كرسى الاعتراف

ايه الصفات اللي لازم تكون في البنت اللي بتحبها؟
وايه الصفات اللي لازم ماتكونش فيها؟

تعمل ايه لو نمره غلط اتصلت بيك و طلعت بنت و لما انت قولتلها ان النمره غلط قعدت تفتح معاك كلام و قالتلك ان عندها مشاكل و تحتاج مساعدتك و طلبت انها تقابلك ؟ هل تروح وللا للأ؟
مع توضيح الأسباب

asmaa كتب:ايه الصفات اللي لازم تكون في البنت اللي بتحبها؟
وايه الصفات اللي لازم ماتكونش فيها؟

الصفات اللى انا عايزها :أول حاجة تكون محترمة و مؤدبة و ملتزمة , مبتكلمش صبيان كتير ( بتاعت الشعب يعنى ) و حتى لو بتعرف صبيان مثلا ميكونوش كتير و يكونو محترمين , افضل انها تكون اقصر منى شوية , بشرتها هادية و ملامحها هادية برضه
مش عايزها تكون حلوة اوى او وحشة .. عادية يعنى , طبعا .. محجبة ... و تكون طيبة و بتفهمنى

aladdin4ever كتب:تعمل ايه لو نمره غلط اتصلت بيك و طلعت بنت و لما انت قولتلها ان النمره غلط قعدت تفتح معاك كلام و قالتلك ان عندها مشاكل و تحتاج مساعدتك و طلبت انها تقابلك ؟ هل تروح وللا للأ؟
مع توضيح الأسباب

انا بالنسبة للبنات مبعرفش افتح حوارات , او يمكن بمعنى اصح مبحبش احور لانى بحس انى بنزل عن مكانتى ( اللى انا راسمها فى خيالى ) ف لو واحدة اتصلت بيا و فى الاخر طلعت النمرة غلط .. حقولها النمرة غلط و السلام عليكم ... مش حكدب برضه .. على حسب حالتى النفسية ساعتها برضه
و معلش.. لو واحدة عايزة مساعدة حتتصل بنمرة غلط ؟

لما تتخرج باذن الله وتروح تخطب واحده انت بتحبها وهى بتحبك و والدك و والدتك ماوفقوش حتعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

eng_مقالب كتب:لما تتخرج باذن الله وتروح تخطب واحده انت بتحبها وهى بتحبك و والدك و والدتك ماوفقوش حتعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا اظن ان والدتى و والدى مش حيرفضوا باذن الله , لانهم عارفين انى مش بعمل حاجة غلط و يوم ما بنقى هههه تبقى على الفرازة

بالنسبة لو رفضوا ... ححاول معاهم , مش حقدر اقول اكتر من كده

لو انت بتحب واحده وحاسس ان هى بتحبك وبعدين لاقيت صاحبك بيقولك ان هو معجب بنفس البنت انت حتعمل ايه وايه رد فعلك ؟؟؟؟؟؟؟؟؟؟؟؟؟؟!!!!!!!!!!!!!!!!!!!!

هههههههههههههههههههههههههه حصلت معايا دي , انى انا و واحد صاحبى نعجب بواحدة
حعمل اية ؟ معرفش

خليها بظروفها

هي الاسئله كلها عن الحب ليه .
انا عايزه اعرف ايه طموحاتك في المستقبل وبتخططله ازاي ومتفائل ولا لا .
انت بتقيم حياتك دلوقتي علي انها ايه حلوه ولا اللي جاي احلي. ولا شايفه ايه
ايه احلي حاجه في الدنيا بالنسبه لك .
ايه هواياتك ورياضتك المفضله وطبعا الفريق.
هل في حكمه اومثل او مقوله انت بتتبعها وحططها قدامك عالطولاو مؤمن بيها اوي .وايه هي.
معلش الاسئله كتير بس انت لسه معرفتناش علي نفسك اكتر.

Mytee : انا بالنسبة للبنات مبعرفش افتح حوارات , او يمكن بمعنى اصح مبحبش احور لانى بحس انى بنزل عن مكانتى ( اللى انا راسمها فى خيالى ) ف لو واحدة اتصلت بيا و فى الاخر طلعت النمرة غلط .. حقولها النمرة غلط و السلام عليكم ... مش حكدب برضه .. على حسب حالتى النفسية ساعتها برضه
و معلش.. لو واحدة عايزة مساعدة حتتصل بنمرة غلط ؟

انا قصدى الموقف بس و بعدين ممكن مثلا تكون كانت بتعيط لما اتصلت بيك

كويس ان بقي في تفاعل مع الكرسي بس انا لما كنت قاعد مكنش في تفاعل
المهم هو مين اللي قاعد دلوقتي علشان نعمل معاة الواجب

mzm_1991 كتب:هي الاسئله كلها عن الحب ليه .
انا عايزه اعرف ايه طموحاتك في المستقبل وبتخططله ازاي ومتفائل ولا لا .
انت بتقيم حياتك دلوقتي علي انها ايه حلوه ولا اللي جاي احلي. ولا شايفه ايه
ايه احلي حاجه في الدنيا بالنسبه لك .
ايه هواياتك ورياضتك المفضله وطبعا الفريق.
هل في حكمه اومثل او مقوله انت بتتبعها وحططها قدامك عالطولاو مؤمن بيها اوي .وايه هي.
معلش الاسئله كتير بس انت لسه معرفتناش علي نفسك اكتر.

1- طموحاتى انى اشتغل فى شركة كبير و يكون منصبى كبير , مش عايز اكون المدير بتاعها ( ساعتها ) لان الموضوع معقد و ووجع دماغ مع انى اصلا بحب التحكم و الادارة , والحمدلله انا متفائل

و انا شايف ان اللى جاى احلى ان شاء الله

احلى حاجة ؟ مش عارف ( بس انا مستنى بنت الحلال )

فريقى المفضل Juventus و الزمالك و رياضتى المفضلة الكورة و البنج و هواياتى ؟ الالكترونيات و اخبارها , حاجات تانية بس مش فاكرها دلوقتى

بالنسبة للمبادئ ففى كتير يمكن منها و اخر واحدة نفذتها ( مش معنى ان غايتك سليمة تبقى وسيلتك مش مهمة , لازم تكون ترضى ربنا ) و للى مفهمهاش يقول

بالنسبة ل معلومات عنى ؟ عايزين اية تانى احطلى صورة ؟

eng:mm كتب:كويس ان بقي في تفاعل مع الكرسي بس انا لما كنت قاعد مكنش في تفاعل
المهم هو مين اللي قاعد دلوقتي علشان نعمل معاة الواجب

موا < يعنى انا بلغة مش فاكر اية

انا كمان بشجع الزمالك.
وبعدين مالك مستعجل علي الجواز ليه.
وبالنسبه للصوره لو مش عايز تحطها اوصف شكلك علي الاقل.
ولو ان خلاص ناس كتير عرفت انت مين مبقناش محتاجين الصوره معانا الاصل

طب كويس ان اسامة هو اللي علي الكرسي
شايف مستقبلنا ازاي في ظل البهدلة وطبعا بقي الازمة الاقتصادية والكلام اللي ملوش لازمة دة

mzm_1991 كتب:انا كمان بشجع الزمالك.
وبعدين مالك مستعجل علي الجواز ليه.
وبالنسبه للصوره لو مش عايز تحطها اوصف شكلك علي الاقل.
ولو ان خلاص ناس كتير عرفت انت مين مبقناش محتاجين الصوره معانا الاصل

لانك متعرفيش انا بعانى قد اية
بالنسبة للصورة , ماشى حبقى احط لينك ليها بس افكر الاول
و مواصفاتى .. يمكن الحاجة المميزة انى اسمر و رفيع و اموووووووووووووووووووووور ( متاكد من التلاتة متقلقوش ) هههه

eng كتب:طب كويس ان اسامة هو اللي علي الكرسي
شايف مستقبلنا ازاي في ظل البهدلة وطبعا بقي الازمة الاقتصادية والكلام اللي ملوش لازمة دة

مع انى لسه شارحها فى القسم العام فى موضوعك بتاع يبقى انتا اكيد معانا روح اقراه عشان مكسل اكتبه تانى

انت بتكتب يايدك اليمين ولا الشمال

بتعمل ايه لو حسيت انك مخنوق و مش طايق تكلم حد ؟
هل لك سيطره على نفسك عند الغضب أم لا ؟

mermaid كتب:انت بتكتب يايدك اليمين ولا الشمال

الحمدلله اليمين

aladdin4ever كتب:بتعمل ايه لو حسيت انك مخنوق و مش طايق تكلم حد ؟
هل لك سيطره على نفسك عند الغضب أم لا ؟

لو حسيت انى مخنوق مش بتكلم ( مع انى اصلا مبحبش اتكلم كتير ) , بعد ساكت و فى حالى و لو حد بيفهم بيعرف

بالنسبة للسيطرة , انا اقدر اتحكم فى نفسى كويس و الحمدلله ( ساعات الناس بتقول عليا بارد ) بس ... المشكلة لما بتكتم غضبك كتير .. ساعات الناس بتفهمها على اساس انها ضعف , فانا بظهر عصبيتى من آن لآخر عشان اثبتلهم عكس النظرية ... بس فى حاجة مبقدرش امسك نفسى فيها ... الا و هيا الغباء

Mytee كتب:

mermaid كتب:انت بتكتب يايدك اليمين ولا الشمال

الحمدلله اليمين

هو مجرد سؤال : هو انت قلت الحمد لله لأن الكتابة بالشمال من وجهة نظرك مش صح ؟؟؟

rora tag كتب:

Mytee كتب:

mermaid كتب:انت بتكتب يايدك اليمين ولا الشمال

الحمدلله اليمين

هو مجرد سؤال : هو انت قلت الحمد لله لأن الكتابة بالشمال من وجهة نظرك مش صح ؟؟؟

زي ما الرسول ( صلى الله عليه و سلم ) قال "تيامنو فإن باليمين بركه" , بس لو انتى خيروكى حتختارى اليمين ولا الشمال؟
مش بالحرف يعنى اكتبوا باليمين , و انا عارف ان كان فى صحابة عسران ( يعنى بيستخدموا ايديهم الشمال كالاساسية ) بس انا افضل و حابب انى بكتب باليمين

و متدقيـــــــــــــش , ثانيا يعنى كل حاجة عدت عادى ماعادا الجزئية بتاعت اليمين دي ؟

ههههههههههههه أصل الموضوع شاغل بالى شوية علشان بسمع كتير ناس بتقول إن الكتابة بالشمال حرام مع إن الطب أثبت وجود سبب علمى للكتابة بالشمال و أنا هنا بتكلم عن الكتابة بالشمال بس مش الأكل و غيره

ومتهيالى انى وضحت الصورة كاملة

آه و متشكرة على اهتمامك بتوضيح الصورة

العفو

انا قايم من الكرسى بكرة الساعة 11:59 مساءا بتوقيت كلية الهندسة العالمى , اللى عنده اى حاجة حابب يسال فيها فيلحق نفسه

أنا عندى سؤال : انت هتقوم الساعة 11:59 صح ؟؟
طب و كام ثانية؟؟؟؟؟