ساعدنا كى نكون الافضل

السلام عليكم ورحمة الله

اولا احب اشكر كل عصو ساهم معانا فى هذا المنتدى و ساعد فى نجاحه اول على الاقل ما اعتقد انا انه نجاح فقط وصل عدد اعضائنا 846 و ايضا عدد المواضيع الى 800 و اكثر كل هذا بفضلكم انتم
ولكنى لحظة انى فى اقسام لا يوجد بها تفاعل ولا احد يدخل عليها الا نادرا

فحبيت اعمل هذا الموضوع و فيه تقول اه

س1 احسن شى عجبك فى المنتدى
س2 اشياء مش عجباك فى المنتدى
س3 اكتر قسم عجبك فى المنتدى
س4 قسم غير موجود و ترى انه يجب ان يكون موجود
س5 قسم موجود و ترى انه لا فائدة منه
ولو ليك اى ملحظات اخرى على المنتدى ارجو ان تقولها هنا

و الرجاء ان تجاوب على التصويت و هو ما رايك فى الاستايل الحالى للمنتدى

و شكرا و بتعاونك انشاء الله حنكون الافضل

س1 احسن شى عجبك فى المنتدى
احسن حاجة عجبتنى فى المنتدى : اننا من كلية واحدة و تقريبا اهتمامتنا واحدة

س2 اشياء مش عجباك فى المنتدى
التصميم الحالى , و انا مقدر ان احنا مش فاضيين ليه حاليا , قلة الاعضاء النشيطين مع ان عدد الاعضاء 800
س3 اكتر قسم عجبك فى المنتدى
القسم الاسلامى , قسم الضحك و الفرفشة , القسم العام و طبعا .. القسم الهندسي

س4 قسم غير موجود و ترى انه يجب ان يكون موجود
الاختبارات النفسية عاملالى مشكلة فى القسم العام :] , و قسم لادم و حواء مع بعض خاص بالرومانسية و الحاجات دي

س5 قسم موجود و ترى انه لا فائدة منه
لسه حشوف و اقولك

لو احتجت منى اى مساعدة انا موجود بس نخلص امتحانات

مافيش تعليق بعد مى تى

احسن شىء عجبنى فى المنتدى : كل حاجة تقريبا
اشياء مش عجبانى:بعض الموضوعات ليس لها تصنيفات بين اقسام المنتدى
اكتر قسم عجبنى:الابحاث والكتب
قسم غير موجود وارى انه يجب ان يكون موجودا:
قسم التعريف بالاقسام_اقصد اقسام الكلية وليس اقسام المنتدى_وقسم البحث العلمى المشترك (فكرة مثلا نطورها معا )اظن اننا مهندسين او شىء من هذا القبيل
قسم موجود وارى انه لا فائدة منه: مفيش اكيد اللى مش بيعجبنى بيعجب غيرى

طيب يا دعاء باذن الله فى حركه تطوير المنتدى فى الصيف اكيد هنشوف اقتراك ولو اتوافق عليه ياريت لة تحبى يعنى تبقى مشرفه عليه

اتمنى ذلك بالتأكيد
شكرا ليك جدا

المنتدى كله عاجبنى بناسه وبموضيعه
بس اكتر حاجة شدتنى ويمكن الى خلتنى ادخل على المنتدى لاول مرة واعتقد انها الشئ الى خلى كل واحد يدخل لاول مرة هى المحاضرات...فانا احييكم على اهتمامكم بمساعدة الغير وجزاكم كل خير كلكم

وبييييس يا مان...

المنتدى كله على بعضه أكثر من رائع
بس أكتر حاجه مزعلانى ان زى ما مايتى قال , ان فى 900 عضو و 890 منهم بيدخلوا المنتدى عشان ينزلوا محاضرات بس مع انهم لو دخلوا على أقسام زى القسم الدينى أو قسم الأبحاث و الكتب و الأقسام الترفيهيه و كل أقسام المنتدى حيستفادوا استفاده كبيره جدا
أتمنى ان الناس تتفاعل أكتر فى الأجازه عشان أنا حاسس ان العكس هو اللى هيحصل ( ال890 اللى ذكرتهم )

ألف شكر لكل المؤسسين لهذا المنتدى الرائع

بالمناسبه
انا ان شاء لما تخلص الامتحانات حظبطلكوا المنتدى ان شاء الله
خصوصا قسم الأفلام عشان أنا شايفه نايم شويه , و ان شاء الله هرفع أفلام رائعه

كلامك يا علاء بنسبه كبيره معاك

هنحاول نجذب الناس اكتر كمان ان شاء الله ومستنين رفعك فى الصيف بس يا ريت ميكنش على رابد شير لان انت عارف انه متعب وعيوبه اكتر من مميزاته

وان شاء الله هنعلن عن طلب مش رفين فى الصيف فلو حبيت اهلا وسهلا

-الصراحة اكتر حاجة عجبتني في المنتدى انه مكان تجمع لعدد كبير من الطلبة اللي ليهم افكار واحدة بخلفيات مختلفة وبيمرو بظروف واحدة وكلنا بنحاول نساعد بعض نتخطى اي ازمة
-حاجة مش عاجباني مفيش
-بس ليا اقتراح بخصوص قسم الصور يعني بما اننا من فئة واحدة ليه ما نضفيش طابع خاص على قسم الصور بمعنى ان الاعضاء يشاركو بصور لقطينها لمناظر طبيعية او اماكن او اي حاجة ويقولو المكان فين ونوع الكاميرا وبعدين في اعضاء بيعرفوا يرسموا ليه مش يشاركوا
بيها ونعمل استفتاء لاحلى صورة او رسمة كل فترة وكمان ممكن نعمل كاريكاتير من صنع الاعضاء يعبروا عن رأيهم في اي حاجة عن طريق الرسم اليدوي او عالكمبيوتر
-وميرسي جدا على تعبكم معانا

بصى يا سو وات أنا كنت بفكر فى الموضوع ده كتير خصوصا إنى من محبى الرسم بس مش عارفة ليه حاسة إنه مش هينفع بس أنا مش معارضة الفكرة

و معاكى فى موضوع إن لينا أفكار واحدة ........

حلو فكرتك يا سو وات ان شاء الله فى اجتماع الاداره بعد الامتحانات هندرس كل الاقتراحات ونرد عليها فى قسم الاقتراحات والشكاوى بموضوع كامل

اما الكريكتاتير ممكن تبقى له مسابقه فى الصيف ونعمل عليها جوايز وتكون بتصويت الاعضاء

وكل الردود النهائيه ان شاء الله بعد اجتماع الاداره

semsem كتب:كلامك يا علاء بنسبه كبيره معاك

هنحاول نجذب الناس اكتر كمان ان شاء الله ومستنين رفعك فى الصيف بس يا ريت ميكنش على رابد شير لان انت عارف انه متعب وعيوبه اكتر من مميزاته

وان شاء الله هنعلن عن طلب مش رفين فى الصيف فلو حبيت اهلا وسهلا

شكر يا سمسم على ردك المحترم
بس أنا للأسف على طـــــــــول بستخدم رابيد شير لسهولتله فى الرفع هو أينعم بطئ بس الميزه انى مش لازم أكون عندى يوزر عليه بس أنا ان شاء الله هشترك فى 4shared وللا حاجه

بالنسبه لموضوع المشرفين أنا مرشح أكيد