لية كدة....قولولي؟؟؟؟؟؟

سمعنا زمان كتير اوي عن جرائم بتحصل في مصر .بس كان اخرنا اية يعني؟؟
ريا وسكينة علي سفاح مش عارف فين علي خط في الصعيد
عمرنا ما سمعنا حاجة تتعدي دة.ودة طبعا كان علي فترات متباعدة

انا بس هقولكم علي اربع جرائم وتقولوا رايكم ودول مش مقياس ابدا لان اللي بيحصل اسوء من كدة بكتير

1-شوية رجالة طلعوا بيت مش متزكر المكان بالظبط المهم طبعا معاهم اسلحة وخطفوا امراة من شقتها ومن وسط جيرنها وتحت تهديد السلاح.الست دة كانت لسة خارجة من حالة ولادة من فترة قريبة
عملوا اية بقي وكانوا كام
كانوا 10 او11 شخص تناوبوا اغتصابها واحد ورا التاني وفي الاخر مش يسيبوها ويمشوا لا دول اتصلوا بواحد علشان ياخد نصيبة من الدبيحة.الراجل جة بس لما شاف الست بالمنظر دة طبعا ملوش وصف.وطلع يعرفها ويعرف جوزها مرداش ياخد نصيبة
وبقي هو الشاهد الملك في القضية.وطلع ان هما كانت ليهم خلافات مع زوج المجني عليها
زي ما بيقولوا يعني

2- واحد تاني خد اولادة الاتنين ورماهم في بير وردم عليهم علشان خلافاتة مع مراتة
ولا تعليق

3-طبعا عارفين حكاية الاب اللي قتل مراتة وابنة وبنتة
الراجل دة متعلم ومثقف ومهندس واولادة مهندسين ومستريحين ماديا .لية


4-واحد مراتة طلبت الخلع منة وخلعتة واتجوزت واحد تاني وعاشت حياة امنة
وهو اصلا صعيدي الاصل تحصل علي رشاش الي وراح لها بيتها. وعمل اية بقي تتخيلوا
قتلها وقتل جوزها وامها وابوها وتقريبا علي ما سمعت اخوها.لية


5-واحد قتل طفلين واحدة 6 سنين وواحد 11 سنة والادهي من كدة ان هو طلع اية ابن عمتهم
قتلهم لية بقي
كان شغال مع والدهم في الورشة بتاعتة وطلب منه انة يزود مرتبة فخالة رفض وحصلت مشكلة مبينهم وطردة من الشغل
فقتلهم.لية


طبعا مش هي دة الجرايم اللي بتحصل بس في اكتر من كدة بكتير
بس بجد لية .يعني اية الاسباب لية كل كام يوم نلاقي جريمة اغتصاب علي جريمة قتل بشعة ومقززة
وعلشان اتفة الاسباب بجد يعني لية
احنا وصلنا للدرجة دة من السوء

يا ريت اعرف رايكم ولو حد عندة اسباب يزكرها
وطبعا يا ريت كمان تقولوا الحلول
وتقبلوا تحياتي

شكرا علي الموضوع وعندك حق والله حاجة غريبة , بس انا شايفة ان السبب الرئيسي هو غياب الوازع الديني والاستهتار و كمان اهمال الاسرة وغير كده الحالة الاقتصادية للبلد والبطالة والحل هو اننا نحاول نهتم باوامر ربنا اكتر ونطبقها صح وبالعدل و ان الحكومة طبعا تحاول تلاقي فرص عمل للشباب , ولازم طبعا ندور علي الاسباب ونعالجها بدل مانلوم اللي بيعملو كده ومنعملش حاجة ايجابية

فعلا شىء مؤسف بس هى مش موجوده فى مصر بس دى موجوده فى بلاد كتير تسمع عن جرائم فظيعه وبعدين انا مش شايفه ان احنا نرمى السبب على ظروف البلد مصر مرت بصعوبات كتير وحروب ليه ده بيحصل دلوقتى يبقى اكيد السبب مش فى الظروف السبب فى الناس(اذا الايمان ضاع فلا امان)

قال رسول الله ‏ ‏صلى الله عليه وسلم ‏ ‏قال : (‏ لا تقوم الساعة حتى تظهر الفتن ويكثر الكذب وتتقارب الأسواق ويتقارب الزمان ويكثر الهرج. قيل وما الهرج قال القتل ‏)

مشكور على الموضوع المتميز

تمام انا متفق معاكي يا maybeويا هدير فعل الدين بقي حالة صعبة اوي
وبقي في استهتار فظيع بية
وتضارب علي القنوات وحاجة فظيعة
بالنسبة لحالة البلد انا شايف ان هي ليها دعوة باللي بيحصل دة بس مش بنسبة كبيرة
الموضوع في الاخلاقيات مش اكتر
وانا الله لا يغير ما بقوم حتي يغيروا ما بانفسهم

انا حتكلم عن المهندس اللى قتل مراته واولاده بعد الحادث الاعلامى محمود سعد عمل معه حوار وكان المهندس غير مصدق ماحدث وقال انا لا اعلم كيف فعلت ذلك وقد طلب من القاضى بسرعة تنفيذ قرار الاعدام لانه لا يستطيع العيش

وفى حالة اسمها الجنون اللحظى ربما تكون هى الفيصل

الحقيقه انا شايفه الموضوع ده من منظورين
الاول انه موضوع بشع ولازم يتعمله حد لانه زاد بكثره والسبب الرئيسى هو الايمان والاخلاق والتربيه
واى سبب تانى حيكون فرعى معتمد على الاسباب الاساسيه اللى قولتها
المنظور التانى هو انه موضوع مفيد لان ربنا مبيعملش حاجه الا بمقدار
يعنى ده جرس انذار لينا كلنا
لازم نشوف بنعمل ايه غلط ونصححه
شكرا على الموضوع الجميل