كرسى الاعتراف

لما تيجى الساعة 11:59 ... ان شاء الله افكر

ههههههههههههههههه ماشى خد راحتك

انا جيت
هه يا أسامه متقوم بقه انا رجلى وجعتنى من الوقفه
انت نازل فين ؟
عموما لما تقوم ابقى قوللى

قبل ما تقوم يا اسامه ليا تعليق (مستني بنت الحلال ) والا مستني تلاقيها تفرق كتييييييييييييييييييييييير
انت ناوي علي قسم ايه وليه؟؟
لو ما كنتش مهندس تحب تكون ايه؟مع التعليل

سؤال مهم ايه كان شعورك وانت قاعد علي الكرسي

سؤال تاني معلش

ايه موضوع ال58 سنه دول انت عندك كام سنه بالظبط

على فكره يامايتى احنا شوفناك فى الكليه وماطلعطتش امووووووووووور زى ما انت قولت فممكن نعرف ده غرور منك ولا زى المثل؟!!!!!!!!!!!!!!!!!!!!!!!!!!!!!!!!

rora tag كتب:ههههههههههههههههه ماشى خد راحتك

ادينا اخدناها لحد ما طلع عيننا

aladdin4ever كتب:انا جيت
هه يا أسامه متقوم بقه انا رجلى وجعتنى من الوقفه
انت نازل فين ؟
عموما لما تقوم ابقى قوللى

انتا تامر يا باشا انا قايم على الساعة 11:59 النهاردا بتوقيت الهندسة العالمى , تقدر تعد بعديا , بس استنى شوية عشان الكرسى حيبقى دافى

هبه سوسو كتب:قبل ما تقوم يا اسامه ليا تعليق (مستني بنت الحلال ) والا مستني تلاقيها تفرق كتييييييييييييييييييييييير
انت ناوي علي قسم ايه وليه؟؟
لو ما كنتش مهندس تحب تكون ايه؟مع التعليل

1- مستنى يحصل توفيق بيننا مش اكتر و انا مش بدور على واحدة انا بدور على صفات و فى ناس كتيرة الصراحة بتنطبق عليها الصفات بتاعتى , بس فى تناقض بسيط حاصل عندى و مش عارف اعمل فيه اية الصراحة و مش مخلينى باخد خطوة ايجابية فى الموضوع..
ناوى على قسم كهرباء اتصالات باذن الله , لانى حابب المجال دا الصراحة
لو مكنتش مهندس... الله اعلم

mzm_1991 كتب:سؤال مهم ايه كان شعورك وانت قاعد علي الكرسي

انا بحب اكون صريح .. فحاسس بالراحة

mzm_1991 كتب:سؤال تاني معلش

ايه موضوع ال58 سنه دول انت عندك كام سنه بالظبط

21

eng_مقالب كتب:على فكره يامايتى احنا شوفناك فى الكليه وماطلعطتش امووووووووووور زى ما انت قولت فممكن نعرف ده غرور منك ولا زى المثل؟!!!!!!!!!!!!!!!!!!!!!!!!!!!!!!!!

متهيالى قلتلك قبل كدا يا انج مقالب انى مش مطمنلك , بس حرد على سؤالك
الموضوع نسبى , و انا لما قلتها قلتها على سبيل الهزار مش اكتر و انا شخص عادي جدا .. ان مكنتش اقل من كدا

يلا يا علاء جهز نفسك عشان انت من دلوقتى الى قاعد على الكرسى وشكرا يا اسامة

eman كتب:اساااامة....
بما انك صررييييييييح
قولي بقى انت ليه بتكرهني ؟؟

انا مش بكرهك , و مش عارف اية اللى حسسك بكدا , بس لو فى حاجة حقولك

digitalelking كتب:يلا يا علاء جهز نفسك عشان انت من دلوقتى الى قاعد على الكرسى وشكرا يا اسامة

اية يا عم حتضحك عليا فى نص ساعة فاضلالى لا لا دنا حاخد الكرسى و اجرى :]

على العموم انا وقتى خلص, اللى كان حابب يعرف حاجة عنى قلتهاله و اللى لسه معرفش يقدر يبعتلى رسالة و ان شاء الله ارد عليه , و يا ريت تكونو اخدتو انطباع كويس عنى


كان معكم اسامة من ....

شكرا يا أسامه على زوقك ( بس أنا مش تامر )
انا حقعد يا جماعه على كرسى الاعتراف بس كمان شويه عشان الكرسى دافى

هه انا قعدت اللى عايز يسألنى على حاجه يتفضل .................

ايه ميولك فى الحياه يا علاء

اعلى واقصى طموح ليك

اهم حاجه فى حياتك ممكن اكتر من حاجه بس سلسلهم من الاهم للاقل اهميه

semsem : ايه ميولك فى الحياه يا علاء

اعلى واقصى طموح ليك

اهم حاجه فى حياتك ممكن اكتر من حاجه بس سلسلهم من الاهم للاقل اهمية

ميولى فى الحياه هيه انى أعمل أى حاجه مسليه أياً كانت ( دراسه - خروج - شغل فى الأجازه - أى حاجه) المهم انى محسش بالزهق

اعلى و أقصى طموح ليا انى أدخل الجنه
لكن أقصى طموح ليا فى الحياه انى أتجوز الانسانه اللى تستاهلنى و أستاهلها و أعيش مرتاح فى حياتى و فى شغلى بس مش أكتر

أهم حاجات فى حياتى :
1- ارضاء أبويا و أمى قبل ارضاء نفسى
2- أعدى من الكليه دى على خير و الاقى شغل فى أى شركه محترمه
3- مش فاكر دلوقتى أول ما أفتكر حقول بس هما الحاجتين دول أهم حاجه فى الوقت الحالى

تعمل اية لو الدنيا بقت سودة فى وشك .. بمعنى اصح انقلبت راسا على عقب , و اللى كنت بتحسبه ملاك طلع ... و و و و .. اية شعورك ساعتها

اية المواصفات اللى عايزها تكون فى شريكة حياتك ?

شايف نفسك اية كمان 15 سنة

حتجيب كام ولد و بنت باذن الله ؟ ( دا ان لقيت بنت الحلال يعنى )

Mytee كتب:تعمل اية لو الدنيا بقت سودة فى وشك .. بمعنى اصح انقلبت راسا على عقب , و اللى كنت بتحسبه ملاك طلع ... و و و و .. اية شعورك ساعتها

اية المواصفات اللى عايزها تكون فى شريكة حياتك ?

شايف نفسك اية كمان 15 سنة

حتجيب كام ولد و بنت باذن الله ؟ ( دا ان لقيت بنت الحلال يعنى )

ههههههههههههههه انت حد قالك عليا حاجه وللا ايه
بص انا فعلا حصلى الحوار ده أولا انا بتنرفز لدرجه غريبه لدرجة انى ممكن أمسك ( الملاك ده اللى طلع ....) و أفرشله الملايه و أسيحله بس فى نفس الوقت أعصابى بتسيب و ببقى عايز أعيط ( بس بكتم طبعا ) لكن لما بفوق من الحاله دى بعرف ان الملاك ده ميستاهلش يتبكى عليه

المواصفات اللى عايزها فى شريكة حياتى مواصفات مستحيله بس أهو الواحد بيدور
هى انها تكون محترمه و متدينه ( مش داعيه اسلاميه يعنى ) بس أهم حاجه انها تكون بتتحمل المسئوليه و أثق فيها ثقه عمياء
و تكون صريحه و تكون مؤهل عالى ( أى كليه بقه بس المهم متكونش أعلى منى فى التعليم عشان لما أتكلم معاها أحس انى مش بكلم نفسى ) و طبعا قبل كل ده انها تكون بتحبنى و انا بحبها ؛ لأنها لو بتحبنى بجد حتشوف اللى بيزعلنى و متعملهوش , كفايه كده

كمان 15 سنه ممممممم مش عارف , مين عارف مش يمكن أكون لسه فى الكليه ؟
لأ بس ممكن مثلا أكون شغال بره مصر لأن انا ناوى على كده فعلا , أول ما أتخرج أتشتغل فى شركه جوه مصر ( عشان أخد خبره و أظبط الcv ) و بعدين أشوف أى عقد عمل بره مصر


انا عاوز ولد و بنت بس و ربنا الرزاق

هو سؤال خيالي شوية بس يا ريت تجاوب علية
لو جالك شخص وقالك انك ممكن تسالة سؤال واحد عن المستقبل بتاعك هيبقي عامل ازاي وهو هيجاوبك الاجابة اللي هتحصلك فعلا
بس سؤال واحد
هتسالة تقولة اية ولية

بسم الله الرحمن الرحيم
الاجابه هى ( حسأله انا حأموت امتى )
عشان لو أنا عارف أنا حأموت أمتى حبطل أى حاجه صغيره تغضب ربنا أو حتى قبل ما أموت على طول
لكن برضه أرجع و أقول ان لا يعلم الغيب غير الله

اكيد طبعا واصلا من حكمة ربنا انة مخلناش نعرف الغيب

بالظبط لأن الدنيا ما هى اللا اختبار

انا سؤالى هو ..........اية هو اول انطباع الناس بتاخذة عنك اول ماتشوفك وتتعامل معاك ؟
ايه اكتر صفة بتحبها فى نفسك واكتر صفة بتكرهها؟

s@h@r كتب:انا سؤالى هو ..........اية هو اول انطباع الناس بتاخذة عنك اول ماتشوفك وتتعامل معاك ؟
ايه اكتر صفة بتحبها فى نفسك واكتر صفة بتكرهها؟

أول انطباع الناس بتاخده عنى ؟؟ مش عارف , بس هى بتبقى مختلفه من ناس لناس يعنى ممكن ناس تشوفنى مرح شويه عشان انا من النوع اللى بياخد على الناس بسرعه و بحب أهزر معاهم و كده

أكتر صفه بحبها فى نفسى انى بهتم أوى بمشاعر الأخرين و بقدرها و كمان مبحبش أزعل حد منى ( طبعا لو كنت أنا الغلطان ) و مبتكسفش من انى أتأسف لو كنت زعلتهم

أكتر صفه بكرهها , انى لما بكون متنرفز مبعرفش أنا بعمل ايه و لا بقول ايه و ده كتير بيزعل ناس منى لكن لما بهدى بصالحهم لو كنت انا الغلطان

بم انى انا الى عامل الموضوع ده فابقى غلس لو انى مرشحتش نفسى
عشان كده بقولكم انا الى هعد على الكرسى الاسبوع ده والى عايز يعرف حاجة عنى يتفضل يسأل

اه نسيت
شكرا يا علاء انت كده مدتك خلصت ودلوقتى دورى انا للاسف

ايه يا عم محمد انت حتاكل عليا المده انا قاعد من يوم الحد
و الله أخد الكرسى و أروح بيتنا