حملة التبرع بالدم

بجد شيئ جميل جدا ان الانسان يحس ان هو قادر علي العطاء بجد حاجة جامدة اوي
انا الاول كنت بقول هو لية الواحد يتبرع ليه يعني
ماهما في الاخر بيبيعوا الدم دة وزي ما بنسمع ان الناس بتدوخ علي بال ما تلاقيه دة لو لقوه
بس رجعت وافتكرت ان في حاجة بتقول ان الله لا يغير ما بقوم حتي يغيروا ما بانفسهم
فقررت التبرع بالدم وان شاء الله ربنا قادر انة يسهل توصيل الدم دة للي يستحقة
بجد لازم كلكم تتبرعوا وتواظبوا علي كدة كمان
وعلي العموم المكان انتوا عارفينة في مبني اعدادي من ناحية كهربا
عايز بقي بكرة كدة الاقي طوابير واقفة علشان تتبرع
وربنا ما يكتب علي حد فيناان يبقي محتاج دم ومش لاقي
وربنا يعافينا جميعا ان شاء الله
ويا ريت تقولولي رايكم

جزاك الله خيرا وياريت كل الناس تتبرع .انا كنت حتبرع بس منفعش عشان اقل من 18 سنه.ان شاء الله لما اكمل ال18 حتبرع. لان في ناس بجد محتاجه الدم ده وانا شفت ده بعيني وحسيته.
وجزاكم الله خيرا لكل اللي يتبرع