شوفوا كده يا جماعه الموقف ده و قولولى رأيكم.....

انا قلت كده برده انه ممكن ميكونش والدها
بس استبعدت ده من الموقف نفسه

بس اوكى يا رورا
انتى شايفة يعنى انه مكنش يضربها؟؟؟؟؟؟؟؟

مش فاهماكى صراحة
حتى لو ده غلط وان المفروض ان ده مكنش يحصل مش عشان حاجة عشان بس هو ضربها قلم
يعنى المفروض لو كان عايز يضربها اولا يبعد عن منطقة الوجه اصلا وثانيا ميضربهاش كده مش جامد يعنى اقصد عشان كده حرام، بس الموقف هو اللى بيفرض نفسه على رد الفعل

بس ده تصرف طبيعى من اب او اخ او اى حد بيحترم نفسه

ده اعتقادى
مش عارفة وجهة نظركم صراحة؟

بس انا مقتنعة انه قريبها
ده من الموقف نفسه

لا بصى بقى أنا بكره العنف و متأكدة تماما إنه مبيجبش نتيجة و إن الإقناع لوحده يقدر يعمل المستحيل يعنى هو لما يضربها بالقلم فى الشارع هتبطل ولا لما يقنعها إن ده مينفعش و إن ده كذا و كذا ....

اولا:انا طبعا ان شايفه ان فى خلل فى التربيه وتقصير من ناحيه الوالدين فهما ياما قصروا فى تربيتها من الاول ومعلمهاش الصح والغلط والحدود ياما قصروا فى معرفه صحباتها وهى عارفه مين وبتكلم مين

ثانيا :انا شايفه ان الاب عندوا حق انه يعمل كده لا واكتر كمان اكيد هو كان شايف ان بنته عمرها متعمل كده ومتخيلهاش فى الموقف ده

ثالثا:اساسا هى مكنتش خايفه على منظرها قدام ربنا وقدام الناس فى الاول علشان يتخاف على منظرها لما والدها عمل كده

أنا حقولكوا خبر مؤسف
أنا النهارده كنت فى أكتوبر شفت نفس البنت مع نفس الولد كانوا طالعين من البحر ....!!!!
معلش طلعت أوت المره دى
يعنى طلعت البنت تستاهل ضرب النار
بس أهو كويس اننا ناقشنا ظاهرة عامه ( وليس تلك البنت وذلك الولد )

انا لو ابوها منزلهاش من البيت تانى لحد ما تتعدل و مفيش موبايلات ولا تلفونات -.-

وبتقولوا مينفعش يضريها فى الشارع دى حلال فيها الشنق

aladdin4ever كتب:أنا حقولكوا خبر مؤسف
أنا النهارده كنت فى أكتوبر شفت نفس البنت مع نفس الولد كانوا طالعين من البحر ....!!!!
معلش طلعت أوت المره دى
يعنى طلعت البنت تستاهل ضرب النار

بس أهو كويس اننا ناقشنا ظاهرة عامه ( وليس تلك البنت وذلك الولد )

كان لازم ده يحصل لأن باباها - إذا كان الراجل ده والدها فعلا - متبعش معاها الأسلوب الصح لأن واحدة رضت تمشى مع واحد فى الشارع أكيد مش هتفرق معاها كتير إنها تتضرب بالقلم
ده غير إنى مقتنعة تماما إن الضرب على تصرف معين مبيولدش غير العناد و الرغبة فى تكرار التصرف ده
لازم يكون فى اقتناع و إذا مردتش تقتنع يبقى مفيش خروج ولا تليفون ولا ماسنجر
و يفضل يحاول معاها و يجبلها كتب و غيره

و ربنا يهديها و يهدينا كلنا

السلام عليكم يا شباب
بصو بقى.......واضح طبعا ان دة خلل في التربية
واكيد اكييييييد في تفكك اسري
و الدليل ع دة ان البنت كررت الموضوع دة تاني
فانا بلوم: 1- اسرتها كلها اللي وصلتها لكدة و امها تحديدا لان الام لازم تكون صديقة بنتها
2- صديقاتها لاني متأكدة ان البنت دي عرفت الشاب دة عن طريق اصحابها
3- ابوها لانو كان بعيد عن بنتو و بعدين جاي يتصدم و كمان انو يضربها في الشارع دليل سوء التربية
4-المجتمع اللي البنت فيه لانو مقدرش يوجهها اتجاة صحيح يقربها من ربنا
5- بلوم البنت دي لان كان بايدها انها تختار الطريق الصح .........الناس الكويسة كتير و الدين منتشر و الحمد لله
دة رايي المتواضع جدااااااا

aladdin4ever كتب:أنا حقولكوا خبر مؤسف
أنا النهارده كنت فى أكتوبر شفت نفس البنت مع نفس الولد كانوا طالعين من البحر ....!!!!
معلش طلعت أوت المره دى
يعنى طلعت البنت تستاهل ضرب النار
بس أهو كويس اننا ناقشنا ظاهرة عامه ( وليس تلك البنت وذلك الولد )

بجد مش عارفه اقول ايه دي بجحه اوي (معلش من الكلمه) وفعلا اكيد الاسره مفككه والاب بعيد عنها تماما والام كذلك (ويا عالم ممكن تكون الام متوفيه ) الله اعلم
بس انا بلوم البنت انهي عملت كده وان هي رخصت نفسها لما قبلت على نفسها ان هي تمشي مع ولد و يا عيني عليها تلاقيه واعدها بالجواز وانه بيحبها واللذي منه والخايبه ماتعرفش انه اول ماهيقول يا جواز عمره ماهيفكر فيها و ان هي اول واحده هيستبعدها وهيرميها رامية الكلاب لانه طبعا حاطط في دماغه انها زي مامشت معاه اكيد مشت مع غيره و غيره وغيره ...............
وربنا يعافينا من اصحاب السوء
وده رايي حبيت اوضحه

معاكى حق 100% يا ( dodda dwidar ) طبعا عمره ما حيفكر فيها لما يجى يتجوز
لأنه بصراحه لو فكر فيها معلش حيبقى ( اريال ) ......!!!

يعنى ايه حيبقى اريال؟
مش فاهمة

بس انتو ليه يا جماعة مصرين ان الاسرة هى اللى غلطانة
مين قالكم
انا شايفة ان الغلط الاكبر على البنت صراحة
يخلق من ظهر العالم فاسد
بتحصل يا جماعة والله
حتى لو _بافتراض ان ده صح_الاسرة وحشة
مش معناه ان البنت تبقى وحشة
ناس كتير جدا حطموا القيود اللى هم فيها واتحطوا فى ظروف صعبة جدا
بس واجهوا ظروفهم

انا صراحة شايفة ان البنت هى اللى غلطانة
وان اللى حصل فيها قليل جدا

انا مش متفقة معاكى نهائيا يا رورا
خاااااااااااااااااااااااااااااااااااالص

انتى بجد متعرفيش يعنى ايه اريال ؟؟؟؟
اريال دى كنايه عن عدم وجود النخوه و الرجوله

على فكره يا دعاء انتى ينطبق عليكى لقب ( خلقنا لنعترض )
هههههههههههه