ابتسم انت فى كليه هندسه

من طرف may be الإثنين مايو 04, 2009 9:58 am

ابتسم انت فى كليه هندسه

1-لما مرة واحدة تحس ان الناس كلها شبه بعضها , ولاد و بنات مع انهم مش كدة , لكن التعبيرات ال على وشوشهم واحدة !!

2- لما تلاقى الراجل ال على الباب بيدخل الناس كلها من غيرميسألهم فين الكارنيه , لكن ييجى عندك انت و يمسكك , عرف منين انك من بره الكلية ؟اكيد عشان مش شبههم ... لو بتروح كتيرممكن تكتسب الشبه ده و لو نفسك اوى ابقى حل شوية شيتات و خش ورشة الانتاج مرة ...!

3- لما تيجى تخش المحاضرة تلاقى واحد مطلع من شنطتوا كتب المنهج كلها , و راصصها عالبنش كأنوا بيبيع جرانين و تيجى تسألوايقلك : "محجوز ياباشمهندس"( و لو ركزت اكتر ممكن تلاقى مجلات , وجرانين , اخبار ... اهرام ...

4 – لما تمشى و تلاقى اتنين ولد و بنت , قاعدين لوحدهم ,قاعدة شاعرية , فى وسط جنينة خضرا , و العصافير بتزقزق ,وتيجى تقرب منهم ! تلاقى لوحة مرميةوراهم والولد ماسك فى ايده مثلث و بيقول :" و دى ياحبيبتى طريقة استنتاج المسقط الثالث , عشان تعرفى بس انا بحبك وبعزك قد ايه "!

5– لما تيجى ماشى و تلاقى واحد بيسأل البواب ال قاعد على باب المبنى , بيقول له " لو سمحت يا بشمهندس هو سكشن10 فين ؟؟؟" مع انه بواب , وشكله بواب و ماسك مقشة فى ايده , بس هو نعمل ايه اتعودنا على الكلمه خلاص؟

6- لما و انت بتتمشى فى الكلية , وبتبص عالحيطة بالصدفة تلاقى ورقة متعلقة ورا الباب و مدلدلة وواقعة , مكتوب فيها ما يفيد بأنك عندك امتحان تانى يوم , ممكن تسقط لو مامتحنتوش , بس هيعملولك ايه يعنى انت ال ماقرأتهاش , هما عملوا ال عليهم و علقوها !

8 – لما تلاقى اغلبية طلاب الكلية دة لو مش كلهم بيتخذوا قانون الضرايب الجديد كشعار لهم و هو

" مصلحتك اولا"

يبقي لازم تبتسم لانك فى كليه الهندسه

منقووووووووووووووووول