شوفوا كده يا جماعه الموقف ده و قولولى رأيكم.....

و انا مروح من الكليه بعد امتحان الميكانيكا و مش عارف أفرح لأنى خلصت الامتحانات وللا أزعل بسبب الامتحان الزباله
مره واحده لقيت راجل فى سن الاربعين أو أكتر ماسك ولد( فى سن ال16 سنه لابس كاجوال و عالموضه ) و حاطط ايده على كتفه و موقفه جنبه و واقف أدامه بنت فى نفس سن الولد تقريبا
لقيت الراجل بيسأل الولد ( انت تعرفها منين ؟) و الولد ساكت مش راضى يرد , كررله نفس السؤال برضه مش راضى يرد و بعدين الولد قاله ( عرفتها عن طريق أختى صاحتبتها ) سأله الراجل ( اختك دى اسمها ايه ؟) أول ماسأله الراجل السؤال ده لسه البنت جايه تتكلم راح جاى الراجل رافع ايده و ضرب البنت قلم مشوفتش زيه قبل كده و صرخ فى وشها ( انتى تخرسى خالص )
و بعد كده أنا مشيت ........

السؤال دلوقتى بقه , ايه رأيك فى تصرف الراجل ده ؟ , يا ترى لو كنت مكانه ( بعد الشر ) كنت هتعمل ايه؟ يا ترى البنت دى هتعرف ازاى تمشى فى الشارع ده بعد اللى حصل ؟ يا ترى الناس حتقول عليها ايه ؟ ؟؟؟؟؟؟؟؟؟................

هو الراجل ده اصلان يقربلها ايه عشان يعمل كدا
بس فى الاول و فى الاخر الغلط ده غلطها من الاول انها بتحط نفسها فى الموقف ده
ده راى مش عارفه هو صح ولا غلط

يعنى هوا غالبا على حسب كلامك الراجل ده يبقى والدها
اولا واخيرا غلطتها هيا اكيد هيا اللي حطت نفسها في الموقف السخيف ده
وهيا اللي قللت من نفسها للدرجه دي
بس برضو اكيد والدها غلطان لان مهما حصل دي بنتو ومكنش المفروض يحطها في موقف زي ده في الشارع وقدام الناس
لو كان عايز يعمل حاجه برضو يحافظ على كرامته وكرامتها على الاقل لحد ما يوصلو البيت

eng.miro كتب:يعنى هوا غالبا على حسب كلامك الراجل ده يبقى والدها
اولا واخيرا غلطتها هيا اكيد هيا اللي حطت نفسها في الموقف السخيف ده
وهيا اللي قللت من نفسها للدرجه دي
بس برضو اكيد والدها غلطان لان مهما حصل دي بنتو ومكنش المفروض يحطها في موقف زي ده في الشارع وقدام الناس
لو كان عايز يعمل حاجه برضو يحافظ على كرامته وكرامتها على الاقل لحد ما يوصلو البيت

أنا معاكى جدا و ده رأيى بالظبط

... اولا حقول حاجة .. تقريبا الشعب كله بيقولها .. انا حربى بنتى بحيث مشفهاش فى يوم تفكر تعمل كدا .. بس انا بتكلم جد و ربنا يستر

ثانيا.. لو الموقف دا حصل .. انا دايما بدى فرصة تانية.. و لازم اكون عامل حساب حاجة زي كدا تحصل فى يوم من الايام ... و حكلمها اكتر من مرة

ثالثا.. الراجل يمكن يكون عصبى عشان كدا عمل كدا .. و الافضل انه كان يحاسبها فى البيت .. بس لو كانت كررتها فعلا ؟ لا يلام

انا شايفة انة كان المفروض ماكانش يعمل كدة فى الشارع ادام الناس لان دة
هياثر عليها بعد كدة عند الناس
هو محدش يقدر يلومة انة بيصلح غلطة ارتكبها فى تربيتة لبنتة
بس مش قدام الناس
دة راييى المتواضع

و أنا بدمج رأى ميرو مع رأى ميرميد و أقول إن ده رأيى

انا رايى انه غلط البنت لانها هى الى سمحت لنفسها انها تتهزا كده لانها لو كانت كويسه مكنتش تقبل تمشى ع ولد واكيد حتلاقيه البنت طبعا لبسها مسخرة لان تقريبا معظم البنات بتتعاكس لو البنت كويسه بتعرف تتصرف انما الى وحشة بتحب تتعاكس وتمشى مع الولاد فالغلط على البنت

انا رايى ان الغلط فى اسلوب التربيه نفسه يمكن لو كانت الام وكمان الاب بيسمعوا
بنتهم وبتشوف ايه وبتسمع ايه ومين كلمها وعملت ايه كانت الام نصحتها وفهمتها ايه الغلط والصح ايه حدود المعامله مع الشباب ان ملهاش دعوة بالاولاد وطبعا انا مش بنكر ان الاب الى حد ما غلطان لانه اكيد شوه صورته وصورة بنته ادام الناس وان كان تصرفة بيدل انه اكيد خايف على بنته ومش عايز اى حد يمشى معاهابدون وجه حق

معلش يا جماعة اعتقد انى بخالفكم الرأى كلكم بحكم العادة
ههههههههههههههههههههه

انا شايفة ان ده تصرف طبيعى جدا من الاب اللى فوجىء ببنته ماشية مع ولد كده فى الشارع

معتقدتش ان ده يرضى حد فالتصرف الطبيعى اللى هو عمله
بالعكس ده انا شايفة انه رحييييييييييييييم بيها جدا

انا لو مكانه............................يا نهار ابيض
كويس انى مش مكانه

دعاء محمود عبد السلام كتب:معلش يا جماعة اعتقد انى بخالفكم الرأى كلكم بحكم العادة
ههههههههههههههههههههه

انا شايفة ان ده تصرف طبيعى جدا من الاب اللى فوجىء ببنته ماشية مع ولد كده فى الشارع

معتقدتش ان ده يرضى حد فالتصرف الطبيعى اللى هو عمله
بالعكس ده انا شايفة انه رحييييييييييييييم بيها جدا

انا لو مكانه............................يا نهار ابيض
كويس انى مش مكانه

اولا الحمد لله يا دعاء انك مش مكانه
ثانيا انا معاكي ان مفيش اي اب هيرضى بالتصرف اللي عملتو البنت دي
بس كمان مفيش اب هيعمل لبنتو فضيحه بنفسو
خصوصا ان اكيد كان العيب من الاول في تربيته ليها
اي تصرف مش محسوب هيبقى على حساب سمعه بنتو ومش هيستفاد من كده اي حاجه بالعكس هيخسر سمعه بنتو قدام الناس
في بيت يعمل فيه كل اللي هوا عايزه بعيد عن عيون الناس

طيب بصى يا ميرو
عندك حق الحمد لله انى مش مكانه فعلا.......ههههههههههههههههههههه
ثانيا:لما يضربها فى الشارع مش فضيحة اوى يعنى وخصوصا لو بشمهندس علاء مشى وشاف البنت دى تانى ممكن ميعرفهاش

ثالثا:اكيد الاب عليه غلط بس برده فى آباء صالحة تخرج للعالم اولاد عاقة طالحة
صح ولا لا؟؟؟؟؟؟؟؟؟؟؟
يعنى مين قالك انه وحش مثلا وانه رباها وحش يمكن هى اللى وحشة وده غالبا اللى انا بعتقده لو مكنش حلو مكنش اخذته الحمية واتصرف بالاسلوب ده

دى وجهة نظرى اكيد تحتمل الصواب والخطأ يعنى

بصوا بقي انا مع اللي بيقول ان دة شعور طبيعي من الاب لان اي حد مكانة كان عمل كدة واكتر
بس المشكلة في اية بقي ان الواحد بيربي بنته ويفتكر ان هو كدة رباها التربية الي تخليها متكلمش ولاد
بس في حاجة بقي بعد ما بيربي
بيسيبها تواجة لوحدها
ازاي يعني صعب تلاقي ام او اب قريب من بنته علشان يتابع معاها اللي بيحصل لها
بس لازم الاب يحاول علي قد مايقدر يتمالك اعصابة لان الشدة والعنف في المواقف اللي زي كدة بتجيب نتيجة عكسية
بس طبعا في حدود
ودمتم في رعاية الله

بصى يا دعاء هو الموضوع مش موضوع الاب وحش او البنت وحشة ماشى ممكن بس كمان اللى بجد مش حلو المجتمع المفتوح ده اكيد ممكن يخلى اختلاط شباب وبنات فممكن تكون اتعرفت على زميلها او كدة بس فعلا ده ميمنعش ان البنت بالتاكيد غلطانة لان والدها واثق اكيد فيها وهيا راحت مشيت مع ولد

اولا ردا عليكى يا دودى:
طبعا كلامك صح بكل تأكيد بس للاسف ده يرجعنا لنقطة البداية انى بقول مينفعش بنت تتكلم مع ولد اصلا واللى الناس كلها معترضة عليه واكيد انا معاكى فى وجهة نظرك يعنى
بس برده مفيش حاجة اتعرفت على زميلها
مع علينا عشان اتكلمنا فى الموضوع ده كتير

ثانيا ردا على كلامك يا ايمان:
1-الاب والبنت هم الاتنين غلطانين
امممممممممممممم
ماشى
اعتقد متفقة معاكى جزئيا عشان ده تصرف طبيعى وتلقائى من الاب يمكن بتقولى لو كان تحكم فى غضبه شوية مش عارفة ما علينا

2-محدش ملاك ده صح
بس اللى بيغلط لازم يعاقب والعقاب ييجى على حجم الخطأ نفسه
واعتقد ده خطأ مينفعش يعاقب عليه الا بالتصرف ده (فى حالة وجودى مكان الاب الحقيقة واقسى كمان)

3- انتى صح
اعتقد ان الضرب ممنوع
وحرام وخاصة الضرب المبرح
فرسول الله صلى الله عليه وسلم كان يضرب اهل بيته اذا اخطأوا ب(السواك)يا للرحمة!!!
ولكن لو انا صراحة مكانه مكنتش حتمالك اعصابى
ده اللى فيها

انتى فهمتينى غلط يا دعاء انا بقو ل بسبب المجتمع المفتوح اللى ممكن يساعد على ده هى ممكن تكون اتعرفت على زميل لكن مش معن كلامى خاااااااااااااالص ان بسبب كده تروح تتعرف ده اكيييييد مرفوض

تعليق سريع

بس فى سوال ليه كلنا اعتبرنا انه والدها فعلا جايز يكون رجل لقى غلط حاول تغيه
انا اتوقع ان سوال الرجل للولد لنا قاله اختك ده اسمها ايه كان مستنى رد معين من الولد وهو يقوله وانت مالك فى هذه الحاله يكون الرجل قد وجد ضالته فىة الرد على الولد وهو اذا كان الولد مش عايز يعرف اسم اخته يبقى ازاى يمشى مع صحبتها
ما دخول البنت فى الكلام هو الى ضايق الراجل

بس مش اكتر

بس إذا كان ده صح فالراجل ملهوش حق يضرب البنت أو يزعق للولد
لأن اللى يشوف غلط و يكون عايز يصلحه فمش دى الطريقة الصح

جايز مش ده الطريقه الصح

ولكن مش متذكر بالظيط حديث الرسول صلى الله عليه وسلم وهو فيما معناه ان من راى منكم غلط فاليغيره بيده فان لم يقدر فبلسانه فان لم يقدر فبقلبه

تقيبا مضمون الحديث كان كده ولو فى غلط ياريت حد يصححلى فجايز الراجل يكون اخذها من هذا المنطلق

المضمون صح
اللسان :: و ده يكون بالأمر بالمعروف و النهى عن المنكر بأسلوب كويس يحبب و لا ينفر و باحترام و يكون فيه إقناع

اليد :: مش المقصود بيها الضرب لا يعنى اللى يلاقى شارعه مش نظيف مثلا يعمل حملة لتظيفه و هكذا

القلب :: و ده أضعف الإيمان للى مقدرش يغير بلسانه أو بإيده يقعد يدعى ربنا

و الله أعلم

انا عارف التفسير له انا اقصد ان كامن جايز الرجل كان عنده فهم للحديث خطا بس مش اكتر

معتقدش ان الراجل ده ميقربش للبنت لان بنت بالجرأة دي تخرج مع واحد متعرفوش اكيد ما كنتش هاتسكت لما يضربها والولد كمان وكانو هيقولو وانت مالك اهلنا عارفين وفي الحالة دي الراجل مش هيقدر يتكلم لكن الصراحة انا شايفة انه اكيد يعرفها واللي عمله اقل واجب لانها مش كفاية غلطانة لا وبتتكلم المفروض تسيبه وتجري عالبيت والصراحة مينفعش نحط الغلط كله عالتربية لان فيه شباب وبنات بيستغلو ذكاءهم بشكل بشع مستحيل حد يكشفهم الا لو اتراقبوا اربعة وعشرين ساعة والسبب في كده صحاب السوء يعني اللي تعمل او يعمل كده مستحيل تلاقوا صحابهم او اخواتهم ملايكة

ماشى

rora tag كتب:بس إذا كان ده صح فالراجل ملهوش حق يضرب البنت أو يزعق للولد
لأن اللى يشوف غلط و يكون عايز يصلحه فمش دى الطريقة الصح

لأ لأ يا رورا الراجل مزعقش للولد خالص هو كان بيكلموا عادى خالص و محدش لاحظ اللى كان بيحصل الا الناس اللى كانوا واقفين قريب منهم
لكن الناس ابتدت تتلم بعد ما ضرب البنت بالقلم و زعق فى وشها
يعنى كان الراجل ممكن كان يلم الموضوع و يسأل الولد أنت أبوك مين مثلا أو كده و ياخد البنت و يروحوا ( لو كان أبوها ) و فى البيت يعمل معاها الواجب