جيل بايظ وتافه كمان

موضع حلو جدا يا may be
من وجهه نظرى ان اجيل بتاعتنا مش تافه
بس مشكلتة انه ملهوش هدف واضح
يعنى عايش كده وخلاص مش فارقه معاه
وكمان الاخلاقيات والقيم قلت قوى
وده مش بسبب الجيل بسبب المجتمع
هم عايزنا منفكرش غير فى الكورة والنت والاغانى والموضه
وفعلا نجحوا فى كده ( الا من رحم ربى )
يعنى الجيل بتاعنا مظلوم من كل الدنيا

سؤال جامد جدا و احييكى عليه الصراحة يا ماي بى

و انا اجابتى , الجيل مش بايظ بس العيب فى المقاييس , اصل كل واحد بيقيس نفسه على اللى من سنه , و بما ان مع مرور الزمن الفساد بيتفشى فاكيد بالنسبة ليهم احنا حنبقى مش مؤدبين زيهم ( قال يعنى مؤدبين هما ) , و انا حقولك على حاجة تسكتى بيها اي حد كبير لما يقولك على ايامنا ( طبعا اوعى تردى على والدك او والدتك )

قوليله اللى قبلكو عرفو يربوكو .. يا ترى بقى العيب فى مين دلوقتى؟

ولسه فى حاجات فى بالى كتير ... بس حرد لما الناس تتفاعل

ana shaefa en el geal beta3na msh baez bas hoa fakad el seka bnafso
w kaman mafesh forsa en el shabab esbeto feha moahebhom

قوليله اللى قبلكو عرفو يربوكو .. يا ترى بقى العيب فى مين دلوقتى؟

sorry ana msh ma3ak ya my tee lan e7na lma hnkbar hn2ol keda bardo 3ala el gel ely ba3dena w dah 3ashan e7na lma bnkbar 32lena bekbar ma3ana w bnl2y
el7agat ely el shabab be3mloha de tfahat
bas da msh ma3nah en el geal beta3na tafeh

سؤال حلو يا may be
احنا مش جيل بايظ خالص
بالعكس احنا الجيل بتاعنا قدر يوصل لحاجات كتير
ولو احنا كنا جيل بايظ ده معناه ان الاجيال الي كانت قبلنا هيا السبب فيه
لانهم هوا الي يوصلونا لده
وهوا كمان كانوا السبب في الفجوه الحضاريه الي احنا بقينا فيها
وبعد كل ده جايين يطلبوا مننا اننا نبقى متقدمين زي الدول الاوروبيه
ده يحمدوا ربنا اننا لسه فينا ناس قادره توصل لاهدافها اصلا

فعلا اسالية اللي قبليكوا عرفوا يربوكوا العيب في مين
هو انا متفق معاك
و في برضة حاجة هوالانسان المفروض لما يحكم علي حد يحط اعتبار الزمن ومرورة وتقدم الزمن في الاعتبار
يعني يحاول يرجع بالزكريات كدة ويشوف هو كان اية في شبابة هيلاقي نفسة زينا بالظبط ولكن مع تغير الزمن
المهم بقي ان احنا فعلا جيل نسبة البوظان والفساد فية مش قليلة
بس للعلم الجيل بتاعنا الناس بتعاملة علي انة الجاني مع انة هو المجني علية

انا بقا ... مبعترفش باللى يقول الظروف اللى خلتنى كدا.. بس كلنا لينا فترة توهان و بنفوق منها و بنعرف الدنيا ماشية ازاي .. بعد كدا انتا بقا و عزيمتك

و انا كان ردى دا على اى حد يفكر يتعوج علينا بجيله .. و حتى لو كانو مبيعملوش اللى بنعمله .. ماهما اللى سمحو لينا نعمله

المهم .. نرجع بقا للظروف , حرجع اقول العالم مع مرور الزمن بيتفشى فيه الفساد , مش 100% من مجتمعنا بس بنتاثر بالعوامل الخارجية و مفيش حد مبيتاثرش .. لانهم اتاثروا بالاحتلال الانجليزى و الفرنسى و ...

من الاخر .. التربية مبقتش زي زمان غير ان الناس بقت مشغولة باكل عيشها لصعوبة الحصول عليه عن التربية .. دا غير غياب الوازع الدينى .. غير .. مش حنخلص

و دا ملخص فكرتى عن الموضوع دا

بسم الله الرحمن الرحيم

الموضوع جميل جدا فشكرا لك

كل جيل بيكون فيه الكويس والوحش بس انا اعتقد ان الوقت اللى احنا فيه السىء فيه اكتر

الاسباب( مش مبررات ) كتير منها

1/ كل حاجة دلوقتى بقت مش تمام التعليم الصحة التدين و...........

2/ انشغال الاباء عن اولادهم

3/ كتير من الشباب مش عارف عايز ايه


حنختار 100 شاب عشوائيا و تكلمهم فى الكورة او الافلام شوف كام واحد حيتجاوب معاك

طب كلمهم فى علم او اى شىء مفيد شوف انت قلة هم الذين يعلمون

بس حتلاقى اللى يعرف علشان كده مينفعش نقول جيل بايظ نقول جيل اغلبيته بايظ

انا اعتقد انه فى امل ربما التفكير يتغير

اانا بق يبختلف مع اللي بيقولوا ان الاباء منشغلين عن ابنائهم بالعكس
احنا في مصر اهم حاجة عندنا تربية الاطفال التربية السليمة والاباء والامهات بيعملوا كدة
بس انا هشبهلكم بمثل بسيط اعتبر ابنك دة مدينة وفي عدو بيحاربها
طبعا انت خايف فبتعمل سور حول المدينة علشان يصد العدو
وبعدين بتسيبة يدخل الحرب وللاسف مع اول صاروخ بيهد السور والمدينة بتقع
الملخص يعني ان احنا بنشغل نفسينا بتربية الابن وبعدين نرمية في مجتمع كلة فساد وانحراف ونطلب منة يبقي كويس طب ازاي
لازم نحاول نصلح المجتمع اللي حولينا الاول وبعدين لما بقي المجتمع يبقي كويس وصالح ومفهوش مخدرات واباحية وكل شيئ قذر
ونلاقي الجيل بردة بايظ ساعتها بس نقدر نقول ان الجيل دة بايظ

حاجه واحده اقولها رد عليكم كلكم ودي وجهة نظر مش اكثر


"لقد ابتعدنا عن ديننا فضللنا عن سبيلنا"


احنا مش جيل تافه ولا بايظ احنا
طلعنا لقينا االنت والموبايل والتليفزيون والهجص والهلس وبس
وده خلا كل الشباب بيدور على الهلس وبس محدش عنده قدره على تحمل مسؤليه
بس مش الكل وارجع وقول السيئة بتعم مش عارف دا صح ولا غلط

eng:mm كتب:اانا بق يبختلف مع اللي بيقولوا ان الاباء منشغلين عن ابنائهم بالعكس
احنا في مصر اهم حاجة عندنا تربية الاطفال التربية السليمة والاباء والامهات بيعملوا كدة
بس انا هشبهلكم بمثل بسيط اعتبر ابنك دة مدينة وفي عدو بيحاربها
طبعا انت خايف فبتعمل سور حول المدينة علشان يصد العدو
وبعدين بتسيبة يدخل الحرب وللاسف مع اول صاروخ بيهد السور والمدينة بتقع
الملخص يعني ان احنا بنشغل نفسينا بتربية الابن وبعدين نرمية في مجتمع كلة فساد وانحراف ونطلب منة يبقي كويس طب ازاي
لازم نحاول نصلح المجتمع اللي حولينا الاول وبعدين لما بقي المجتمع يبقي كويس وصالح ومفهوش مخدرات واباحية وكل شيئ قذر
ونلاقي الجيل بردة بايظ ساعتها بس نقدر نقول ان الجيل دة بايظ

تربية ايه ام ام هي التربية انى اسمع طفل عنده 3 سنين او 4 سنين كليب لهيفا ولا روبي
ولا اسمعه فيلم لعادل امام كله مسخره
مانا لو ربيته من الاول وعرفته ان ده صح وده غلط وعرفته من وهو صغير ان مجتمعنا دا كله فساد يبقى انا قوية سور الدينه ذي ما انتا بتقول ومش هيستنى لما اول صاروخ يضربه
لا دا هيضرب صواريخ كتير في الفساد اللي في مجتمعه علشان يغيره من الغلط للصح ولا ايه ؟ ؟ ؟ ؟ ؟

وجهة نظر تحترم
وانا اتفق معاك في موضوع البعد عن الدين

النت والموبايل وكل التكنولوجيا مش هجص

كل حاجة ممكن نتستخدمها صح او غلت واكترنا استغلها غلط

انا مكنتش اقصد اقول ان التكنولوجيا هجص
بس حضرتك تقدر تقول ليا ان في حد في مصر مش بيستخدم موبايله علشان يعاكس او تليفزيونه او الكمبيوتر علشان يجيب حاجات غلط عليه

عارف ان في قلة وبقول ثاني قلة بتستخدمه صح
بس الاغلبيه مش بيعرفوا يستخدموه غير في الهجص يعني يستخدم استخدام خاطئ


من النهاية احنا مش جيل بايظ احنا محتاجين اللي يوجهنا صح

كلام رائع جدا
اولا: من وجهة نظرى اننا جيل مش عارف فقط يحتاج الى من يوجهه
ولكن ارى ان معظم هذا الجيل من التافهين(مش بايظين اوى يعنى)
كل اللى يهمه الاغانى والكليبات والموضة والعربية والنادى ................الخ
وده مش غلط
الغلط انه يشغل الجزء الاكبر فى حياتنا
ثانيا:اما عن مشكلة الاباء فاننى ارى ان الاباء تزرع فينا البذرة الاولى بالقيم والاخلاق اى اننا نمتلك الاخلاق بالفعل
ولكن العيب في عدد من يطبقونها (اعتقد انه لا يذكر للاسف)
ثالثا:لا يصح ان تقول ان اباءنا كانوا كذا وكذا
بل قل انا كذا وكذا فماذا فعلت انت لجيلك ؟ (هى دى النظرية)

رابعا : اعتقد بالفعل ان الجزء الاكبر يقع على عاتق الاباء بما انهم وسعوا الفجوة جدا بيننا وبين الدول الاوروبية الى ان اصبحنا كالعاجزين امامهم وان معظم تفكيرنا يذهب باننا لن نصل اليهم ابدا ناسين اننا من علمناهم اساسيات العلم وبواكير المعرفة

خامسا: بخصوص التكنولوجيا (ربنا يرحمنا) كل انسان رقيب على نفسه فكل شىء هو سلاح ذو حدين على حسب استخدام الانسان له اى ان الخطأ فردى وليس فى الجيل باكمله
اسفة جدا لاننى اطلت عليكم ولكن لدى كلام آخر ساقوله بعد سماع مشاركتكم
شكرا لكم

عندكم حق اننا عايزين اللى يوجهنا للصح

بس ياريت منستناش كتير ونبدأ بالبحث عن هذا الطريق

و عشان يبقى جيلك صح , ابدا بنفسك

حسس غيرك انك بتجتهد .. حتى لو انتا مش بتجتهد حاليا بس دا حيشجعه و حيغير منك و يبتدى يجتهد هوا كمان و الالف ميل يبدا بخطوة

يا جماعة احنا مش جيل بايظ ولا حاجة
علي فكرة احنا جيلنا ذكي جدا بس للاسف
بيوظف ذكائه في الغلط
والكل عارف انه بيعمل غلط بس محدش بيبتدي
بنفسه ويحاول يصلح الغلط ده
زي ما اسامة قال لو كل واحد ابتدي بنفسه
بجد حالنا هيبقي غير كده خالص

انا بردو راى ميختلفش عن رايكو فعلا احنا لا جيل بايظ ولا تافه بس كتير منا ملوش هدف يعنى عايشين مقضينها اليوم بيومه واللى ملوش هدف حياته بتبقى فاضيه فبيحاول يملاها باى حاجه تشغله زى الكوره والموضه ... والمشكله مش فى الحاجات دى المشكله ان الحاجات دى تبقى محور حياتك بدل متبقى جزء منها وانا بجد بستغرب لما يكون فى متش (زى مبيقولوا مهم) بلاقى المحلات قفلت والشوارع فضت وكلوا عايز يروح
ليه كل ده ؟!يعنى تسيب شغلك ودراستك علشان متش !!!!!!!!وفعلا لو كل واحد ابتدى بنفسه حالنا حيتغير كتير.


مشكوريييييييييين جميعا على المرور والرد

بسم الله الرحمن الرحيم

ممكن نقول ان جيلنا مش بايظ اوى يعنى

بس فى عيوب كتير اوى واولهم زى مكلكم قلتم ان كتير مش عارف هو عايز ايه عايش

وخلاص ودى حاجة صعبة اوى

فى حاجة تانية .. عدم الثقة فى النفس بسسب كثرة التهميش مننا على الرغم من وجود

بعض الشباب الممتازين ( للاسف هم قلة )

انا عارف لو امامنا القدوة ونجد من يدلنا على الطريق ووجدنا الجو المناسب اكيد حنكون

احسن بس خلاص لم نجد الكثير من هذا.. مش هينفع نقول احنا مستنيين حد يدلنا

لازم اننا نجتهد ونتعبحتى نجد طريقنا ولكى نثبت لكل من يشكك فى جيلنا

انا الحمد لله بدأت بنفسى وبعمل اللى بقدر عليه

صح موافقة
بس عجبانى حكاية مش بايظ (اوى دى)
هههههههههههههههههههههه

وانا معاك يا مى تي



المفروض كل واحد مننا يقول لنفسه

"انا هبدا بيكي انتي"



وبكدا نكون حققنا ابدا بنفسك

[quote="sams0m"]وانا معاك يا مى تي



المفروض كل واحد مننا يقول لنفسه

"انا هبدا بيكي انتي"



وبكدا نكون حققنا ابدا بنفسك[/quo
e]



و انا كمان بضم صوتى معاكم

و يا ريت يا شباب و يا بناتيت تقترحوا حاجات مفيده نعملها فى الصيف بدل ما نضيع الوقت على الفاضى

دى خلوها فى موضوع تانى افضل

ماشى .. اول ما نخلص امتحانات ليكم منى موضوع ان شاء الله يعجبكم