كرسى الاعتراف

احب اسال سو وات
اكتر موقف ضايقك فى حياتك
واكتر موقف محرج فى حياتك

so what enty hatshofy ayam




akeeed zay el 3asal


ana 3momn mawgood elly ye7eb yes2lny in any time ana mawgood we mosh 3andy man3

Mytee كتب:اهلا بالحبايب

انتى مين؟
عايزة اية؟ اية اللى دخلك الكلية ؟ نفسك تبقى اية؟
اية احلامك ؟
شايفة نفسك اية كمان 10 سنين؟
اية اكتر حاجة بتزعلك؟ و اية اكتر حاجة نفسك تغيريها ؟
اية اكتر حاجة تفرحك ؟

كفاية كدا دلوقتى و بعدين نخش فى التقيل

*انا مها بنت من اسكندرية في كلية هندسة بحب الهزار بس مش في كل الاوقات
*عايزة اكون ضيف خفيف عالدنيا بس عايزة ازيد عليها مش اكون زيادة يعني مش عايزة اروح زي ناس كتير محدش بيفتكرهم ولا يدعيلهم اللي جاية دي صعبة بس مش عايزة جنازتي تكون فاضية
اللي دخلني الكلية اني حسيت اني هلاقي فيها نفسي لان فيها كل المواد اللي بحبها او ممكن احبها واهتم بيها وحاسة انها المكان الوحيد اللي ممكن اعمل فيه حاجة
ونفسي اوصل لمنصب او اعمل حاجة اكون اول مسلمة عربية تعملها والغرب يستعينو بينا فيها
*كمان عشر سنين يعني ان شاء الله يكون عندي 28 سنة اممممممم شايفة نفسي شخصية ناجحة قادرة تدير حياتها وشغلها وعندي خبرات كتير تخليني ادير شغلي بتلقائية
*اكتر حاجة بتزعلني اني اكون وحيدة واني احيانا بكون عصبية لكن الحمد لله اتغيرت كتيييييير من ساعة ما دخلت الكلية وبقيت اهدى واكتر حاجة تفرحني لما صحابي يزيدو وحاجة تانية لما الاقي حد من بلدي ناجح اوي بفرح جدا واتمنى يكون افضل مني

كفاية كده ايه اللك ده
وادخل في التقيل براحتك (مش اوي يعني)

mirage كتب:احب اسال سو وات
اكتر موقف ضايقك فى حياتك
واكتر موقف محرج فى حياتك

اكتر موقف ضايقني في حياتي كان الصيف اللي قبل اللي فات اخويا الصغير تعب جدا وحسينا انه هيموت ومحدش كان قادر يساعده اختي صيدلانية وكانت واقفة مش قادرة تعمل حاجة النتيجة كانت لسه مطلعتش اتمنيت ساعتها من كل قلبي اني ادخل طب لكن مجموعي خاني (الحمد لله) ساعتها كان هيجرالي حاجة وفضلت اعيط بشكل متواصل حوالي ثلاث ايام حسيت اني خذلته وان ده كان واجب عليا ومعملتوش بس دلوقتي بحمد ربنا لاني كنت هحرم نفسي من الكلية اللي بحبها وكان ممكن ادخل طب وافشل فيها لانها مش مجالي وساعتها صدمتي كانت هتبقى اكبر
يااااااااااااااااااااااه انا كتبت كل ده معلش بس الموضوع ده اول مرة احكيه لاي مخلوق وماثر فيا اوي
اما اكتر موقف محرج فالصراحة مفيش موقف محدد لاني بنسى بسرعة

طيب اانا بقالي كتير مسالتش وبعيد عن الموضوع دة
لكن الموضوع يشجع المهم
مها
1-تحبي تضربي مين بالالم يعني ممكن شخصية معينة او نوع معين من الشخصيات
2-اكتر حاجة بتشوفيها في الشارع وبتضايقك ونفسك تغيريها
3-لما بتبقي مضايقة بتعملي ايه او بتروحي فين او تكلمي مين
4-اكتر عيب فيكي بصرااااااااحة

eng:mm كتب:طيب اانا بقالي كتير مسالتش وبعيد عن الموضوع دة
لكن الموضوع يشجع المهم
مها
1-تحبي تضربي مين بالالم يعني ممكن شخصية معينة او نوع معين من الشخصيات
2-اكتر حاجة بتشوفيها في الشارع وبتضايقك ونفسك تغيريها
3-لما بتبقي مضايقة بتعملي ايه او بتروحي فين او تكلمي مين
4-اكتر عيب فيكي بصرااااااااحة

1-لو هضرب بالالم فاكيد الشخصية المخادعة وخصوصا لما بحس ان عندهم الخداع لمجرد الخداع وكمان الاشخاص اللي بيستغلو مناصبهم بشكل سييء سواء كانت مناصبهم كبيرة او صغيرة
2-اكتر حاجة بشوفها وبتضايقني الاهمال اللي وصل لكل حاجة واللا مبالاة اللي بدأت تدخل مجتمعنا يعني لما حد يشوف حاجة غلط اوحد محتاج مساعدة يقول وانا مالي انا عارفة ان فيه ناس مش كده بس انا بقول ان الحكاية بدأت تنتشر حاجة تانية شايفة ان الاطفال المرضى ذهنيا مش بياخدوا رعاية كافية في بلدنا ولسه الناس مش بتتعامل معاهم بشكل طبيعي على الرغم انهم بقوا ظاهرة منتشرة للاسف
3-4-لما بكون مضايقة مش بحب اكون لوحدي ابدا وبحاول اتخطى الشعور ده باي شكل ممكن اعمل حاجة جديدة اشتري حاجة جديدة وبقعد اغني واهزر كتيييييير اكتر وقت بكون متضايقة فيه هو اللي بقعد اهزر فيه زيادة عن اللزوم وهو دا يمكن اكتر عيب فيا ان محدش بيعرف انا بفكر في ايه ولا زعلانة ولافرحانة وبعدين فجأة انفجر على حاجة تافهة اوي من كتر الضغط فالناس تحس اني غلطانة واني بتعصب على حاجات فارغة ويقولولي سكتي على حاجات كتير جاية تتعصبي في دي والصراحة دي حاجة بحاول اغيرها

انتى طبعا فى كلية هندسة
عاوزه تدخلى قسم ايه

so what
خليني اسالك
1- ايه اكثر حاجه ممكن تضايقك في حياتك ؟ ؟ ؟ ؟ ؟
2- مين اكثر انسان او انسانه قريب منك في حياتك ؟ ؟ ؟ ؟ ؟ ؟
3- عمرك حبيتي حد فيي حياتك لدرجة انك ماتبقيش قادره تستغني عنه ؟ ؟ ؟ ؟
4- لو عمرك ما حبيتي حد عندك استعداد تحبي ولا ؟ ؟ ؟ ؟ ؟ ؟
5- بتتمني ايه من ربنا دلوقتي وانتي بتجاوبي عل السؤال ده ؟ ؟ ؟ ؟ ؟



كفايه كدا عليكي يا مها

اه نسيت اقول ليكي ان ده بس فاصل





ونواصل

mirage كتب:انتى طبعا فى كلية هندسة
عاوزه تدخلى قسم ايه

انا كان نفسي ادخل قسم كمبيوتر لكن طبعا مش لازم كل حاجة يتمناها الانسان يحصل عليها والمفروض يتأقلم مع الوضع الجديد عشان كده انا حاليا بفكر في قسم عمارة بس لسه مستقريتش

sams0m كتب:so what
خليني اسالك
1- ايه اكثر حاجه ممكن تضايقك في حياتك ؟ ؟ ؟ ؟ ؟
2- مين اكثر انسان او انسانه قريب منك في حياتك ؟ ؟ ؟ ؟ ؟ ؟
3- عمرك حبيتي حد فيي حياتك لدرجة انك ماتبقيش قادره تستغني عنه ؟ ؟ ؟ ؟
4- لو عمرك ما حبيتي حد عندك استعداد تحبي ولا ؟ ؟ ؟ ؟ ؟ ؟
5- بتتمني ايه من ربنا دلوقتي وانتي بتجاوبي عل السؤال ده ؟ ؟ ؟ ؟ ؟



كفايه كدا عليكي يا مها

1-اكتر حاجة ممكن تضايقني اني اخسر حد من صحابي او احس ان حد مظلوم وانا مش قادرة اعمل حاجة
2-اكتر حد قريب مني اختي الكبيرة وبعدها ماما لكن اكتر حد بعزه اوي اخويا الصغير
3-اخويا الصغير
4-دلوقتي اكيد لا انا شايفة (ده رأيي) ان احنا صغيرين اوي على اننا نحكم بشكل سليم
5-بتمنى من ربنا انه يوفقني للقسم اللي فيه الخير ليا ويشفي كل مريض

وواصل براحتك ولا يهمك وانا مستنية

فيه حد ضايقك قبل كده فى الكلية
نفسك تشتغلى بعد التخرج فين
عاوز تشتغلى فى بلد اجنبيه ولا لا
انتى عايزه تزور دولة ايه ومدينة ايه
لومكنتيش مصريه كان نفسك تكون جنسيتك ايه

mirage كتب:فيه حد ضايقك قبل كده فى الكلية
نفسى تشتغلى بعد التخرج فين
عاوز تشتغلى فى بلد اجنبيه ولا لا
انتى عايزه تزور دولة ايه ومدينة ايه
لومكنتيش مصريه كان نفسك تكون جنسيتك ايه

-لا الحمد لله انا بحاول على قد مقدر اني مكسبش عداوات
-دي مفكرتش فيها لاني لسه معرفش النتيجة ومعرفش هدخل ايه بس الصراحة مش هتفرق معايا المهم اشتغل شغل احبه واحقق طموحاتي بالدراسة والنت مش لازم عن طريق الشغل او عن طريق منصب محدد
-لا معتقدش اني ممكن اشتغل في بلد تاني لاني شوفت الحكاية دي في عيلتي وصعب اللي يشتغل بره يرجع يلاقي مكانه هنا هيتعب كتييييير اوي ويندم انه ما بدأش هنا كان زمانه اثبت وجوده هنا لان مسيره يرجع هنا
-نفسي ازور سوريا لاني حاسة انها قريبة اوي مننا في كل حاجة ونفسي ازور البيوت القديمة اللي هناك لما شوفتها في مسلسل نزار قباني وباب الحارة بقيت هموت واشوفها اما مدينة نفسي اروحها السويس رحتها وانا صغيرة بس الصراحة نسيتها ونفسي اشوفها تاني
-لو مكنتش مصرية كنت اتمى ابقى من اي دولة عربية لكن الحمد الله انا في افضلهم والحمد لله اني مصرية

بس السويس عموما مش حلوه او يعنى مفيهاش شئ يشد او شئ حلو الا القناه والبحر هناك ومنظر السفن

انا قلت ده تعليق لانى رحتها قبل كده

ههههههههههههههههههههههههههههههههههههههه
مشكور يا سمسم بس انا عايزة اروحها لان ليا خال هناك مشفتهوش من سنييييييييييييييييييييييييييييييييييين

لا يبقى لازم تروحى

ممكن ارشح نفسي للاسبوع الجاي؟

لا قدامك طبور كبير

انتى دورك بعد كل من

رورا
شريف السيد
نيمو
وبعدين انتى بسمه

ايه ياعم سمسم
انا رحت فين
انا قلتلك من زمان

ياجماعه معلش عشان نسيت
هو ده الاسبوع بتاع مين

على ما اتذاكر تقريبا رورا
حد يقولى صح ولا لاء

اسف ميراج



الترتيب كالاتى يا جماعه

رورا
شريف السيد
نيمو
ميراج
بسمه



الاسبوع ده الى شغال بتاع سو وات

sowhat
كنت عاوزة اسالك

1-ايه اكبر جرح اتجرحتيه ومتقدريش تنسيه ابدا ؟ومين هو اللى جرحك؟ (اذا امكن) ومش عاوزة اسامى يعنى اقصد حد من اصدقائك اخواتك مامتك باباكى كده يعنى مش حد معين

2-ايه اكتر اكله واكتر فاكهه بتحبيها ؟

3-ايه الكليه اللى كنتى تتمنى تدخليها لو مكنتيش دخلتى هندسه؟

4-لما تتخرجى بتفكرى تسافرى ولا تشتغلى فى بلدك؟(ده على اساس ان الشغل بالهبل يعنى )

5-انتى اهلاويه ولا زملكاويه؟؟؟


كفايه كده لحد ما افكرلك فى اسئله تانيه

نيمو كتب:sowhat
كنت عاوزة اسالك

1-ايه اكبر جرح اتجرحتيه ومتقدريش تنسيه ابدا ؟ومين هو اللى جرحك؟ (اذا امكن) ومش عاوزة اسامى يعنى اقصد حد من اصدقائك اخواتك مامتك باباكى كده يعنى مش حد معين

2-ايه اكتر اكله واكتر فاكهه بتحبيها ؟

3-ايه الكليه اللى كنتى تتمنى تدخليها لو مكنتيش دخلتى هندسه؟

4-لما تتخرجى بتفكرى تسافرى ولا تشتغلى فى بلدك؟(ده على اساس ان الشغل بالهبل يعنى )

5-انتى اهلاويه ولا زملكاويه؟؟؟


كفايه كده لحد ما افكرلك فى اسئله تانيه

1-بصي اكيد في موقف جرحني بس انا بفضل اني انسى وده عشان نفسي اولا واخيرا مش هستفيد حاجة لما افكر نفسي بالحاجات اللي زعلتني الواحد لما بيفتكر اللي مزعله بيحس كأن الموقف عمال يتكرر ميت مرة طب وعلى ايه
2- هههههههههههههههههههههه السؤال ده صعب اوي يا نيمو لان ماليش في الاكل خااااااااااااااااااالص لكن الحاجة الوحيدة اللي متأكده اني بحبها هي الميه واي نوع عصير تقريبا مش بمشي من غيرهم خصوصا الميه
3-لو مكنتش دخلت هندسة اكيد كنت هادخل تجارة لاني حاسة انها كلية لذيذة اوي (طبعا مش احلى من هندسة) بس اكيد كنت هاحبها وكانت هتبقى احلى كلية عندي
4-زي ما قولت قبل كده انا مش ناوية اني اسافر بره ان شاء الله
5-تقدري تقولي منتخبيوية لان ماليش في الكورة خااااااااااااااااااااالص

وافتكري اسألة براحتك وانا مستنية

بم ان ده اخر يوم ليكى على الكرسى فانا عايز اسال بقى لانى احب اسال فى الاخر

ايه اجمد صفه فيكى
مين فارس الاحلام الى ممكن تحلمى بيه وتلاقيه
انتى بتتعاملى ازاى مع الناس الى متعرفيهمش
حسيتى باياه من اساله الاعضاء الى سالوكى
اكبر امنيه بتتمنيها من ربنا فى حياتك
لو حد احسن منك درسيا او علميا او فى حاجه معينه ايه الشعور منك نحيته
ايه احلى هديه جاتلك فى حياتك
بس انا مش هسال تانى لان ده الاطار المسوح ليه بيه

semsem كتب:بم ان ده اخر يوم ليكى على الكرسى فانا عايز اسال بقى لانى احب اسال فى الاخر

ايه اجمد صفه فيكى
مين فارس الاحلام الى ممكن تحلمى بيه وتلاقيه
انتى بتتعاملى ازاى مع الناس الى متعرفيهمش
حسيتى باياه من اساله الاعضاء الى سالوكى
اكبر امنيه بتتمنيها من ربنا فى حياتك
لو حد احسن منك درسيا او علميا او فى حاجه معينه ايه الشعور منك نحيته
ايه احلى هديه جاتلك فى حياتك
بس انا مش هسال تانى لان ده الاطار المسوح ليه بيه

-اجمد صفة فيا (من وجهة نظري والله اعلم)اني مش بحب ازعل حد وبنسى بسرعة ولو حد عمل معايا جميل ولو صغير مش بنساه ولازم ارده ودا احيانا بيزعل مني صحابي لانهم بيلاقوني بدافع عن ناس ممكن اكون اعرفهم من خمس دقايق ولو ضد صحابي
-فارس احلامي اكيد شاب محترم ومتدين وذكي مش من النوع اللي كل همه اللبس والموبيلات اهم حاجة انه يكون شخص يقدر يتحمل المسئولية ويعتمد عليه
-الناس اللي معرفهمش بتعامل معاهم على حسب لو ناس في سني وخصوصا لو كانوا معايا في الكلية بتعامل معاهم كأني اعرفهم من زمان وبكون على طبيعتي تماما وممكن اتكلم معاهم بالساعات ولو شفتهم تاني بسلم عليهم وممكن اكون لسه معرفش اساميهم ولا هما يعرفوا اسمي وممكن كمان اخد ارقام تليفوناتهم وكل صحابي عرفتهم بالطريقة دي لان محدش منهم كان معايا في ثانوي اما لو تقصد ناس مفيش حاجة مشتركة معاهم يعني لو واحدة فتحت معايا كلام اكيد هرد عليها واحاول افتح موضوع مشترك بس برضه على حسب المناسبة
-من اسألة الاعضاء اللي سألوني حسيت انهم اتفاجوا من شخصيتي (حاسة كده والله اعلم)يمكن اكون كنت غامضة شوية
-اكبر امنية بتمناها من ربنا في حياتي كلها ده سؤال كبير اوي بس اعتقد اهم حاجة ان ربنا يشفي كل مريض
-اكيد طبعا ببقى نفسي ابقى زيه لكن بكون برضه فرحانة وبتمنى يكون احسن مني ويعمل اللي مقدرتش اعمله وبزعل اوي لما اعرف انه اتظلم او حاجة وقفت في طريقه
-احلى هدية جاتلي في حياتي هي دخولي كلية الهندسة وصحابي اللي عرفتهم فيها واكيد احلى منتدى اللي عرفته من الاعلان اللي كان في مبنى كهربا ولسه صورة العلان معايا عالموبيل بالتاريخ بتاعها