلكونه.
واحد صعيدى امتحن لوحده طلع التاني.