شارك برأيك واكتب ظاهرة تتمنى زوالها

انا نفسى نخلص من مشكلة البطاله دى
الواحد لازم لما يتخرج يقعد عالقهوه ( ده زمان لكن دلوقتى بقى فى سايبر )
المهم انه بيطلع عين ...... على ما يلاقى أى شغلانه و يا ريت الشغلانه دى بتبقى شغلانه عليها القيمه لأ دا يا اما بيشتغل فى قهوه يا مبيض محاره يا سواق على تنايه ( و مش بتاعته) مع احترامى للمهن دى بس حرام الواحد يبقى متخرج من هندسه وللا طب و يشتغل الشغلانات دى
لكن ده طبعا لو معندوش وسطه

أنا عارفة إنها بتحصل بس نادرة جداااااااااااااا

رورا اقولك على حاجة روحى موتى احسن
عشان شكل اليوم الغريب جدا ده مش جاى اصلا

مع احترامى ليكى يا ايمان الا انى مش موافقة على اى حاجة انتى قولتيها
اولا:انا قولت انى معنديش مانع الشباب يجلسوا ولكن لا يمكن ان يحجز الولد الواحد بنش كامل ده وجه الاعتراض وقلت انه ينفع يحجز كرسى او اثنين مش بنش؟
ومحصلتش معايا صراحة انى حجزت بنش قبل كده واظن ده واضح جدا خاصة فى محاضرة دكتور اللقانى
ثانيا:بخصوص الولد والبنت فانا اعانى من العكس تماما
فاذا اخطأت مثلا فان من حقى اخى ان يعترض مثلا
ولكن العكس غير صحيح فعندما يخطىء فان ابى وامى من يقوموه وليس انا
انا مش تفرق معايا انه اكبر منى ده انا شايفاه عادى(عندما يخطىء طبعا)
فبالنسبة لوالدىٌ يروا اننى اعترض على اخى الاصغر اما الاكبر فلا
وده خطأ بشع جدا طبعا

دعاء محمود عبد السلام كتب:
واللى حصل معايا بقى انى وصديقتى مش كنا لاقيين مكان
فقالنا ولد بكل (بر...) هدوء معلش المرة الجاية
ايه ده
للدرجة دى الاخلاق العالية
حاجة رائعة جدا
لا وكمان بنتهرس ما شاء الله واحنا على باب المدرج عشان طبعا الشباب لازم يقعدوا
والاغرب ان مفيش حد من الشباب بيقول للمخطىء على خطئه
i'm sorry
but this is the truth

طبعا يا دعاء دي مش رجوله ولا اخلاق انا معاكي انه غلطان

انا ثاني بنادى وبقول انا نفسي ظاهرة التحرش تزول
تخبل كدا هي اختك هي امك هي خالتك او بنت خالتك اوعمتك او بنت عمتك
بجد
تخيلي كدا انا الولد دا اخوكى او والدك او عمك او خالك اوغيرهم من الناس اللي بنحبهم وانحترمهم وبنخاف عليهم
وفي شعار كان المركز المصري لحقوق المراة قالوا في مؤتمر حضرته السن دى

"علشان احنا جدعان هنقضي على التحرش في كل مكان"
والحمد لله كان ليا الشرف ان الحمله اللي اقترحتها في المؤتمر انا وكمان مجموعه من الاصدقاء انها تنجح وتفوز على مستوى المؤتمر ككل وكان شعارنا في الحملة دي
"اعرف حقك وطالب بيه سوا التحرش نقضي عليه"
وهدفنا توعية الشباب بالقوانين خاصة مشروع القانون المقدم لمجلس الشعب في الفترة الاخيرة
اسف لو كنت طولت عليكم بس انا حبيت اقول ليكم ان كل واحد يقدر يعمل حاجه تساعد في القضاء على مشكلة او ظاهره لازم يعملها مش علشان نفسه لا
علشان بيته واهله
علشان اصحابه او حتى جيرانه . . . . . . .

sams0m كتب:

دعاء محمود عبد السلام كتب:
واللى حصل معايا بقى انى وصديقتى مش كنا لاقيين مكان
فقالنا ولد بكل (بر...) هدوء معلش المرة الجاية
ايه ده
للدرجة دى الاخلاق العالية
حاجة رائعة جدا
لا وكمان بنتهرس ما شاء الله واحنا على باب المدرج عشان طبعا الشباب لازم يقعدوا
والاغرب ان مفيش حد من الشباب بيقول للمخطىء على خطئه
i'm sorry
but this is the truth

طبعا يا دعاء دي مش رجوله ولا اخلاق انا معاكي انه غلطان

مرة ملقتش مكان قام ولد قاللى نصيب بقى
طب مش هتقوم حقك لكن تشمت فى ليه؟؟؟؟
مش عارفة أنا بصارحة المفروض أتعامل معاه إزاى ..........

انا نفسى عصبية سائقى السيارات تخف شوية
ما بيستناش يحرك الدركسيون ايدة على طول على الكلاكس لازم هو اللى يعدى الاولومكسلين يحودو ييجو ورا اى حد وتزمير تزمير ابقى عايزة اجيب اى حاجة واحدفة بيها
بس مش كلههم طبعا بس اغلبهم

انت عارف يا سمسوم التحرش اسبابة اية
احنا.اه والله احنا
احنا والله اللي بنسيب بناتنا تنزل من البيت بهدوم لذيذة اوي .انت عارف ميزتها اية .انها لو اتقلعت مبتفرقش كتير لان هي بتبقي زي قلتها.
واحنا بردة اللي سايبين المواقع الاباحية متاحةللجميع طب لية منعملش زي ما السعودية عاملة ونقفل المواقع دة ويمنع اي حد من الدخو ل عليها.
احنا اللي مش عارفين نحل مشكلة البطالة وشبابنا متلقحين علي القهاوي ليل نهار مورهمش حاجة
انا طبعا مش مع التحرش اكيد
دة مشكلة خطيرة جدا وشيئ مقزز للغاية واحتقر اي حد يعملة
بسواحنا بندور علي حل المشكلة لازم نشوف اسبابها علشان ممكن تكون فينا واحنا مش عارفين.

eng:mm كتب:انت عارف يا سمسوم التحرش اسبابة اية
احنا.اه والله احنا
احنا والله اللي بنسيب بناتنا تنزل من البيت بهدوم لذيذة اوي .انت عارف ميزتها اية .انها لو اتقلعت مبتفرقش كتير لان هي بتبقي زي قلتها.
واحنا بردة اللي سايبين المواقع الاباحية متاحةللجميع طب لية منعملش زي ما السعودية عاملة ونقفل المواقع دة ويمنع اي حد من الدخو ل عليها.
احنا اللي مش عارفين نحل مشكلة البطالة وشبابنا متلقحين علي القهاوي ليل نهار مورهمش حاجة
انا طبعا مش مع التحرش اكيد
دة مشكلة خطيرة جدا وشيئ مقزز للغاية واحتقر اي حد يعملة
بسواحنا بندور علي حل المشكلة لازم نشوف اسبابها علشان ممكن تكون فينا واحنا مش عارفين.

و أنا معاك

انا نفسى السلبيه الى عند الناس تزول يعنى لو حد شايف حد بيعمل حاجه غلط يحاول يمنعه

nody كتب:انا نفسى السلبيه الى عند الناس تزول يعنى لو حد شايف حد بيعمل حاجه غلط يحاول يمنعه

+1

w ana kaman ma3aky ya nodety bas da msh hae7sal 3'er lma kol wa7ed ebd2 be nafso

ana nefsy en nzam el ta3lem fe masr et3'aer w ekon mbny 3ala el fehm msh el 7efz 3ashan etla3 mn 3andena 3olma w n2dar nt2dem

طيب رد بسيط على البشمهندسه دعاء



انا شايف حل بسيط جدا لحكايه الاماكن فى البنشات

اه انا مبحبش اقعد فى اول وتانى وتالت بنش

بس الحل سهل فى وجه نظرى ان مفيش حد يحجز لحد وبكده الى يجى بدرى يقعد فى المكان الى عايزه

اما بالنسبه للحكايه الى بتحصل واحنا داخلين المحاضره انا مش راضى عنها خالص لان ده عيب وحاجه تنرفذ جدا بحاول اوعى الطلبه لكده وان كله يدخل باحترام

تصور إن فى التيرم الأول مرة الولاد كانوا سبب فإن بنت تتحبس بين الباب و الحيطة و ماكانتش عارفة تخرج و بصراحة هى صعبت عليا ففضلت واقفة لحد ما عرفت اقفل الباب .......... فعلا حاجة تنرفز

انا معاكى شئ مقزز جدا سواء بنت او ولد بس انا قلت الحل مش عارف جايز يحتمل الخطا

ردا على ام ام

احب اقول ليكم ان المركز المصري لحقوق المرأة
عمل احصائية بتقول ان 98% من البنات التي يتحرش بهن من المحجبات واقصد بالمحجبات "امراة ترتى زي اسلامي "
مش بقول فين ادين
لا انا بقول فين التربية والنخوة والرجوله دا مش كلام وبس والله
انا رايت حالات قلائل في مراكز من مراكز الشرطة في انحاء الجمهوريه كلها
واكثر واكثر في المنازل يخشون التحدث يكتمن في انفسهن ومن ويتكتم الاهالي
ومن اظلم ممن كام شهادة
لا بد وان تصبح كل البنات والنساء نهى رشدى ويصبح كل الرجال كالمشاركون في مثل هذه المؤتمرات والمراكز المختصة
كن واعظا ولو في بيتك ولو بين اصدقاءك ليس اكثر

الحقيقه الظاهره اللى نفسى تحصل هى الاحترام والحياء عند الطرفين
لان الموضوع زاد عن حده
وده اسوه بقول رسولنا الكريم "اذا لم تستحى فافعل ما شئت "

وانا معاكي في دي كمان يا ساره

ردا على بشمهندس سمسم
حضرتك بتقول المستحيل
قف امام الدفعة وقل لهم ان لا احد يحجز لاحد
وشوف حيعملوا فيك ايه؟؟؟؟؟؟؟؟؟؟؟؟
اكيد محدش حيعمل كده خالص
انا لما بحجز بالكتير بحجز 2 او3 بس مش بنش
اما عن الدخول الى المدرج فربنا يستر

اتمنى زوال ظاهرة التسول
صراحة انا ببقى محرجة جدا لما اى حد ييجى يسالنى
ابقى مش عارفة اديله عشان منظرى فى الشارع ولا مديلوش واحرجه
وانا اصلا لا اشجع على التسول الذى اصبح سمة رئيسية فى شوارعنا

دعاء محمود عبد السلام كتب:اتمنى زوال ظاهرة التسول
صراحة انا ببقى محرجة جدا لما اى حد ييجى يسالنى
ابقى مش عارفة اديله عشان منظرى فى الشارع ولا مديلوش واحرجه
وانا اصلا لا اشجع على التسول الذى اصبح سمة رئيسية فى شوارعنا

أنا كمان ببقى محرجة

انا بقي مبرضاش ادي لحد بيشحت في الشارع مهما كان
انتوا عارفين مرتباتهم بتوصل في الشهر 3000 جنية
وللاسف احنا اللي بنديلهم

أنا قولتلكوا قبل كده انى ساكن فى حته اسمها سيدى كرير
سيدى كرير دى فيها حته اسمها شارع البترول لو حد يسمع عنها , شارع البترول ده يعتبر سوبر ماركت مخدرات لجميع الأنواع اللى ممكن تخطر فى بالك ( متخافوش أنا ساكن بعيد عنها فى مساكن تبع شركة كهرباء سيدى كرير ) المهم انا أكتر من مره أكون مروح و راكب مكروباص ألاقى ناس جايه تشحت و يروح جاى السواق ماسكهم من قفاهم و يقولهم امشوا من هنا أنا عارف انكوا بتشحتوا و تروحوا شارع البترول و الموضوع حصل كتير أوى أدامى

معلش أنا بس حبيت أوريكوا أد ايه الناس دى بتشتغلنا

و كمان مره لقيت واحده بتشحت و تانى يوم لقيتها قاعده فى سايبر و الله حصلت أدامى

أنا فعلا مقتنعة تماما إنهم بيمثلوا علينا علشان كده مش بدى حد بس ده ميمنعش إنى ببقى محرجة