شارك برأيك واكتب ظاهرة تتمنى زوالها

السلام عليكم ورحمة الله وبركاته

في موضوعي هذا اتمنى من الاخوه والأخوات التفاعل والمشاركه لتعم الفائده للجميع

وهو ان كل واحد يكتب ظاهره تتمنى زوالها في اي مجال يمس الحياة

والمجتمع لكن ان لايخرج عن اطار ديننا الحنيف







وانا ابدا بظاهرة كانت موجودة قديما في العالم كله ولكنها ظهرت وانتشرت بشده فى شوارع العالم كله وفي الشارع المصري بالاخص
فقد احتلت مصر المركز الثاني في الحصول على اكبر نسبة في التحرش الجنسي
"التحرش عموما هو كل تدخل في ما يخص الغير يسبب الحرج او غيره من الاذي للنفس او المادة "
اتمني زوالها او الحد منها

لن نغفل عن هذا وذاك نحن بناة المستقبل سنواجه و نواجه حتى نثبت للعالم اننا دائما متميزون

انا اتمنى ان تزول ظاهرة عدم النظافة فى الشوارع
للاسف الظاهرة دى موجودة فى كل مكان وفى كل الشوارع حتى الشوارع الرئيسية الجمالية السياحية فى الاسكندرية
ده يمكن كمان تكون فى البيوت!!!!!!!!!!!!!!!!!!!!!!!!!!!!!!
النظافة دى عنوان لصاحبها يا ريت الاهتمام

الصراحه يا جماعه انا باتمنى الامان يرجع لشوارعنا تانى والناس تخاف على بعضها زى زمان مش زى دلوقتى

يالا شبـــــــــــــــــــــــــــــــــــــــــــــــــــــــــــــــاب فين التفاعل ولا مافي شئ بيزعلكم في الشارع وانتوا ماشيين وانتوا بتتكلموا مع اصحابكم اي ظاهره مش عجبتكم قولوا عليها

اانا بقي في حاجة بتموتني انا عايز اعرف هو الاب بيبقي شايف بنتة كدة وهي نازله من البيت بلبس مكانه حجرة النوم فقط لو فعلا شافها قبل ما تنزل يبقي علي الدنيا السلام نفسي بقي تحسي برجولتكم شوية
حراااااااااااام

انا نفسى المسلمين ( مش العرب ) يرجعوا زي زمان

فين النخوة...

نفسي كلنا نقرب من ربنا وننتقل من مرحلة النقد الي الفعل والقدرة علي التغيير
علي الاقل نبدأ بأنفسنا
وردا علي الاب اللي بيرضي علي بنته انت مسؤل اكتر منه لما عينك تكره دة ما تشجعهوش هتقل كتير انما تشجيعكم حتي بانظرة بتجراالبنات صدقني

صدقيني انتي بقي البنت اللي بتلبس كدة بتجذب نظر الشاب
ودة حاجة غصبن عنة دة حاجة اتخلقنا عليها
انا معاكي ان المفروض الواحد يغض بصرة بس الموضوع زاد اوي

انا نفسي الشباب تمتنع عن التدخين
لانه زاد قوي في الفترة الاخيرة

نفسى تختفى ظاهرة الادمان لانها بجد زادت اوى اليومين دول

asmaa كتب:انا نفسي الشباب تمتنع عن التدخين
لانه زاد قوي في الفترة الاخيرة

يا رييييييييييييييييييييييت



امضاء ( مدخن )

انا فعلا نفسي التدخين يمتنع .انا من ساعت مدخلت الكليه بشم السجاير اكتر من الهوا الطبيعي .وبقيت بحتقر كل اللي بيدخنوا لاني زهقت.

شكرا على كل اللي كتبتوا دا يا شباب واكيد في ظواهر كتيــــــــــــــــــــر هنستنى نشوفها

mzm_1991 كتب:انا فعلا نفسي التدخين يمتنع .انا من ساعت مدخلت الكليه بشم السجاير اكتر من الهوا الطبيعي .وبقيت بحتقر كل اللي بيدخنوا لاني زهقت.

shokraaaaaaaaan 3ala zo2ek ya Gamil

اسفه لو كان كلامي قاسي بس اعمل ايه عمري ما اتعويت اشم السجاير بالطريقه دي.وخصوصا اني من بيت مفيش حد فيه بيشرب سجاير خالص فعمري مكنت بشمها الا قليل اوي لكن دلوقتي بقيت طول اليوم دخان السجاير بشمه.
وفي ناس كتير بتشرب سجاير معندهاش زوق خالص .يعني في شباب مش بش بتشرب في الكليه لا دي بتشرب في المدرج مبترعيش وجود بنات حتتخنق من الدخان ده.
ومره تانيه sorry يابشمهندس .لكن لو عايزيين تشربوا سجاير عالاقل بلاش قدام البنات.

mzm_1991 كتب:اسفه لو كان كلامي قاسي بس اعمل ايه عمري ما اتعويت اشم السجاير بالطريقه دي.وخصوصا اني من بيت مفيش حد فيه بيشرب سجاير خالص فعمري مكنت بشمها الا قليل اوي لكن دلوقتي بقيت طول اليوم دخان السجاير بشمه.
وفي ناس كتير بتشرب سجاير معندهاش زوق خالص .يعني في شباب مش بش بتشرب في الكليه لا دي بتشرب في المدرج مبترعيش وجود بنات حتتخنق من الدخان ده.
ومره تانيه sorry يابشمهندس .لكن لو عايزيين تشربوا سجاير عالاقل بلاش قدام البنات.

ههههههههه انا بهزر و الله انا عارف قصدك كويس
و على فكره انا مش فخور انى بدخن , انا فى ناس كتير من صحابى مبحبش انهم يعرفوا انى بدخن عشان انا عارف انها مش حاجه حلوه , يا ريت أعرف أبطل , منه لله الشيطان ابن التييييييييييييييت
انا كتير بنوى أبطل
يعنى أوقات كتير أبقى نازل الصبح و أقول خلاص مش هجيب سجاير ( بسيب أول محل و أخش أجيب من اللى بعده )

اذا كان الانسان ممتلك للارادة فانه يستطيع ان يفعل ما يظن البعض بل وما يظن هو نفسه انه لن يستطيع ان يفعله
ارجو ان تكون فكرتى وصلت
الظاهرة الغريبة جدا جدا جدا جدا اللى انا ملاحظاها اليومين دول هى ايه.............
ان فى الكلية مثلا
يكون 4 او 5 بنشات كلها شباب
و البنات يا عينى كلها قاعدة على الارض
انا مش بقول ان الشباب يقوموا للبنات
بس بجد من الذوق مثلا ان ما دام هناك بنات تجلس على كرسى مثلا وكفى
مش نلاقى الكراسى كلها امتلاس بالاسكتشات واحنا طبعا مش نعرف نعمل حاجة
واللى حصل معايا بقى انى وصديقتى مش كنا لاقيين مكان
فقالنا ولد بكل (بر...) هدوء معلش المرة الجاية
ايه ده
للدرجة دى الاخلاق العالية
حاجة رائعة جدا
لا وكمان بنتهرس ما شاء الله واحنا على باب المدرج عشان طبعا الشباب لازم يقعدوا
والاغرب ان مفيش حد من الشباب بيقول للمخطىء على خطئه
i'm sorry
but this is the truth

انا اتمنى ان الكدب و النفاق يختفى من حياتنا لانهم بيتعبونى اوى

begad ana ma3aky ya yomna el kedba antashar awy w el wa7ed mb2ash 3aref efr2 el koes mn el we7sh

w modo3 el modaragat da 5alas f2dna el 2ml fe en e7na n23od 3ala el karasy makana el tabe3y b2 el salalem hhhhhhhhhhhhhhhh

nfsy b2a kaman el nas t5aleha fe 7alha w matgebsh fe seret ba3daha 3ashan da beb2 mo2zy awy
w sorry any tawelt 3aleko

بجد يا دعاء عندك حق دى حاجه بقت تكسف لما تلاقى ولد قاعد على البنش وجنبه على الارض فى بنت قاعده ده انا بكسفله وكذا مره الدكتره يحرجوهم بالذوق بس مفيش فايده

انا حقول حاجة بس عشان تحطوها فى بالكم مش اكتر بس ... مش معنى دا انه رايي

ماهو برضه فى بنات بتلاقيها حاجزة بنش كامل لوحدها .. و كل ما واحدة صاحبتها تيجى تقوم مقعداها و يمكن واحد يجي بعدها ب خمس دقايق ميعدش .. و اللى تيجى المحاضرة متاخرة تعد , فيمكن اللى قال الكلام دا كان شايل حاجة فى قلبه ..

بجد يا ايمان انا نفسي بجد الظاهرة دة فعلا تختفي لانها احيانا بتحصل معا يا شخصيا بس في حاجات كدة اخرنا فيها اننا نتمني لها الزوال لكن ما باليد حيلة

* نفسى فى يوم أشوف حمام السلام طاير و حمام الاستسلام مدبوح .
* نفسى فى يوم أشوف حد بيعدى واحد أو واحدة كبيرة فى السن الشارع .
* نفسى فى يوم أشوف واحد بيعاتب صاحبه علشان عاكس واحدة.
* نفسى فى يوم أشوف واحد ساب بنت تركب المواصلات و مركبش هو ( إذا كان الوقت متأخر ) .
* نفسى فى يوم أشوف الناس بتمدح في أى حد و تقول أصله مسلم مش أصله فلان .
* نفسى فى يوم أشوف كل واحد بيقول الحق من غير خوف .
* نفسى فى يوم أشوف كل بنت مقدرة قيمتها كويس بحجابها و عارفة إنها من غيره و لا حاجة فى نظر الناس .
* نفسى فى يوم أشوف نفسى متفوقة و ناجحة علشان أقول للى قال إن الحجاب رجعية أو حتى غطاء على العقول إنه بينور لى طريقى و بيرفعنى فووووووق .
* نفسى فى يوم أشوف الناش بتتعامل مع بعضها من غير شتيمة .
* نفسى فى يوم أشوف الشباب ماشيين من غير سيجارة .
* نفسى فى يوم أشوف كل بنت ماشية فى الشارع و هى مطمنة .
* نفسى فى يوم أشوف الشوارع نظيفة ( أنا لو مسكت هعمل غرامة 1000 جنيه للى يرمى حاجة فى الشارع ) .