رد: كرسى الاعتراف

من طرف **semsem** الإثنين يونيو 29, 2009 9:53 pm

طيب احتفظى بيها عشان فى صوره اعلان تانى هتنزل قريب هتبقى تعرفيها وابقى برضه احتفظى بالجديده كمان

من طرف so what الإثنين يونيو 29, 2009 10:49 pm

هههههههههههههههههههههههههههه
اكيد ان شاء الله لازم احتفظ بيها هي والجديدة وربنا معاكم يا شباب في المنتدى الجديد ويبقى احلى واجمد ويارب اكون اول واحدة اشوف الاعلان واشارك في المنتدى Smile

من طرف **semsem** الإثنين يونيو 29, 2009 11:45 pm

ان شاء الله ويارب ديما متجمعين على خير

من طرف so what الثلاثاء يونيو 30, 2009 4:55 am

امين يا سمسم

من طرف mirage الخميس يوليو 02, 2009 3:51 pm

مش رورا اللى عليه الدور ولا ايه
Question

من طرف نيمو الخميس يوليو 02, 2009 10:43 pm

ايوة مظبوط رورا هى اللى عليها الدور

من طرف rora tag الجمعة يوليو 03, 2009 1:44 am

هو إسبوع سو وات خلص ؟؟؟

إذا كان خلص فأنا مستعدة للأسئلة ....

و ربنا يستر Suspect

من طرف mirage الجمعة يوليو 03, 2009 8:36 am

اولا برحب بيكى يا رورا على كرسى الاعتراف
اول سوال ليكى انتى عاوزه تدخلى قسم ايه

من طرف rora tag الجمعة يوليو 03, 2009 8:39 am

عمارة بإذن الله

حلو السؤال ده بس ياريت مايكونش الهدوء الذى يسبق العاصفة Suspect

من طرف mirage الجمعة يوليو 03, 2009 8:43 am

اطرف موقف حصل فى حياتك
اكتر موقف محرج فى حياتك
اكتر موقف زعلتى منه

من طرف rora tag الجمعة يوليو 03, 2009 11:56 pm

أطرف موقف :::
مش فاكرة بصراحة

أكتر موقف محرج :::
كنا فى الكلية و إتأخرنا فالأبواب كلها اتقفلت ماعدا باب الملاعب و الدنيا كانت شمس فعدينا الشارع و بعدين و إحنا ماشيين شوفنا حد مكناش نتوقع إننا نشوفه فى الوقت ده و المكان ده و المشكلة إن وجودنا هناك ممكن يتفهم غلط تماما فده سبب لينا إحراج

أكتر موقف زعلنى :::
إنى فى إعدادى كنت خاصمت صحابى و بعد كده فى ثانوى اكتشفت إنهم بيحبونى و إن أكتر واحدة كنت زعلانة منها عملت معايا موقف حلو جدا يمكن إذا كانت حد تانى مكنش الموقف ده هيأثر فيا بس عشان أنا حسيت إنى كنت ظلماها

من طرف mermaid السبت يوليو 04, 2009 1:00 am

اهلا رورا
يارب تكونى مرتاحة على الكرسى
واجبى كصاحبتك يحتم عليا اسالك اسئلة جميلة جدا

1_ انتى مين اكتر شخصية اثرت فيكى ؟
2_كنتى جايبة كام فى الثانوية ؟
3_انتى حاليا بتعملى حاجة انتى مدايقة منها ؟
4_اية رايك فى الناس اللى بترتبط بحد اصغر منها او غير مناسب ليها رغما عن انف الجميع ؟
5_اية رايك فى الشخص اللى بيعاند؟

من طرف rora tag السبت يوليو 04, 2009 1:42 am

1 . أظن إن أكتر شخصية أثرت فيا مدرسة الخط بالرغم من إن معرفتى بيها كانت 3 بس قبل ما تتوفى إلا إن فضلها عليا كبير جدا لأنها بدأت معايا من الصفر و وصلت بيا للقمة أنا و واحدة صاحبتى و اللى أثر فيا أكتر إنها توفت بعد نتيجة آخر مسابقة اشتركت فيها بحوالى إسبوع و كنت أخدت المركز الأول على المحافظة أنا و صاحبتى فده خلانى أحس إن ده هو واجبها اللى اتخلقت عشانه إنها تعلمنا الخط و توصل بينا للقمة و الدور الباقى علينا و هو إننا نستغل ده فى الخير أحسن استغلال .....

2 . ليه الإحراج ده بس ؟؟؟ Embarassed

أنا كنت جايبة 91.2 % - بس على حد علمى إنى اتظلمت جامد جدا فى الإحصاء - .....

3 . scratch

أنا مش فاهمة السؤال

4 . أظن إن السؤال ده عبارة عن سؤالين
الأول : إن واحدة يرتبط بواحد أصغر منها ( أظن إن ده قصدك من السؤال ) ... و أنا شخصيا شايفة إن إذا كان الفرق قليل فمفيش مشاكل مادامت شايفة إن اللى هى بترتبط بيه مناسب ليها

الثانى : إن واحدة ترتبط بواحد غير مناسب ليها ... أظن إن ده غلط لأن المفروض اللى بيرتبط بحد لازم يرتبط بحد مناسب ليه

5 . على حسب سبب العناد يعنى إذا كان اللى بيعاند ده بيعاند دفاعا عن مبدأ ما بيؤمن بيه فأنا أحترمه أما إذا كان بيعاند تكبرا منه أو بمعنى أصح رفضا للاعتراف بالخطأ فده أنا ضده تماما

من طرف mermaid السبت يوليو 04, 2009 1:47 am

طب لو مؤمن بمبدا والناس كلها شايفة انة غلط وهو الوحيد اللى شايفة صح يبقى دة صح

من طرف rora tag الأحد يوليو 05, 2009 3:07 am

بصراحة سؤال صعب لأنه يحتمل الإجابتين و هقولك مثال - مجرد مثال - :::

1 . واحد مش مسلم قعد يفكر بينه و بين نفسه لحد ما اقتنع بالإسلام بس كل اللى حواليه مكنوش مسلمين و قعدوا يحاولوا يقنعوه إنه غلط

2 . واحد مسلم بس إيمانه ضعيف و ده خلاه يفكر يرتد عن الإسلام - حاشا لله - و كل اللى حواليه كانوا مسلمين و إيمانهم قوى و قعدوا يقنعوه إنه غلط

هنلاقى إنه فى الحالة الأولى إذا الشخص ده ماعاندش هيخسر كتير
و فى الحالة التانية إذا الشخص عاند هيخسر كتير برده

ياريت تكون الصورة وضحت

من طرف **Mytee** الأحد يوليو 05, 2009 4:58 am

اهلا رورا

سؤالى المعتاد للجميع

انتى مين؟ عايزة تبقى اية؟ مين الشخصية المثالية عندك؟
مين اكتر صحابى او صحابية ليها معزة خاصة عندك؟؟
اية اكتر شخصية "صفة" بتكرهيها و بتحبيها؟؟
مين اكتر شخصية حالية شايفاها قدوة ؟ للمسلمين عامة
اية احسن صفة انتى شايفاها فى نفسك؟ و اسوء صفة؟
شايفة نفسك فين كمان 15 سنة؟

و اخيرا .. هل بتحبى البتنجان ؟ Very Happy

من طرف **sams0m** الأحد يوليو 05, 2009 7:15 am

رورا
انا مش هسالك عن حاجه انا بس عاوز كل اللى في المنتدى يعرف رورا في كام سطر كدا

من طرف nourgy الأحد يوليو 05, 2009 4:46 pm

رورا

انتي اسمك ايه الحقيقى ؟

ايه هى اهم الصفات فى الشخص اللى هترتبطى بيه فى المستقبل ان شاء الله و تكملى معاه؟

هدفك فى الحياه ايه؟

حسك نفسك ممكن تغيرى فى المجتمع اللى حولينا؟

هتسمى ولادك ايه ان شاء الله؟

اكتر مقوله بتؤمنى بيها؟

بتحبى ولا لا ؟
و لو بتحبى ايه هيا حدود العلاقه دي"؟
(لو مش عايزه تجوبى مش شرط)

مين اكتر حد ساعدك فى الكليه ؟

بيتهيئلى كفايه كدا

و معلش بقى انتى اول بنت اسالها

من طرف rora tag الأحد يوليو 05, 2009 8:56 pm

Mytee كتب:اهلا رورا

سؤالى المعتاد للجميع

انتى مين؟ عايزة تبقى اية؟ مين الشخصية المثالية عندك؟
مين اكتر صحابى او صحابية ليها معزة خاصة عندك؟؟
اية اكتر شخصية "صفة" بتكرهيها و بتحبيها؟؟
مين اكتر شخصية حالية شايفاها قدوة ؟ للمسلمين عامة
اية احسن صفة انتى شايفاها فى نفسك؟ و اسوء صفة؟
شايفة نفسك فين كمان 15 سنة؟

و اخيرا .. هل بتحبى البتنجان ؟

أنا إنسانة مسلمة عربية مصرية ربنا - سبحانه و تعالى - خلقها عشان تعمر الأرض ..... عايزة أبقى مهندسة معمارية ناجحة جدا و كل اللى يتقال عليا إنى دى مهندسة مسلمة عربية مصرية و إنى أعمل إنجازات فى المجال ده ..... أنا شايفة إنه مفيش يعنى مثلا ممكن شخصية تعجبنى فيها حاجة و متعجبنيش فيها حاجة تانية لأن كلنا بشر بس عموما الشخصية المثالية من وجهة نظرى ::: تكون عارفة ربنا كويس و بتخافه و تكون بطيئة الغضب يعنى بتغضبش بسرعة سريعة الرجوع عن حالة الغضب و يكون عندها مراعاة لمشاعر الناس و ماتخافش من الحق و بتقوله بكل صراحة

سيدنا عمر بن الخطاب - رضى الله عنه - / السيدة خديجة - رضى الله عنها -

أنا اللى فهمته من السؤال ده إنك عايز صفة واحدة بحبها و بكرهها فى نفس الوقت إذا كان ده قصدك فأظن إن الصفة دى هى الرقة يعنى الرقة دى صفة حلوة بس بحسها ضعف

سؤال صعب بصراحة بس ممكن تقول إن شخصية الفلسطينى المجاهد اللى بيقاوم الاحتلال و صابر على البلاء هى أكتر شخصية

و ده سؤال أصعب ..... و أسوأ صفة فيا إنى لما بتعصب بزعل اللى حواليا منى أما أحسن صفة فمش عارفة بصراحة

شايفة نفسى مهندسة معمارية - أنا عارفة إنكوا زهقتوا من كلمة مهندسة معمارية بس أعمل إيه ده هدفى - ناجحة و هنا فى مصر مش فى أى بلد تانى

هههههههههه ..... البتنجان كأكل مش بحبه أوى يعنى عادى بس باكله

sams0m كتب:رورا
انا مش هسالك عن حاجه انا بس عاوز كل اللى في المنتدى يعرف رورا في كام سطر كدا

ماشى .....
أنا رورا طالبة معاكوا فى هندسة إسكندرية كنت فى إعدادى و إن شاء الله السنة اللى جاية أكون فى أولى عمارة ليا أهداف كتير جدا نفسى أحققها نفسى أطلع ببلدى لفوق ... نفسى يكون ليا دور إيجابى فى المجتمع .......
كفاية كده مش عارفة أقول إيه تانى

nourgy كتب:رورا

انتي اسمك ايه الحقيقى ؟

ايه هى اهم الصفات فى الشخص اللى هترتبطى بيه فى المستقبل ان شاء الله و تكملى معاه؟

هدفك فى الحياه ايه؟

حسك نفسك ممكن تغيرى فى المجتمع اللى حولينا؟

هتسمى ولادك ايه ان شاء الله؟

اكتر مقوله بتؤمنى بيها؟

بتحبى ولا لا ؟
و لو بتحبى ايه هيا حدود العلاقه دي"؟
(لو مش عايزه تجوبى مش شرط)

مين اكتر حد ساعدك فى الكليه ؟

بيتهيئلى كفايه كدا

و معلش بقى انتى اول بنت اسالها

أنا رورا تاج و اللى عايز يعرف اسمى الحقيقى هيعرفه بسهولة جدا من غير ما يسأل أى حد

إنه يكون ملتزم - دى أهم حاجة - / صادق / عملى على شوية رومانسى / أكيد يقدر يوفرلى حياة كريمة / يحترمنى / يكون فى توافق ........

إنى أتفوق فى دراستى و لما أتخرج أشتغل عشان أفيد بلدى بالعلم اللى اتعلمته و إن يكون ليا دور فى تربية الجيل الصاعد تربية صحيحة و إنى أكون وسيلة من وسائل نصرة الإسلام

مش ممكن ده أكيد إن شاء الله

هههههههههه ..... أكيد مش أنا لوحدى اللى هقرر بس عموما أنا نفسى إذا جبت بنت أسميها رويدا و إذا جبت بنت تانية أسمييها روينا أو أى حاجة على وزن رويدا
و السبب إن الاسم ده على وزن اسم مدرسة درستلى عربى و أنا 4 و 5 إبتدائى و بعزها جدا

اسع يا عبد و ليسع الله معك ... و الآية القرآنية " ادفع بالتى هى أحسن فإذا الذى بينك و بينه عداوة كأنه ولى حميم " ... الحق كالزيت يطفو دائما فوق ... الساكت عن الحق شيطان أخرس

بصى أنا مش بكلم ولاد و مالييش أى تعاملات مع ولاد

مش عارفة بصراحة بس على ما أظن أخويا مع إنه مشرحليش غير الاحتراق بس هو الوحيد فى البيت اللى وقف معايا لما كنت عايزة أدخل علمى رياضة و هو اللى شجعنى إنى أدخل عمارة و كمان كان بيرفع معنوياتى أيام الامتحانات و لما أى نتيجة تظهر... و طبعا مقدرش أنسى المنتدى هنا لأنه أفدنى كتير جدا

و إسألى براحتك

من طرف mirage الأربعاء يوليو 08, 2009 4:59 am

مين اللى عليه الدور فى الكرسى Question

من طرف **semsem** الأربعاء يوليو 08, 2009 6:21 am

شريف الى عليه الدور وانهرضه كان اول يوم له

الى عايز يسال يسال وهو هيرد ان شاء الله اكيد بس اعذروه لو مردش الا على يوم الخميس لان المسابقه يوم الخميس فهو مشغول جدا ناو

اسالوا وهو هيجاوب ان شاء الله يوم الخميس باليل

من طرف alex الأربعاء يوليو 08, 2009 8:12 am

حلوه اوى يا جماعه اللعبه دى انا تقريبا اول مره اشوفها
شكلى اول حد يسال شريف
عشان كده مش هتقل عليه ربنا يوفقه فى المسابقه

على فكره انا مش بعرف اسال اوى يعنى بس هحاول

اولا ايه القسم اللى نفسك تدخله وليه (بصرف النظر عن مجموعه)؟

ثانيا ايه هواياتك والبرامج اللى بتحب تشوفها فى التليفزيون؟

ثالثا ايه اكتر حاجه تحب توصلها فى حياتك وايه طموحك؟

رابعا هل دخلت كليه الهندسه لانك حاببها ولا عشان مستخسر المجموع وليه ؟

خامسا لو عرفت ان فى اله ترجعك لازمنه فاتت ايه هو الزمن اللى تحب ترجع تشوفه وتعيش فيه وليه؟

سادسا لو جالك عقد انك تسافر تشتغل بره وكان مغرى جدا وفى نفس الوقت جالك شغل هنا فى اسكندريه هتسافر ولا تفضل تكون هنا وليه؟

سابعا ايه اكتر صفه بتلفت نظرك لانسان بتشوفه لاول مره (الجواب يكون مره للولد ومره للبنت)؟

ثامنا لو عرفت انك كسبت مليون دولار ايه اكتر حاجه تحب تعملها بالفلوس د ى وليه ؟
طب لو عرفت ان حصل خطا بعد كده والمفروض ان حد تانى الل هياخد الفلوس هتزعل عليها طب وليه؟

تاسعا تعرف ايه عن التضحيه وايه مكانها الصحيح ومين اكتر حد تحب تضحى عشانه؟

عاشرا ايه اكتر مرحله حلوه دايما تفتكرها ونفسك يرجع ولو يوم واحد فيها؟ وايه اكتر حاجه كانت صعبه فى حياتك غير ايام المسابقه لانى حاسه انك ممكن تقولها؟

ايه اسعد خبر جالك فى حياتك؟
ولو قابلتك مشكله ازاى تفكر تحلها وهل ممكن تقول عليها لحد من اهلك اوحد من اصحابك؟

طب لو المشكله جامده تفضل تحكى لمين؟

ازاى بتحكم على شخصيه اللى قدامك وهل بتعرف تفهمه ؟ هل ممكن تسامح اللى بيغلط فى حقك ولا صعب ؟

يه اكتر موقف ممكن تحس انك ضعيف فيه وهل ممكن تضعف ادام شخص معين ومين هو الشخص ؟طب والموقف اللى ممكن تحس فيه بقوه ومين الشخص اللى بتحس بقوه ادامه؟

شريف لو اصبحت فيما بعد رئيس الجمهوريه اختار حاجه واحده بس ممكن تعملها اوتغيرها فى البلد؟ بس قولى الاول تتمنى تكون رئيس جمهوريه ولا لأ وليه؟

لقيت فى حياتك صاحب بمعنى كلمه صاحب (بصراحه)؟؟؟؟؟؟؟؟

السؤال السابع عشر............................................................... فاضى ولا ايه

ايه اكمل ولا كفايه كده اكيد شكلك زهقت منى وقلت انا ايه اللى خلانى اقعد على الكرسى
عموما لو فى اى سؤال مش عايز تجاوب عليه او اى سؤال ضايقك او زهقت اصلا او مش فاضى ربنا معاك ممكن ما تجاوبش ( ملحوظه مش اكتر من سؤال ممكن تسيبه)

انا شكلى فاضيه وهكمل اساله بس كفايه كده (مؤقتااااااااااااا)

وربنا معاك فى المسابقه

والسلام عليكم ورحمه الله وبركاته

ادى اخره الكرسى

من طرف cairo الأربعاء يوليو 08, 2009 9:29 am

بجد يا اليكس اسئلتك جميلة اوى فعلا وأسلوبها حلو أوى
انا مش عارف اسال بعدك ايه بس انا مصمم أسأل بردو

فيما لا يزيد عن خمسه أسطر
قولى مين هو شريف من وجهة نظرك؟

لو كنت قاعد ولقيت نفسك زهقان ممكن تسلى وقتك ازاى وبايه؟

وربنا معاك ويوفقك يا شريف كلنا بندعيلك

من طرف mermaid الأربعاء يوليو 08, 2009 7:14 pm

انا عندى سؤالين بس
انت ازاى عرفت بمسابقة فقة اللغة او بمعنى تانى اشتركت فيها ازاى ؟
هل تم تكريمك فىمصر ؟

وربنا يوفقك

من طرف eng_bosy الجمعة يوليو 10, 2009 7:36 am

شريف احب اقولك ربنا يوفقك
وهسألك بس مش هتقل عليك
1- قد ايه حسيت بحب مصر وانت في المسابقة وبتمثلها؟
2- ايه اجمل صفة شايفها في نفسك و اسوأ صفة؟
3- هل في بنت لفتت نظرك في الكلية؟
كفاية لحد ما افتكر حاجة تانة